විකා (Wicca) සහ Witchcraft
පෙරවදන
[සංස්කරණය]විකා Wicca සහ Witchcraft යනු ස්වභාව ධර්මය පූජනීයව සලකන ඇදහිලි ක්‍රමයක්, ගුප්ත ශාස්ත්‍ර ක්‍රමයක් සහ අධ්‍යාත්මික ජීවිත දර්ශනයක්. එය මිනිසාගේ සොබාදහම සමග සබැඳියාව, ශාරීරික සහ මානසික යහ පැවැත්ම, සුවය සහ දියුණුව ලඟා කරන මාර්ගයකි.
මේ පිලිබඳව සිංහලෙන් ලියවුනු කිසිම පොතක් නැති, ඉංග්‍රීසි හෝ වෙනත් භාෂාවකින් ලියවුනු පොතක් හෝ ලංකාවේ නොතිබූ කාලයක (2008 මැයි) මෙම පොත බ්ලොග් අඩවියක් ලෙස ලිවීම ආරම්භ කලේ විශ්ව කුමාර වන මා විසින්. මේ පිලිබඳව උනන්දුවක් තිබූ අයට සිංහල මාධ්යයෙන් පහසුවෙන් අවබෝධ කරගැනීම පිනිස නොමිලයේ කියවීමට අන්තර්ජාලය ඔස්සේ ලබාදීමෙ පරමාර්ථයෙන් මෙම පොත ලියවින.
මෙම පොතෙහි යොදාගෙන ඇති පින්තූර බොහෝමයක් Creative Commons බලපත්‍රය යටතේ ලබාගත් ඒවායි. ඊට අමතරව, බුද්ධිමය දේපල කල් ඉකුත් වූ (Public Domain) පින්තූර සහ චිත්‍රක ද මෙහි අඩංගු වේ.
මෙම පොතෙහි ඇති අන්තර්ගතය මුලින්ම ප්‍රකාශයට පත් කලේ මෙම -> http://wiccaandwitchcraftlk.blogspot.com/ බ්ලොග් අඩවිය හරහායි.
විකා දර්ශනය ශ්‍රී ලංකාවෙ පුරාන ඇදහිලි ක්‍රම සමඟ බද්ධ කිරීමේ ව්යාපෘතියෙහි බ්ලොග් අඩවියට මෙම -> http://neweasternwicca.blogspot.com/ සබැඳියෙන් ලඟා විය හැකියි.
~ ස්තූතියි )O( ආසිරි වේවා ~
~~ විශ්ව කුමාර ~~
විකා (Wicca) සහ Witchcraft හැඳින්වීම
[සංස්කරණය]
විකා (Wicca) යනු සොබා දහම, ගුප්ත ශාස්ත්‍ර සහ Witchcraft සම්බන්ධ අධ්‍යාත්මික ජීවිත දර්ශනයකි. එය මිනිසාගේ සොබාදහම සමග සබැඳියාව, ශාරීරික සහ මානසික යහ පැවැත්ම, සුවය සහ දියුණුව ලඟා කරන මාර්ගයකි.
මෙය ලෝකය පුරා පැතිරුණ ඉතා විවෘත වූ දර්ශනයකි. මෙහි ඒක-සම්මත මූලධර්මවාදයක් නොමැති නිසා සම්ප්‍රදායෙන් සම්ප්‍රදායට මෙන්ම පුද්ගලයාගෙන් පුද්ගලයාටද විශ්වාස හා ඇදහිලි ක්‍රම වෙනස්වේ. නමුත් ඉතාම මූලික සිද්ධාන්ත හා වටිනාකම් එලෙසම පවතී.
මෙහි මූලිකම නීතිය හා වටිනාකම වන්නේ "කිසිවකුටවත් හානියක් නොවේනම් (පමණක්), ඔබට කැමැත්තක් කරව!", (An' it harms none, Do what thou wilt) යන්නයි.
විකා "Wicca" යන වචනය මුලින්ම හඳුන්වා දුන්නේ ආචාර්ය ජෙරල්ඩ් ගාර්ඩ්නර් මහතා විසින් 1954 වැනි මෑත අවධියකදී ය. නමුත් විකා වලට පදනම් වූ ස්වාභාවික අධ්‍යාත්මික දර්ශනය මිනිස් ශිෂ්ඨාචාරය තරම්ම ඉපැරණිය.
Witchcraft යන වචනය භාවිතයට පැමිණියේ 1484 දී පමණ වතිකානය මගින් ඔවුන්ගේ ඉගැන්වීම් වලට පටහැනි ඇදහිලි සහ අභිචාර විධි හැඳින්වීම සඳහාය. නමුත් දැනට මෙම වචනය භාවිතා කරන්නේ ප්‍රධාන වශයෙන්ම යටපත් වූ අධි මානසික හැකියාවන් දියුණු කරන ක්‍රමවේදය හැඳින්වීමටයි.
විකා (Wicca) සහ Witchcraft යනු ස්වායක්ත වූ පද්ධතීන් දෙකකි. එහෙත් මේවායේ ඇති අධ්‍යාත්මික පැතිකඩ වල ඇති සමානතාවය නිසාත් ඒවා එකම පුද්ගලයින් පිරිසක් විසින් ප්‍රචලිත කරන ලද නිසාත් ඉතා සමීප වූ අධ්‍යාත්මික හර පද්ධතීන් දෙකක් ලෙස පවතී. නමුත්, විකා ආගමක් ලෙස අදහන සියලු දෙනා Witchcraft ක්‍රමවේද භාවිතා නොකරන අතර Witchcraft ක්‍රමවේද භාවිතා කරන සියලු දෙනා විකා ආගමක් ලෙස නොඅදහයි.
මෙය බහු දේව වාදී ආගමකි. ප්‍රධාන වශයෙන්ම දේවත්වයේ ලා සැලකෙන්නේ පරිසරයේ, සොබාදහමේ ස්ත්‍රී සහ පුරුශ ශක්තීන් ය. මේ බලවේග (පුරුශ)දෙවියා සහ (ස්ත්‍රී)දේවතාවිය ලෙස සලකයි. මේ සම්බන්ධ ඇදහිලි සහ විශ්වාස ඒ ඒ සංස්කෘතීන් අනුවද වෙනස් වේ.
විකා අධ්‍යාත්මික දර්ශනය තුල පුරුශයාට මෙන්ම කාන්තාවටද සමාන තැනක් හිමි වේ. සමහර සම්ප්‍රදායන් වලදී කාන්තාවට විෂේශ ස්ථානයක් හිමිවන අතර දේවත්වයෙන්ද සලකයි. උදාහරණයක් වශයෙන් ගතහොත් Dianic (ඩයානික) සම්ප්‍රදාය සම්පූර්ණයෙන්ම වෙන් වන්නේ කාන්තාවන් සඳහාය.
Witchcraft ක්‍රමවේද පුහුණු වන අය හැඳින්වීම සඳහා බොහෝ විට "Witch" යන වචනය භාවිතා වේ. මෙය ස්ත්‍රී පාර්ශවය සඳහා පමණක් නොව එම ක්‍රමවේද පුහුණු වන පුරුශ පාර්ශවය සඳහාද භාවිතා වන වචනයකි.
විකා වල ඉතිහාසය
[සංස්කරණය]
විකා දර්ශනය ප්‍රතිසංස්කරනය කර පොදු මහජනයා අතර ප්‍රචලිත කිරීමට දායක වී ඇත්තේ ආචාර්ය ජෙරල්ඩ් ගාර්ඩ්නර් මහතාය. ඒ 1954 වර්ශයේදීය. ජෙරල්ඩ් ගාර්ඩ්නර් මහතා, ශ්‍රී ලංකාවේ යටත් විජිත පාලන සමයේ සේවය කල රබර් වතු පාලක වරයෙකි.
බ්‍රිතාන්‍යයේ 1952 දක්වා Witchcraft ආගම තහනම් කර තිබුනි. එම තහනම ඉවත් කිරීමත් සමඟ අධ්‍යාත්මික සහ ගුප්ත-ශාස්ත්‍ර විශයයන් සම්බන්ධ ප්‍රබෝධයක් ඇති වුනි. එතෙක් රහසිගතව පැවතුන අධ්‍යාත්මික සංගම් කිහිපයක්ම පොදු මහජනයා සඳහා ප්‍රසිද්ධියේ විවෘත විය.
මේ කාලයේ ගාර්ඩ්නර් මහතා විශ්‍රාම ලබා නැවත බ්‍රිතාන්‍යයට පැමිණෙයි. එහිදී ඔහුට ඇලියෙස්ට ක්‍රව්ලි (Aliester Crowley), ඩොරීන් වැලන්ට් (Doreen Valiente) වැනි Witchcraft ක්‍රමවේදඅධ්‍යයනය කරන බොහෝ පිරිසක් හමු වේ. ඔවුන් සමඟ එක්ව අතීතයේ පැවති පුරාණ ඇදහිලි ක්‍රම එකතු කොට, හින්දු දහම, බුදු දහම, වැනි පෙරදිග දර්ශන වල අධ්‍යාත්මික ඉඟැන්වීම් ද සම්බන්ධ කරගත් විකා දහම, ගාර්ඩ්නර් මහතා විසින් ප්‍රතිසංස්කරනය කලේය.
විකා ගැන ලෝකය දැනගන්නේ ගාර්ඩ්නර් මහතාගේ "Witchcraft Today" නම් කෘතිය එලි දැක්වීමත් සමඟය. ගාර්ඩ්නර් පවසන පරිදි විකා යනු අතීතයේ සිට පැවති Witchcraft ආගමේ වර්තමාන අවස්ථාවයි.
1899 දී ඉතාලි ජාතික චාල්ස් ලේලන්ඩ් විසින් අරඩියා (Aradia, or the Gospel of the Witches) නමින් කෘතියක් ප්‍රකාශයට පත් කර Witchcraft ඇදහිලි පිලිබඳව පොදු මහජනතාවට හෙලි කර ඇත.
තවද රේවන් ග්‍රිමාසි (Raven Grimassi) වැනි ඉතාලි ලේඛකයින් ද මේ සම්බන්ධ පොත් පොදු මහජනයා වෙනුවෙන් ප්‍රකාශ කර ඇත. ඉතාලි බසින් Witchcraft හඳුන්වන්නේ Stregha නමින් ය. ඉතාලියේ කිසි දිනක Witchcraft ආගම තහනම් කර තිබී නැත. එමෙන්ම ඉතාලි සම්ප්‍රදායන් සහ ගාර්ඩ්නර් විසින් හඳුන්වාදුන් බටහිර යුරෝපීය සම්ප්‍රදාය අතර සමහර වෙනස්කම්ද ඇත.
ඇමරිකා එක්සත් ජනපදයේ විකා දර්ශනය ආගමක් ලෙස නිල වශයෙන් පිලිගැනුනේ 1975 වර්ශයේදීය. ඇමරිකාවේ මෙය ජනප්‍රිය වීමට ප්‍රධානතම හේතුව ලෙස දැක්විය හැක්කේ රේමන්ඩ් සහ රෝස්මරි බක්ලන්ඩ් (Raymond & Rosemary Buckland) යුවලයි. රේමන්ඩ් බක්ලන්ඩ්, අචාර්ය ගාර් ඩ්නර්ගේ ශිෂ්‍යයෙකි. ඔහු විසින් ලියන ලද පොත් විශාල වශයෙන් ගුප්ත ශාස්ත්‍ර පොත් ම පල කරන ලෙවෙ'ලින් (Llewellyn) ආයතනය මගින් මුද්‍රනය කරන ලදී.
සියැක්ස් විකා (Seax-Wicca) නමින් නව සම්ප්‍රදායක් බිහි කල මොහු ඇමරිකාව පුරා වැඩමුලු පවත්වමින් මේ සම්බන්ධ යම් උනන්දුවක් ඇති පිරිස් දැනුවත් කලේය. විකා සහ විෂේශයෙන් Witchcraft ක්‍රම අධ්‍යයනය කරන බොහෝ දෙනෙක් තම අත් පොත ලෙස සලකන "The Complete Book Of Witchcraft" පොත ලියන ලද්දේද රේමන්ඩ් බක්ලන්ඩ් විසිනි.
විකා (Wicca) සහ Witchcraft වල පසුබිම
[සංස්කරණය]
විකා (Wicca) යනු සොබා දහම, ගුප්ත ශාස්ත්‍ර සහ Witchcraft සම්බන්ධ අධ්‍යාත්මික ජීවිත දර්ශනයකි. එය මිනිසාගේ සොබාදහම සමග සබැඳියාව, ශාරීරික සහ මානසික යහ පැවැත්ම, සුවය සහ දියුණුව ලඟා කරන මාර්ගයකි.
විකා වල වඩා වැදගත් වන්නේ පරිසරය, සොබාදහම සහ පුද්ගලයා සමඟ ඇති සබඳතාවය වර්ධනය කර ගැනීමත්, ඒවාට දේවත්වයෙන් සලකා ආචාර කිරීමත්, සොබාදහමේ සෘතු වෙනස්වීම් උත්සවාකාරයෙන් සංවත්සර සැමරීමත් ය. මීට අමතරව පුද්ගල සංවර්ධනය සඳහා උපකාරී වන භාවනා සහ ව්‍යායාම ක්‍රමද මීට ඇතුලත් වේ. අධිමානසික හැකියාවන් දියුණු කිරීම සහ ගුප්ත ශාස්ත්‍ර අධ්‍යයනයට හිමි වන්නේ දෙවන තැනයි.
මෙහි ඇති විවෘත ස්වභාවය, ඒක-සම්මත මූලධර්මවාදයක් නොමැති වීම සහ සංවිධානාත්මක ආගමක් නොවන නිසාත් විවිධ ආකාරයේ සංස්කෘතීන් හා දර්ශන වල ඇති අංග එකතු වී නොයෙක් නිකායන් බිහි වී ඇත. නමුත් මේ තුල නිකායන් හැඳින්වීමට භාවිතා කරන්නේ සම්ප්‍රදාය (Tradition) යන වචනයයි.
විකා වල සංකේතය වන්නේ මෙම Pentacle, එනම් වෘත්තයක් තුල ඇති පස් කොන් තරුව යි. මෙය ඉතා ඈත ඉතිහාසයක් ඇති සංකේතයකි. ප්‍රධාන වශයෙන්ම මෙයින් සංකේතවත් වන්නේ පංච මහා භූතයින් ය. එනම් අප අවට ඇති පරිසරය, ලෝකය තැනී ඇති ප්‍රධාන මූල ධාතූන් ය. තවද මෙය පුරානයේ සිට පැවත එන ආරක්ෂාව සම්බන්ධ ශුද්ධ වූ හැඩතලයකි. මෙහි පිටතට යොමූ වූ උල් ත්‍රිකෝන පහෙන් භාහිර බලවේග වලින් ආරක්ෂා වීමත්, මැද ඇති පංචාස්‍රයෙන් ගර්භාශයත්, වට කර ඇති වෘත්තයෙන් සමතුලිතතාවයත් සංකේතවත් වේ.
විකා වලට මූලික වී ඇති ඇදහිලි සහ විශ්වාස, සශ්‍රීකත්වය උදෙසා වූ පුරාණ අභිචාර විධි තුලින් බිහි වූ ඒවා යැයි සැලකිය හැක. ලෝකය පුරා තිබුනු පුරාණ ශ්‍රේෂ්ඨ සං ස්කෘතීන් වූ ග්‍රීක, ඊජිප්තු, නෝර්ස්, කෙල්ටික් මෙන්ම සිංහල සම්ප්‍රදායන් වල මේ සම්බන්ධ ඇදහිලි සහ අභිචාර විධි වල බොහෝ සමානකම් දැකිය හැකිය. මේවා එකිනෙකින් වෙන්ව ස්වාධීනව දියුනු වුවද, ඒවායේ අදහන දෙවි වරුන් ගේ නම් වෙනස් වුවද, ඒවායේ පසුබිම් වන සංකල්ප වල මවිතකරවනසුලු ගැලපීමක් ඇත.
ස්වභාව ධර්මයේ පවතින ජීව ශක්ති ස්වභාවයේ ස්ත්‍රී හා පුරුශ පැතිකඩ දෙකක් ඇත. මේ ස්වභාවයන් දෙක විකා වල දේවත්වයෙන් සලකයි. මෙය දේවතාවා සහ දේවතාවිය ලෙස අදහන අතර ප්‍රධාන වශයෙන් ස්ත්‍රී හා පුරුශ ලිංගිකත්වය අදහස් වේ. දේවතාවිය සහ දේවතාවා දෙපසක සිට සොබාදහම (හෝ ස්වභාවය) සමතුලිත කරන ලෙස සැලකේ. එමෙන්ම වර්ශයේ වඩා සීත සෘතු වලට (පුරුශ)දෙවියා අධිපති බවත් උණුසුම් වූ සෘතු වලට දේවතාවිය අධිපති ලෙසත් ඇදහීමක් ඇත.
විකා (Wicca) සහ Witchcraft ඇදහිලි
[සංස්කරණය]
ස්වභාවධර්මය
[සංස්කරණය]ස්වභාවධර්මයේ වෙනස් වීම්, සෘතු සහ සංවත්සර උත්සවාකාරයෙන් සැමරීමද විකා වලට අයත් අංගයකි. වර්ශයේ සෘතු සතර සහ ඒ අතරමැද සංක්‍රාන්ති සමඟ වර්ශයකට ප්‍රධාන සංවත්සර අටක් ඇත. මේවා Samhain, Yule, Imbolc, Spring, Beltane, Midsummer, Lughnasadh, Autmn ලෙස හඳුන්වයි. තවද වර්ශයකට උදා වන පුර සඳ (පොහොය) දහ තුන ද උත්සවාකාරයෙන් සමරනු ලබයි.
සෘතු අනුව වර්ශය අඳුරු අර්ධය සහ ආලෝක අර්ධය ලෙස කොටස් දෙකකට බෙදා ඇත. සෘතු, සංවත්සර ඇති වන්නේ සූර්යයා සහ පෘථිවියේ ගමන් මාර්ගය නිසාය. එම නිසා සංවත්සර වලදී, (විෂේශ්යෙන්ම වර්ශයේ අඳුරු අර්ධයේදී) පුරුශ දේවතාවා සම්බන්ධ පූජා විධි සිදු කරයි.
දේවතාවිය
[සංස්කරණය]විකා වල චන්ද්‍ර දේවතාවියටද විෂේශ තැනක් හිමි වේ. ඩයානික සම්ප්‍රදායේ ඩයානා දේවතාවිය සංකේතවත් වන්නේ චන්දයාගෙන් ය. තවද මෙම පුර සඳ දෙපස සඳේ වැඩෙන කලාව සහ ගෙවෙන කලාව දැක්වෙන සංකේතයද දේවතාවිය සංකේතවත් කරන සලකුනකි. මෙයින් අදහස් වන්නේ දේවතාවියගේ යෞවනිය, මව සහ මැහැල්ල යන ත්‍රිත්ව ස්වභාවයයි.
කර්මය සහ පුනර්භවය
[සංස්කරණය]කර්මය සහ පුනර්භවය, පෙරදිග දර්ශන වලින් පසුව විකා දහමට එකතු වූ අංගයන් ය. පුනර්භවය යනු යම් පුද්ගලයෙක් හෝ සත්වයෙක් මරණයෙන් පසුව නැවත ජීවිතයක් ලබන බවයි. එනම් අපගේ ශරීරය තුල පවතින ජීව ශක්ති ස්වභාවයේ යම් කොටසක් මරණයෙන් මතුද පැවත නැවත උපතකට හේතු සදන බවයි.
පුනර්භවය සහ කර්මය ඉතා සමීපව බැඳී ඇත. කර්මය යනු අප විසින් කරන ක්‍රියාවන් ගේ ප්‍රථිඵලය නැවත අප වෙතම පැමිනෙන විශ්වීය ස්වභාවයයි. විකා ඇදහීමට අනුව අප විසින් කරන හොඳ හෝ නරක තුන් ගුණයකින් වැඩිවී නැවත අප වෙතටම පැමිනේ. මෙය හඳුන්වන්නේ Three Fold Law නමිනි. කර්මය මේ ජීවිත කාලය තුලදීම හෝ මරණින් පසු ඊලඟ උපතේදී හෝ නැවත පැමිණිය හැක.
ආගමික චාරිත්‍ර
[සංස්කරණය]
විකා, බොහෝ විට කන්ඩායමක් ලෙස සමරන ආගමික චාරිත්‍ර වලින් යුතුය. මෙසේ කන්ඩායමක් ලෙස රැස් වන පිරිස Coven ලෙස හඳුන්වයි. එසේ එකතු වන පිරිස අතර එක පවුලක් සේ ඉතා සමීප බැඳීමක් ඇති වීම ඉතා වැදගත් වේ. විකා වල කන්ඩායමකට එකතු වීම පූජකත්වයට පත්වීම හා සමානව සැලකේ. එසේ එකතු වීමට ප්‍රථම වර්ශයකුත් එක් දිනක් ශිශ්‍යයෙකු ලෙස මූලික අධ්‍යාපනය ලැබිය යුතුය.
වර්ශ තුනකට වඩා අත්දැකීම් ඇති විට කන්ඩායමක නායකත්වයට සුදුසු වූවකු ලෙස සැලකේ. කන්ඩායමකට නායක පූජක වරයෙක් සහ පූජක වරියක් සිටියද සියල්ලන්ම එක හා සමාන මට්ටමෙන් ගෞරවයෙන් යුතුව සලකනු ලබයි.
නමුත් මෙසේ කන්ඩායමකට එකතු වීමට අවස්ථාව නොලැබෙන අය ද සිටී. මෙයට හේතුව වන්නේ තමා හා සමාන අදහස් ඇති තවත් අය හෝ කන්ඩායමක් ලඟාවිය හැකි ප්‍රදේශය තුල සොයාගැනීමට නොහැකි වීමයි. මේ හේතුවෙන් බොහෝ දෙනා තමාගේම උත්සාහයෙන් පොත්පත් මගින් හෝ වෙනත් ක්‍රම වලින් තනිවම අධ්‍යයනය කර තම මාර්ගය සලසා ගනී.
පණ ඇති සියලුම ජීවීන් වන මිනිසා සතුන් සහ ගහ කොල වල ජීව ශක්තිය පවතින බවත් අප අවට ඇති පංච මහා භූතයින්ගෙන් තැනුන විශ්වයේද ශක්තියක් ඇති බවත්. ඒවා භාවිතා කිරීමෙන් බොහෝ ප්‍රයෝජන ගැනීමට හැකි බවත් බොහෝ දෙනා විශ්වාස කරයි. භාවනා ක්‍රම තුලින් සිත දියුනු කිරීමෙන් ද වචන සහ ශබ්ද වල බලයෙන් ද මෙම බල වේග පාලනය කල හැක, ඒ තුලින් ශාරීරික සහ මානසික සුවය, රෝගාබාධ වැලැක්වීම, සුවය ඉක්මන් කිරීම වැනි ප්‍රයෝජනද ලැබිය හැක.
තවද, භාවනා ක්‍රම තුලින් සිත දියුනු කිරීමෙන් විවිධ අධිමානසික හැකියා, එනම් ඈත සිදු වන දේ මනසින් දැකීම, අනාගතයේ විය හැකි අනතුරු කලින් දැකීම, සැඟවී ඇති දේ අවබෝධ කර ගැනීම ආදී කාරනා ද විකා සහ Witchcraft අනුගමනය කරන බොහෝ දෙනාගේ අවධානයට ලක් වන අනෙකුත් අංශයන් ය.
විකා දහමේ ප්‍රධාන ඉඟැන්වීම් පහ
[සංස්කරණය]Wiccan Rede
[සංස්කරණය]Wiccan Rede, විකා දහමේ මූලිකම ඉඟැන්වීමක් ලෙස දැක්විය හැක. මෙය වාක්‍ය 26 කින් යුත් එකතුවකි. මෙහි ඉතාම වැදගත් කොටස ලෙස සැලකෙන්නේ අවසාන වාක්‍ය වන An' it harm none, Do as you will (කිසිවෙකුටත් හානියක් නොවේනම් කැමති ලෙස කරව) යන්නයි. එය තුල විකා දහමේ මූලිකම නීතිය අඩංගු වේ. නීතිය ලෙස සඳහන් කලද මෙය කිසිවිටෙකත් නියම කිරීමක් ආකාරයෙන් අදහස් කර නැත. එහි ගැඹුරු අර්ථය වන්නේ කිසිවෙකුටත් හානිදායක නොවන (යහපතක් වන) ක්‍රියාවක් නම් බිය විය යුතු නැති බවත්, කිසිවෙකුට හෝ හානිදායක වන බව දන්නේනම් ඉන් වැලකීමට උත්සාහ ගත යුතු බවත් ය. තමා විසින් අන් අය කෙරෙහි වන බලපෑම සෑම විටම තමා කෙරෙහි සිදුවන බලපෑමක් සේ සිතා බලා එය තීරණය කල යුතුය.
කර්ම, ඵල විපාක දෙන බව
[සංස්කරණය]දෙවැන්න වන්නේ පුද්ගලයකු විසින් කරන ක්‍රියාවන් වල ප්‍රතිඵල නැවත ඔහු/ඇය වෙතටම පැමිණෙන බව (Law of Return) පිලිබඳ ඇති විශ්වාසයයි. මෙය හොඳ නරක ක්‍රියාවන් සියල්ලටම පොදු වේ. ඔබ විසින් අන් අයගේ යහපත උදෙසා කරන ක්‍රියාවන් සඳහා ඔබට ආපසු යහපතක් වන බවත්, අන් අයගේ අයහපත පතා කරන ක්‍රියාවන් සඳහා ආපසු අයහපතක් පැමිණෙන බවත් අවබෝධ කර ගත යුතුය. සමහර සම්ප්‍රදායන් වල මෙසේ නැවත ඵල දීම කිහිප ගුණයකින් ගුණාකාර වී ඵල දෙන බව ද උඟන්වයි.
ස්වයං වගකීම පිලිබඳ ඉඟැන්වීම
[සංස්කරණය]ඵල විපාක දීම පිලිබඳ අදහස තවදුරටත් විශ්ලේශනය කිරීමෙන් මෙය අවබෝධ කර ගත හැක. මෙයින් අදහස් වන්නේ පුද්ගලයකුට සිදු වන දේ පිලිබඳ වගකිවයුත්තා ඔහුම බවයි. විකා දහමෙහි මිනිස් ජීවිත පාලනය කරන ඉහල බලවේගයක් පිලිබඳ අදහස ප්‍රතික්ෂේප වේ. පුද්ගලයකුට අත් වන ඉරණම තීරණය වන්නේ ඔහු විසින් පෙර කරන ලද ක්‍රියාවන්ට අනුවය. මේ අනුව තමාගේ ජීවිතයේ ඉරණම භාහිර බලවේගයකට පවරා බලා සිටිය නොහැක. බාහිර බලවේග වල සහයෝගය සහ ශක්තිය ලබාගත්තද ඒවා නිවැරදිව භාවිතා කිරීමත් තම දියුණුව සහ තීරන ගැනීමත් තමා විසින්ම කල යුතුයි.
නිරන්තර සංවර්ධනය පිලිබඳ ඉඟැන්වීම
[සංස්කරණය]ස්වයං වගකීම සහ ඵල විපාක දීම යන ඉඟැන්වීම් දෙකට අනුව පුද්ගලයකු විසින් කල යුතු දේ ඇතුලත් වන්නේ නිරන්තර සංවර්ධනයටයි. පුද්ගලයකුගේ ඉරණම තීරණය වන්නේ ඔහු/ඇය විසින් ගන්නා තීරණ සහ කරන ක්‍රියාවන් අනුව නම් එම ඉරණම යහපත් කර ගැනීමද පුද්ගලයා සතු වගකීමකි. තමා විසින් කරන ක්‍රියාවන් හරහා යහපත් වෙනසක් ඇතිකිරීම උදෙසා වූ අරමුණ එක් කර ගත යුතුය. මෙය තමාගේ පෞද්ගලික දියුණුව පමණක් නොව භාහිර සමාජය සහ ස්වාභාවික පරිසරය කෙරෙහිද දිගු කල යුතු ආකල්පයකි. මනුශ්‍යයාට තමා අවට ඇති පරිසරය සහ සමාජය කෙරෙහි වගකීමක් ඇත. අන්‍ය මත ඉවසීම, යහපත් දේ අගය කිරීම, සාහිත්‍ය කලා රසවින්දනය සහ නිරන්තර ඉඟෙනීම ද මෙයට අයත් වේ.
ඒකාත්මික වීම පිලිබඳ ඉඟැන්වීම
[සංස්කරණය]අවසාන අංගය වන්නේ දේවත්වය සමඟ එකට සුසර වීමයි. බොහෝමයක් අභිචාර විධි වල මූලික අරමුණ වන්නේ ඒකාත්මික වීමයි. දේවත්වය යන්නෙන් කිසිවිටෙක මැවුම්කාර හෝ සර්වබලධාරී දෙවි කෙනෙක් අදහස් නොවේ. මෙහිදී දේවත්වය යන්න තුන් ආකාරයකින් විග්‍රහ කල හැක. පලමු වැන්න ලෙස දැක්විය හැක්කේ පුද්ගලයා (තමා) තුල ඇති දේවත්වයයි. තමා තුල ඇති දේවත්වය අවධි කිරීමට නොයෙකුත් අභිචාර විධි, භාවනා, නැටුම්, වාදන (බෙර) සහ වෙනත් ක්‍රම භාවිතා වේ.
දෙවැන්න ලෙස දැක්විය හැක්කේ දෙවියන්, සොබාදහම සහ ශක්තීන් තුල ඇති දේවත්වයයි. සොබාදහමේ ජීව ශක්ති ස්වාභාවයේ ස්ත්‍රී පුරුශ බලවේග, චන්ද්‍ර දේවතාවිය ආදීන් මෙයට අයත් වේ. සොබා දහමේ සෘතු සංවත්සර සැමරීම අයත් වන්නේ මේ සඳහාය.
තුන් වනුව මුලු මහත් විශ්වයම දේවත්වයෙන් සැලකීම දැක්විය හැක. තනි තනි ජීවීන් සහ ඒකක වශයෙන් විශ්වයේ ඇති කුඩා ඒකක වලට ප්‍රානයක්, ජීවයක් දේවත්වයක් ඇති නිසා ඒ සියල්ල එක්ව ගත් කල මුලු මහත් විශ්වයම ඒ සියල්ලේම එකතුව ලෙස දේවත්වයෙන් සලකයි. තනි පුද්ගලයා එහි කුඩා කොටසකි.
Wicca -> Witchcraft සහ Magick
[සංස්කරණය]
විකා වල Witchcraft ගැන කියන විට විෂේශයෙන් මතක් කල යුතු පුද්ගලයෙකි ඇලියෙස්ට ක්‍රව්ලි (Aliester Crowley). ගාර්ඩ්නර් ගේ සමීප මිත්‍රයෙක් වන මොහු ගුප්ත ශාස්ත්‍ර පිලිබඳ විෂේශඥයෙකි. ක්‍රව්ලි ගේ මූලික විශය පථය වූයේ දර්ශනය සහ සාහිත්‍යයයයි. ඒ කේම්බ්‍රිජ් විද්‍යාලයේදීය. නමුත් 1896 කාලයේ සිදුවූ යම් සිදුවීමක් හේතුකොටගෙන ඔහු ගුප්ත ශාස්ත්‍ර පිලිබඳ අධ්‍යයනය කරන්නට පටන්ගත්තේය. විකා වල ඇති Witchcraft සහ Magick සම්බන්ධ බොහෝ තාක්ශනික කරුණු එකතු කරන ලද්දේ මොහු විසිනි.
Magick (k සමඟ) යන වචනය (සාමාන්‍ය Magic වලින් වෙන් කර හැඳින්වීම සඳහා) හඳුන්වා දුන්නේද ක්‍රව්ලි විසිනි. ඇලියෙස්ට ක්‍රව්ලි විසින් හඳුන්වා දුන් Magick යනු චිත්ත බලයෙන් යතාර්ථය වෙනස් කිරීමේ ශිල්පයයි. මෙය ගුප්ත ශාස්ත්‍ර වලට අයත් විශයයකි.
Magick, "සාම්ප්‍රදායික Witchcraft" සමඟ කිසිදු සම්බන්ධයක් නැති අතර විකා වලද මෙයට හිමි වන්නේ දෙවන තැනයි. විකා මෙන්ම "සාම්ප්‍රදායික Witchcraft" ද ආගමික ඇදහීමකි.
එමෙන්ම Magick යනු කිසි විටෙකත් ආශ්චර්යයන් සිදු කල හැකි ක්‍රමයක් නොවේ. එමගින් සූර්යග්‍රහණයක් වැනි දෙයක් සිදු කල නොහැක. භෞතික විද්‍යා නියම වෙනස් කල හැකි දෙයක් මේ තුලින් කල නොහැක. විශ්වයේ පවතින නීති තුල සිට, සිදු කල හැකි සියුම් වෙනස් කිරීම් මගින්, සිද්ධියක් ඇතිවීමේ සම්භාවිතාවය වැඩි කිරීම වැනි දේ කල හැක.
අප අවට පරිසරයේ ඇති සියලුම වස්තූන් සහ ඒවාට සම්බන්ධ සිද්ධීන් හේතු ප්‍රත්‍යය වශයෙන් එකිනෙකට සම්බන්ධව පවතී. එම නිසා ඕනෑම සිදු වීමක් තවත් සිදු වීමකට යම් කිසි ආකාරයකින් බලපෑමක් සිදු කරයි. මෙසේ සියල්ලක්ම අන් සියල්ලකටම සම්බන්ධ වී ඇති නිසා සෑම සිදු වීමක් ම අනන්ත වශයෙන් සංකීර්න වූ සම්භාවිතාවයක් සහිත වේ. මෙය Chaos ලෙස හැඳින්වෙන අතර මේ සම්බන්ධ දේ Chaos Magick වලට අයත් වේ.
Magick යනු අධිශ්ඨාන බලයෙන් පාලනය වූ ස්වාභාවික සිදු වීමකි. ක්‍රව්ලිගේම වචන වලින් කිවහොත් මිනිසෙක් සොටු සීරීම පවා Magickal ක්‍රියාවලියකට උදාහරනයකි :) මෙහිදී වඩා වැදගත් වන්නේ පුද්ගලයෙකුගේ හැඟීම්, අධිශ්ඨාන ශක්තිය සහ අභ්‍යන්තර ජීව ශක්තිය, චිත්ත ශක්තිය එකට එකතු කිරීමය. ඒ සඳහා භාවනා ක්‍රම වලින් සිත දියුනු කල යුතුය. එමෙන්ම වචන සහ ශබ්ද වල ශක්තිය, ජ්‍යාමිතික හැඩතල, ඇඳීම් ද උදව් කර ගත හැක.
Magick යනු අභ්‍යන්තර ජීව ශක්තිය, චිත්ත ශක්තිය සහ ස්වාභාවික ශක්තීන් චලනය කිරීම මගින් අප අවට පරිසරයේ ඇති වස්තූන් සහ සිදුවීම් අපට අවශ්‍ය ආකාරයට වෙනස් කිරීමය. මෙය අස්වාභාවික හෝ අමුතු දෙයක් නොව ඉතා ස්වාභාවික ක්‍රියාවලියකි. ඒ සඳහා අවශ්‍ය වන්නේ මනස සහ අධිශ්ඨානයයි. මෙහි මූලිකවම අවධානය යොමු කල යුතු අංගයන් වන්නේ...
- සැහැල්ලු වීම
- චිත්ත ඒකාග්‍රතාව
- මනසින් දැකීම
මේ සම්බන්ධ වැඩිදුර විස්තර ඉදිරියේදී සාකච්චා වේ.
Wiccan Rede, (විකා දහමේ මූලිකම ඉඟැන්වීම සහ ශික්ෂණය)
[සංස්කරණය]"විකා Rede" යනු කාව්‍ය 26 කින් යුත් සංහිතාවකි. මෙහි ආරම්භය ඉතා පැරණි බව භාවිතා කර ඇති භාෂා ශෛලිය තුලින්ද, අඩංගු කරුණු වලින්ද පෙනේ. මෙය මුලින්ම ප්‍රසිද්ධියේ ප්‍රකාශයට පත් වූයේ 1975 දී Green Egg සඟරාවේයි. එය විකා දහමේ ප්‍රධාන ඉඟැන්වීම් පහෙන් පලමුවැන්නයි. වෙනත් බොහෝ ආගම් වල ඇති ආකාරයේ කල නොකල යුතු දේ පිලිබඳ දැඩි නීති මාලාවක් නැති විකා දහමේ ඒ වෙනුවට ඇත්තේ මෙම Wiccan Rede ය. එය රචනා කර ඇත්තේ උපදෙස් පෙලක් ලෙස මිස නීති මාලාවක් ලෙස නොවේ.
විකා Rede වල පළමු පෙල වන්නේ "Bide the Wiccan Laws you must, In Perfect Love & Perfect Trust". පුද්ගලයෙකු ගේ ශික්ෂණය පිලිබඳ බොහෝ කාරණා මේ තුල ගැබ්ව තිබේ. "In Perfect Love & Perfect Trust" යන්න ආධුනිකයෙකු විසින් දිය යුතු පලමු ප්‍රතිඥාවද වේ. මෙහි මතුපිටින් කරුණාව, දයාව සහ විශ්වාසවන්ත භාවය අදහස් වුවද ගැඹුරු අර්ථයක් ද ඇත.
In Perfect Love යන්නෙන් අදහස් වන්නේ සියලුම සත්වයින් සහ මනුශ්‍යයින් කෙරෙහි වූ කරුණාව සහ දයාවයි. ඒ අනුව තවත් ජීවිතයකට හානි කිරීමෙන් වැලකීමට උත්සාහ ගත යුතුය. "Live you must, And let to live" යන දෙවන පෙලෙන් ද විග්‍රහ කරන්නේ සියලුම ජීවිත වල පැවැත්මට ගෞරව කල යුතු බවයි. In Perfect Trust යන්නෙන් අදහස් වන්නේ විශ්වාසය තැබිය හැකි පුද්ගලයෙකු වීමයි. සත්‍යවාදී වීමටත් පොරොන්දු රැකීමටත්, අනුන් රැවටීමෙන් වැලකීමටත් උත්සාහ ගත යුතුය.
දෙවන පෙලෙහි ඉතිරි කොටස වන්නේ "Fairly Take & Fairly Give" යන්නයි. මෙහි අදහස වන්නේ තමාට අයත් දේ පමණක් ගැනීමටත් ගන්නා දෙයට සරිලන දෙයක් නැවත ගෙවීමටත් වගබලාගතයුතු බවයි.
මීලඟට ඇති "Cast the Circle thrice about, To keep all evil spirits out." සහ "To bind the spell well every time, Let the spell be said in rhyme." ආදී පෙල වලින් අභිචාර විධි සඳහා වූ උපදෙස් කිහිපයක් දෙනු ලබයි. මේවා සම්බන්ධව වැඩිදුර විස්තර ඉදිරි ලිපියකින් ලිවීමට බලාපොරොත්තු වෙමු.
චරිත සංවර්ධනය උදෙසා වූ උපදෙස් සහිත කරුණු මීලඟට හමු වන්නේ 20, 21 පෙල වලය."When ye have need, Hearken not to others greed." යන 20 වන පෙලෙන් දැක්වෙන්නේ අන් සතු දේ පිලිබඳ ඊර්ශ්‍යාව ඇති කර ගැනීමෙන් වැලකීමට උත්සාහ ගත යුතු බවය. අපට අවශ්‍ය දේ සහ අප ආශා කරන දේ අතර ඇති වෙනස හඳුනාගත යුතුය. එවිට අපට අවශ්‍ය දේ ලඟා කර ගැනීම පහසු වේ. තවත් පුද්ගලයෙකුට ඇති දෙයක් දුටු පමනින් එය තමාටද අයත් කර ගැනීමට තන්හාවක් ඇති කර ගැනීම දුකට හේතු වේ. අන්සතු දේ පැහැරගැනීමටද මෙම චේතනාව මුල් විය හැක.
21 වන පෙල වන්නේ "With the fool no season spend, Or be counted as his friend." බුද්ධියෙන් හීන පුද්ගලයින් ඇසුරු කිරීමෙන් වැලකිය යුතු බව මෙයින් අදහස් වේ. බුද්ධිමත් පුද්ගලයන් ඇසුරු කිරීමෙන් පුද්ගලයෙකුට යහපතක්ම වේ. එවන් අය වරද පෙන්වා දෙයි, නිවැරදි දෙය කියා දෙයි. බුද්ධියෙන් හීන පුද්ගලයින් ඇසුරු කිරීමෙන් සිදු වන්නේ අයහපතක්මය.
මීලඟට අපි 25 වන පෙල විග්‍රහ කර බලමු, "True in love ever be, Unless thy lover’s false to thee." යන්න අදාල වන්නේ ප්‍රේමය සහ විවාහයේදී තිබිය යුතු අවංක භාවයයි. අනෙක් සත්වයින්ට වඩා මනුශ්‍යයා බුද්ධියෙන් උසස් වීමේ ප්‍රධානතම ලක්ශණයකි විවාහය. එහි මූලිකම අවශ්‍යතාවය වන්නේ තමා ආදරය කරන තැනැත්තා හෝ තැනැත්තිය වෙනත් පුද්ගලයෙකු හා එක් වීමෙන් වැලැක්වීමට සම්මුතියක් ඇති කිරීමයි. ස්ත්‍රියක් හා පුරුශයෙකු අතර ඇති වන බැඳීමේ ප්‍රබලතාවය නිසා ඔහු හෝ ඇය වෙනත් පුද්ගලයෙකු හා එක් වුවහොත් සිත් වේදනාවක් ඇති වේ. එසේ වන්නේ වන්නේ අනෙක් පුද්ගලයාටය. මෙම සිත් වේදනාව ස්ත්‍රී පුරුශ දෙපාර්ශවයටම පොදු සහ සමාන වේ. මෙහි අනෙක් කොටස වන "Unless thy lover’s false to thee" යන්නෙහි දළ අදහස නම් විවාහයේදී අවංක විය යුත්තේ තමාගේ සහකරු හෝ සහකාරියද තමාට අවංක නම් බවය. නමුත් බුද්ධිමත්ව විමසා බැලීමේදි මෙහි ගැඹුරු අර්ථය නම් තමා සහකරු/කාරියට අවංක නොවුනහොත් ඔහු/ඇයද එසේ කිරීමට ඉඩ ඇති බවය. තවද, ගැහැනියට සහ පිරිමියාට විවාහය තුල එකිනෙකා කෙරෙහි සමාන අයිතියක් ඇති බව මෙයින් පැහැදිලි වේ; පුද්ගලයෙක් තම සහකරු/සහකාරියට අවංක නොවී ඔහු/ඇයට එසේ කිරීමට නීතියක් දැමීම අසාධාරණ වෙයි. විකා දහමට අනුව මෙසේ තම සහකරුට, සහකාරියට අවංක විය යුත්තේ හුදෙක් ඔහු/ඇය සිත් තැවුලට ලක් නොකල යුතු නිසා මිස ඉහල බලවේගයකට ඇති බියක් නිසා නොව.
විකා Rede වල අවසාන පෙල "Eight words ye Wiccan Rede fulfill, An’ it harm none, Do what ye will." යන්නයි. අප ඉහත විග්‍රහ කල ශික්ෂණය පිලිබඳ සියලුම කාරණා මෙමගින් ආවරණය වේ. එනම් කිසිවෙකුට හෝ කිසිවකට හානියක් නොවන යහපත් දෙයක් නම් තමාට කැමති ඕනෑම දෙයක් කල හැකි බවය. මෙමගින් පුද්ගලයෙකුට තමා කැමති දෙයක් කිරීමේ නිදහස ලබාදෙන අතර කුමනාකාරයේ හෝ හානිදායක ක්‍රියාවක් කිරීමෙන් වැලකිය යුතු බවට එම නිදහසට සීමාවක් පනවයි.
පූජා-කර්ම සහ අභිචාර
[සංස්කරණය]ඔබ සැමට අසිරිමත් Samhain සංවත්සරයක් වේවා!
[සංස්කරණය]Wicca වල, වර්ශයකට සමරන සූර්ය සංවත්සර අටෙන් විෂේශතම සංවත්සරය ලෙස සලකන්නේ Samhain(සොඒන්) සංවත්සරයයි. මෙය සෑම වර්ශයකම ඔක්තෝම්බර් 31 වන දිනට යෙදේ. වර්තමානයේ Helloween උත්සවය යෙදෙන්නේද මෙම පුරාන සූර්ය සංවත්සරය යෙදෙන දිනටමය.
සොඒන් සංවත්සරය පුරාන කාලයේ යෙදී ඇත්තේ අස්වනු-නෙලීමේ-කාලයේ අවසානය සහ ශීත-සෘතුව ආරම්භ වීම සැමරීම සඳහාය. තවද මෙය වර්ශයේ අඳුරු අර්ධය ආරම්භ වීම සනිටුහන් කරයි. වර්ශයේ ආලෝකමත් අර්ධය ආරම්භ වන්නේ මැයි 1 වනදාට යෙදෙන Beltane (බිල්ටීන්) සංවත්සරය සමඟයි. එම නිසා මෙම සංවත්සර දෙක වර්ශයේ සූර්ය සංවත්සර අටෙන් ප්‍රධාන තැනක් ගනී. මෙම සංවත්සර සැමරීමේ ආරම්භය වන්නේ කෙල්ටික් ශිෂ්ටාචාරය සමඟයි.
http://www.youtube.com/v/8V3IgVjeYdo
සොඒන් සංවත්සරය සමඟ දේවතාවගේ බලය හීන වී දේවතාවිය බලයට පැමිනේ. ඉන් පසු දෙසැම්බර් 21 යෙදෙන යූල් සංවත්සරයත් සමඟ දේවතාවිය තුලින් නැවත දේවතාවා උපත ලබයි.
Horned One, Lover, Son - Leaper In The Corn, Deep In The Mother - Die And Be Reborn!
මෙදින රාත්‍රියේ බ්හෞතික සහ අධ්‍යාත්මික ලෝක දෙක අතර පරතරය අඩු වන බව විශ්වාස කරයි. තවද අප අතරින් වෙන් වුන මල ගිය ආත්ම නැවත අප අතරට පැමින අප සමඟ එක්ව මෙම සංවත්සරය සැමරිය හැකි බවට විශ්වාසයක් ඇත. එම නිසා මෙම සංවත්සරය සැමරීමේදී මල ගිය ආත්ම වලටද ආරාධනා කරනු ලබයි.
When the west wind blows o'er thee, Departed spirits restless be!
වර්ශය සෘතු අටකට බෙදා දක්වා ඇත. මේවා අතර ප්‍රධාන සෘතු සතරක් සහ අවෂේශ සෘතු සතරක් වේ. එනම්,
| * Lughnasadh | ||
| * Autmn | වස්සාන | සැප්තැම්බර් 21 |
| * Samhain | ||
| * Yule | ශිශිර | දෙසැම්බර් 21 |
| * Imbolc | ||
| * Spring | වසන්ත | මාර්තු 21 |
| * Beltane | ||
| * Midsummer | ගිම්හාන | ජූනි 21 |
මේවායෙන් Samhain සිට Beltane දක්වා කාලය වර්ශයේ අඳුරු අර්ධය ලෙස හැඳින්වේ. නැවත Beltane සිට Samhain දක්වා කාලය වර්ශයේ ආලෝකමත් අර්ධයයි. එම නිසා වසරේ වැදගත්ම සංවත්සර දෙක වන්නේ මෙම Samhain සහ Beltane ය.
පොහොය
[සංස්කරණය]පූර්ණ චන්ද්‍රයා (හෝ පුර සඳ) පායන පුර පසොලොස්වක පොහොය යනු විකා වල ඉතා වැදගත් දිනයකි. වර්ශයකට පුර පසොලොස්වක පොහොය දහ තුනක් ඇත. මෙය ඇති වන්නේ සූර්යයාගේ ආලෝකය චන්දයා මත සම්පූර්ණයෙන්ම වැටී පරාවර්තනය වන විටය.
විකා - පූජාකර්ම
[සංස්කරණය]අපි මෙහිදී සටහන් කරන්නේ විකා, ප්‍රායෝගිකව භාවිතා කිරීම ගැනයි. විකා අවබෝධ කර ගැනීමට ඇති හොඳම ක්‍රමය එය ප්‍රායෝගික්ව භාවිතා කිරීමයි.
පුර පසලොස්වක සඳ ඇති රාත්‍රීන් (Sabbat) වලදී සහ සෘතු සංවත්සර දින අටෙහිදී (Esbat) සාමාන්‍යයෙන් මෙම පූජා කර්ම සිදු කරනු ලබයි. පුර පසලොස්වක සඳ ඇති දින වලදී චන්ද්‍ර දේවතාවිය වන්දනා කිරීමත් සෘතු සංවත්සර දින වලදී සූර්ය දෙවියන් වන්දනා කිරීමත් මූලික වේ. නමුත් මෙම පූජා කර්ම දෙකෙහිදීම දෙවියන් සහ දේවතාවිය දෙදෙනාම වන්දනා කරනු ලබයි.
විකා පූජා කර්මයක මූලික පරමාර්ථය චාරිත්‍ර පූජාවක් වශයෙන් දෙවියන් සහ දේවතාවිය වන්දනා කිරීමයි. නමුත් පූජා කර්මය අතර මැද මායා මන්ත්‍ර ශාස්ත්‍ර (Magic/Witchcraft) සඳහා යොදා ගත හැක. විකා පූජාකර්මයක් අතරමැද යොදාගත් විට මායා මන්ත්‍ර ශාස්ත්‍ර වඩා බලවත් සහ සාර්ථක වේ. සෘතු සංවත්සර දින මේ සඳහා ඉතා යෝග්‍ය වන බලවත්, ඓශ්චර්යමත් දින අටකි. පුර සඳ ඇති පසලොස්වක දින 13ද මායා මන්ත්‍ර ශාස්ත්‍ර සඳහා යෝග්‍ය වේ. මායා මන්ත්‍ර ශාස්ත්‍ර වලින් යමක් ලබා ගැනීම, වර්ධනය කර ගැනීම වැනි දේ සඳහා පසලොස්වක දිනට පෙර දිනයත්, යමක් දුරු කිරීම, නැති කිරීම වැනි දේ සඳහා පසලොස්වක දිනට පසු දිනයත් යොදා ගැනීම වඩා යෝග්‍ය වේ.
පූජා කර්මයක් ප්‍රධාන කොටස් 9කින් යුක්තයි. මේවා නම්:
1. තමා පිරිසිදු වීම
2. අවකාශය පිරිසිදු කිරීම
3. ශුද්ධ වූ අවකාශය සැකසීම (වෘත්තය)
4. දේවාරාධනය
5. පූජා කර්මය (පසලොස්වක සහ සෘතු සංවත්සර)
6. ශක්තිය නැංවීම (මායා මන්ත්‍ර ශාස්ත්‍ර සඳහා)
7. ශක්තිය බිම් ගැන්වීම
8. දෙවියන්ට සහ දේවතාවියට ස්තූති පිදීම
9. වෘත්තය විවෘත කිරීම
විකා පූජා කර්ම සිදු කරන දින සහ විකා වලදී භාවිතා කරන පූජා භාන්ඩ ගැනත් පූජා කර්මයක මෙම කොටස් 9 ගැනත් ඉදිරි ලිපි වලින් විස්තර කිරීමට බලාපොරොත්තු වෙමු.
පූජා භාන්ඩ
[සංස්කරණය]
අභිචාර විධි සඳහා යොදාගන්න උපකරණ බොහෝමයක් අතුරෙන් ඉතාම වැදගත්, ප්‍රධාන ලෙස සලකන්නේ ප්‍රධාන සතර මහා භූත හා සම්බන්ධ මේවාය.
| Aetheme | කිනිස්ස | තේජෝ ධාතුව |
| Wand | යශ්ථිය | වායෝ ධාතුව |
| Chalice | කුසලානය | ආපෝ ධාතුව |
| Pentacle | පස් කොන් තරුව | පඨවි ධාතුව |
මේ ප්‍රධාන උපකරණ වලට අමතරව වෙනත් බොහෝ දෑ තිබුනද ඒවායේ භාවිතය සම්ප්‍රදායෙන් සම්ප්‍රදායට වෙනස් වේ.
බොහෝ දෙනා පිලිගන්නා පරිදි ඉතා වැදගත්ම උපකරණය වන්නේ පුද්ගලයෙකුගේ මනසයි.
විකා - අල්තාරය සහ වෘත්තය
[සංස්කරණය]
විකා පූජා කර්මයක් හෝ මායා මන්ත්‍ර ශාස්ත්‍ර සිදු කිරීමේදී අවශ්‍ය වන මූලිකම වස්තු දෙකක් නම් අල්තාරය සහ වෘත්තයයි. පූජා කර්මයේ හෝ මායා කර්මයේ සියලුම කටයුතු සිදු කරන්නේ වෘත්තය තුල සිටයි. පූජා භාන්ඩ සහ මායා කර්ම සඳහා අවශ්‍ය දෑ තැබීමට අල්තාරය භාවිතා කරයි.
වෘත්තය බිම සලකුනු කරන සීමාවකි. පූජා කර්මය සිදු කරන කාලය තුලදී වෘත්තය තුල සිට පිටතටත් පිටත සිට ඇතුලටත් කිසිවෙක් ගමන් නොකල යුතුය. එසේ ගමන් කල යුතුම වීනම්, වෘත්තය හරහා දොරක් විවර කර ගමන් කල යුතුය.
වෘත්තය අඩි 5 සිට අඩි 9 හෝ ඊට වඩා විශ්කම්භයක් ඇති ලෙස නිර්මානය කල හැක. වෘත්තය සැකසීමේදී මුලින්ම එහි මැද Atheme (කිනිස්ස) හෝ කඩුව සිටුවා එය වටා ලනුවක් දමා ගත යුතුය. ඉන් පසු ලනුවේ අනෙක් කෙලවර ඒ වටා වෘත්තාකාරව ගෙන යමින් පොලොවේ සටහන් කර ගත යුතුය. එලිමහනේ නම් පොලොව හෑරී යන ලෙස දන්ඩකින් ලකුනු කල හැක. නැතිනම් තවත් ලනුවක් තැබීමෙන් සලකුනු කල හැක. ගොඩනැඟිල්ලක් තුල දී නම් හුනු කූරකින් හෝ ලනුවක් තැබීමෙන් යන ක්‍රම දෙකටම වෘත්තය සටහන් කල හැක.
වෘත්තය ආරම්භ කිරීමට ප්‍රථම, පූජාව සහ මායාකර්ම සඳහා අවශ්‍ය වන සියලු දේ අල්තාරය අසලට ගත යුතුය. වෘත්තය සකසන්නේ අල්තාරය මැදි කරගෙනය.
වෘත්තය සටහන් කිරීමෙන් පසු එය තුන් ආකාරයකින් ආරක්ෂා කල යුතුය. වෘත්තය ආරම්භ කිරීමේදී එය වටා දකුනු අතට ගමන් කරමින් සිදු කල යුතුය. එමෙන්ම අවසන් කිරීමේදී වම් අතට ගමන් කරමින් සිදු කල යුතුය. මුලින්ම, වෘත්තය වටා දකුනු අතට යමින් ආසිරි පැන් ඉසිය යුතුය. ඉන් පසු Atheme (කිනිස්ස) ගෙන යමින්, ඒ ඔස්සේ අභ්‍යන්තර ජීව ශක්තිය යොමු කරමින් වෘත්තය තැනිය යුතුය. මෙම වෘත්තය පොලොවේ වෘත්තයක් ලෙස සටහන් කලද එය අවකාශයේ ගෝලයක් ලෙස පිහිටිය යුතුය. මෙම ගෝලය පොලොව හරහා කැපෙන සීමාව වෘත්තය වේ. මෙම් ගෝලය තැනෙන්නේ Atheme හරහා ඔබ යොමු කරන ඔබේ අභ්‍යන්තර ජීව ශක්තියෙනි. ඉන් පසුව වෘත්තය වටා සුවඳ දුම් ගෙන යමින් වෘත්තය සෑදීම අවසන් කල යුතුය.
වෘත්තය ආරම්භ කිරීමෙන් පසු එය ආරක්ෂා කිරීමට සතර දිශා වල මුර දේවතාවන්ට ආරාධනා කල යුතු වේ. සතර දිශා වල මුර දේවතාවන්ට වර්ණ ඉටි පන්දම් සතරක් දල්වා වෘත්තය තුල සතර දිශා වලින් තබා ඔවුන්ට ආරාධනා කල යුතුයි.
- උතුර - පොලොව - කොළ
- නැගෙනහිර - සුලඟ - කහ
- දකුණ - ගින්න - රතු
- බටහිර - ජලය - නිල්
මුර දේවතාවුන් ආරාධනා කිරීමට මෙසේ කිව යුතුය.
Guardian Angles of the Watchtowers of North, Spirits of Earth, I invite you to protect this circle.
උතුරට අධිපති මුර දේවතාවුනි, පොලොවට අධිපති භූතයිනි, මම නුඹට ආරාධනා කරමි, මෙම වෘත්තය ආරක්ෂා කිරිමට.
Guardian Angles of the Watchtowers of East, Spirits of Air, I invite you to protect this circle.
නැගෙනහිරට අධිපති මුර දේවතාවුනි, සුලඟට අධිපති භූතයිනි, මම නුඹට ආරාධනා කරමි, මෙම වෘත්තය ආරක්ෂා කිරිමට.
Guardian Angles of the Watchtowers of South, Spirits of Fire, I invite you to protect this circle.
දකුණට අධිපති මුර දේවතාවුනි, ගින්නට අධිපති භූතයිනි, මම නුඹට ආරාධනා කරමි, මෙම වෘත්තය ආරක්ෂා කිරිමට.
Guardian Angles of the Watchtowers of West, Spirits of Water, I invite you to protect this circle.
බටහිරට අධිපති මුර දේවතාවුනි, ජලයට අධිපති භූතයිනි, මම නුඹට ආරාධනා කරමි, මෙම වෘත්තය ආරක්ෂා කිරිමට.
මෙසේ වෘත්තය ආරම්භ කිරීමෙන් පසු දෙවියන් සහ දේවතාවිය ආරාධනා කල යුතුයි.
විකා, සාහිත්‍යය
[සංස්කරණය]ආඥාව (The Charge)
[සංස්කරණය]මෙය අයත් වන්නේ ගාර්ඩ්නේරියානු සම්ප්‍රදාය(Gardnerian Tradition) ට ය. විකා සම්බන්ධ බොහෝ සංකල්ප මේ තුලින් අවබෝධ කර ගත හැකිය. මෙම චාරිත්‍රය සාමන්‍යයෙන් සිදු කරන්නේ ප්‍රධාන පූජක වරිය තුලට චන්ද්‍ර දේවතාවිය ආරාධනා කිරීමෙන් පසුවය.
ප්‍රධාන පූජකයා / Magus:
අතීතයේ සිටි මනුශ්‍යයන් අතර, ආර්ටෙමිස්, අස්ටාර්ටෙ, ඩියෝනෙ, මෙලුසීන්, ඇෆ්‍රොඩෙයිට්, කෙරිඩ්වෙන්, ඩයානා, අරියන්‍රොඩ්, බ්‍රයිඩෙ ආදී නම් වලින් වන්දනා වූ මහා මාතාව ගේ වචන වලට සවන් දෙව.
"Listen to the words of the Great mother, who of old was also called among men Artemis, Astarte, Dione, Melusine, Aphrodite, Cerridwen, Diana, Arianrhod, Bride, and by many other names."
ප්‍රධාන පූජක වරිය / High Priestess:
මාගේ අල්තාරය අබියස ස්පාටා අගනුවර යෞවනය ද කැප විය...
"At mine Altars the youth of Lacedaemon in Sparta made due sacrifice...
කිසියම් හෝ උවමනාවක් ඔබට වේද, මසකට වරක්, චන්ද්‍රයා පූර්ණ දිනෙක යම් රහසිගත තැනෙක සියල්ලෝ රැස් විය යුතු, සකල මායා මන්ත්‍ර ශාස්ත්‍රයන්ටම අග්‍ර රාජිණිය වූ මාගේ ආත්මය වන්දනා කල යුතුය.
Whenever ye have need of anything, once in the month, and better it be when the moon is full, ye shall assemble in some secret place and adore the spirit of Me who am Queen of all Witcheries and magics.
මායා මන්ත්‍ර ශාස්ත්‍ර අත්‍යන්ත රහස් තවද නොදත්, ඒ ඉගෙනුමට රිසි සියල්ලෝ එහි රැස් විය යුතූ, නොදත් සියලු රහස් කියා දෙමී.
There ye shall assemble, ye who are fain to learn all sorcery, yet have not won its deepest secrets. To these will I teach things that are yet unknown.
ඔබ සියල්ලෝම සත්‍ය වශයෙන්ම නිදහස් වන බවට සංකේත වශයෙන් සියලු මිනිසුන් සහ ගැහැනුන් නිර්වස්ත්‍රව සිට වන්දනා කල යුතූ, මාගේ වන්දනාවට නැටුම්, ගැයුම්, වාදන, භෝජන සහ ආදරය ද කල යුතුය.
And ye shall be free from slavery, and as a sign that ye be really free, ye shall be naked in your rites, both men and women, and ye shall dance, sing, feast, make music, and love, all in my praise.
පෘථිවි තලය මතදී වුවද ඔබට අමරණීයත්වයේ අමෘතය රස බැලීමට රහස්‍ය දොරටුවක් මා තනා ඇත.
There is a Secret Door that I have made to establish the way to taste even on earth the elixir of immortality.
"සැපතද, පෘථිවිය මත සතුටද මගේම වේවා, මටත් වේවා" යැයි කියනු, මා ඓශ්චර්යමත් දේවතාවියයි.
Say, `Let ecstasy be mine, and joy on earth even to me, To Me,' For I am a gracious Goddess.
මා ඔබට නොසිතූ අයුරු සැපයද පෘථිවි තලය මතදීම දෙමි, නියතයෙන් ම ජීවිතය පුරා හුදු විශ්වාසය නොව!
I give unimaginable joys on earth, certainty, not faith, while in life!
මරණයෙන් මතුද, වචන නොමැති සාමයේ සැපතද සුවයද දෙමි, බිලි වශයෙන් කැප නොඉල්ලමි!
And upon death, peace unutterable, rest, and ecstasy, nor do I demand aught in sacrifice."
ප්‍රධාන පූජකයා / Magus:
තරිඳුපති වූ දේවතාවියගේ වචන අසව.
"Hear ye the words of the Star Goddess."
ප්‍රධාන පූජක වරිය / High Priestess:
මලානික වූද ප්‍රාණවත් වූද, සැඟවුනා වූද ප්‍රභාමත් වූද සියල්ලනි මා නුඹට ආදරය කරමි, අනුකම්පා කරමි."
I love you: I yearn for you: pale or purple, veiled or voluptuous.
අත්‍යන්ත හැඟීම තුල ප්‍රභාමත් වූ සැපයේ මත් බව මා වෙමි, නුඹ කැමැත්තෙමි.
I who am all pleasure, and purple and drunkenness of the innermost senses, desire you.
ඔබ තුල දරණ ගැසී සැඟවුනු මහත් බව තටු ලැබ නැගී ආයෙමි.
Put on the wings, arouse the coiled splendor within you.
සියලු තාරකා වල අභ්‍යන්තරයේත් සියලු මනුශ්‍යයන්ගේ හදවත් තුලත් දිලෙන ගිනි දැල්ල මා වෙමි, මා වෙත එව.
Come unto me, for I am the flame that burns in the heart of every man, and the core of every Star.
ඔබේ අත්‍යන්ත දිව්‍යමය ශරීරය අනන්ත සතුටේ අනවරත උද්යෝගය තුල ගිල්වන්න.
Let it be your inmost divine self who art lost in the constant rapture of infinite joy.
සුන්දරත්වයත් සතුටත් මුසුව නිවැරදිව වන්දනා කරන්න.
Let the rituals be rightly performed with joy and beauty.
සතුටේත් ආදරයේත් සියලු හැසිරීම මා වෙත කෙරෙන වන්දනාවන් බව මතක තබා ගන්න.
Remember that all acts of love and pleasure are my rituals.
සුන්දරත්වයත් ජවයත්, පොපියන හසරැලිත්, බලයත් තේජසත් ඔබ තුල වේවා.
So let there be beauty and strength, leaping laughter, force and fire by within you.
එතෙකුදු ඔබ මෙසේ කියයි නම්, එනම් "මා ඔබ වෙත සොයා පැමිණියද ඵලක් වූයේ නොමැත";
And if thou sayest, `I have journeyed unto thee, and it availed me not,`
නො එසේනම් ඔබ කිව යුතූ, " මා ඔබ යැද සිට, ඉවසා බලා සිටීමි, හෝ!, ඔබ මා සමඟ ආරම්භයේ සිටම සිටියාය!"
rather shalt thou say, `I called upon thee, and I waited patiently, and Lo, thou wast with me from the eginning,`
එවිට, සියලු ආශාවන්ගේ කෙලවර හෝ මා පැතූවන් මා හමු වේ.
for they that ever desired me shall ever attain me, even to the end of all desire.
ඩයානා ගේ දුව වූ අරඩියා ගේ උත්පත්ති කථාව
[සංස්කරණය]අරඩියා යනු මායාකාරීන්ගේ දේවවාක්‍ය (The Gospel of the Witches / ඉතාලි - Il Vangelo de la Strega) ලෙස හැඳින්වෙන පොතකි මෙය සම්පාදනය කරන ලද්දේ චාල්ස් ගොඩ්ෆ්‍රි ලේලන්ඩ් නම් ලේඛකයෙකු විසින් මැඩලේනා නම් කාන්තාවක් විසින් දෙන ලද අත් පිටපතකට අනුවය. මෙහි අඩංගු සාහිත්‍යය ඉතාලි ස්ට්‍රෙගා (Strega) සම්ප්‍රදායට අයත් වේ. මෙහි අවසාන කොටසේ ඇති සමහර කරුණු ගාර්ඩ්නේරියානු සම්ප්‍රදායේආඥාව (The Charge) යන පූජා විධියට බොහෝ සමීපකමක් දක්වයි. මෙහි පරිවර්තනය කර දැක්වෙන්නේ එහි පලමු පරිච්ඡේදයයි.
මායාකාරීන්ගේ දේවවාක්‍ය
[සංස්කරණය]1. ඩයානා ගේ දුව වූ අරඩියා ගේ උත්පත්ති කථාව.
[සංස්කරණය]ඩයානා ඇගේ සොහොයුරා වූ ලුසිෆර්ට මහත් සේ ආලය කලාය; ලුසිෆර් නම් සූර්යයාටත් චන්දයාටත් අධිපති දේවතාවාය, ආලෝකය සහ මහත් බවට අධිපති දේවතාවාය; තම රූපශ්‍රීය නිසා උදම් වුයෙන් පාරාදීසයෙන් පිටුවහල් කරනු ලැබීය. ඩයානා ට ඇගේ සොහොයුරාට දාව දූ කුමරියක් උපන්නාය. ඇයට ඔවුන් අරඩියා යන නම තැබීය.
එකල්හී පොලොවෙහි බොහෝ ධනවත් මිනිස්සු හා බොහෝ දුක්පත් මිනිස්සු වූහ. ධනවතුන්, සියලු දුප්පත් මිනිස්සු වහල් කමට ගත්තෝය. එකල්හී ධනවතුන් විසින් ඉතා නපුරු ලෙස පීඩා කරනු ලැබූ බොහෝ වහල්ලු විය. මහා මැදුරු වල වධකාගාරද, මාලිගා වල සිරගෙවල් ද විය.
එකල්හී ගැලවී පලා ගිය බොහෝ වහල් ජනයා ඈත ගම් දනව් වල පදිංචි විය, ඔවුන් සොරුන් හා බොහෝ දරුණු පුද්ගලයන් විය. රාත්‍රියේ නිදනු වෙනුවට ඔවුන් කුමන්ත්‍රන කර තම ස්වාමීන් මරා වස්තු ද සොරා ගෙන පලා ගියහ, වහල් බවට නොකැමති නිසායෙන්ම කඳුකරයේත් වනාන්තරයේත් සොරුන්, මංපහරන්නන් හා මිනීමරුවන් ලෙස ජීවත් විය.
ඩයානා, ඇගේ දියණිය අරඩියා අමතා මෙසේ කීය...
නුඹ, සත්‍යයෙන්ම දේවාත්මයකි, නමුත් නුඹ උපන්නේ නැවත මනුශ්‍ය භාවය ලබන්නටයි; මනුශ්‍ය ලෝකයට ගොස් නුඹගේ පාසැලේ මායා මන්ත්‍ර ශාස්ත්‍ර ඉගෙනුමට රිසි ගැහැනුන්ට සහ පිරිමින්ට ගුරුවරිය විය යුතුයි.
E vero che tu sei uno spirito, Ma tu sei nata per essere ancora, Mortale, e tu devi andare Sulla terra e fare da maestra A donne e a’ uomini che avranno Volentà di inparare la tua scuola Che sara composta di stregonerie.
නුඹ, "කයින්" ගේ දියණිය මෙන් නොවිය යුතුය, ඉතා නපුරු වූත් දුක් ගෙන දෙන්නා වූත් සොරුන්, මංපහරන්නන් සහ කපටීන් වූ යුදෙව්වන්ට හෝ අහිකුණ්ඨිකයින්ට නූගැන්විය යුතුය.
Non devi essere come la figlia di "Caino", E della razza che sono devenuti Scellerati infami a causa dei maltrattamenti, Come Giudei e Zingari, Tutti ladri e briganti, Tu non divieni...
නුඹ සියලු මායාකාරීන් අතර අග්‍ර වේ, ලෝකයේ සියල්ලන්ටම අග්‍ර වේ. {සමහර කොටස් ඉවත් කර ඇත}
Tu sarai (sempre) la prima strega, La prima strega divenuta nel mondo, Tu insegnerai l’arte di avvelenare, Di avvelenare (tutti) i signori, Di farli morti nei loro palazzi, Di legare il spirito del oppressore, E dove si trova un contadino ricco e avaro, Insegnare alle strege tue alunne, Come rovinare suo raccolto Con tempesta, folgore e balen, Con grandine e vento.
http://bp1.blogger.com/_7knLhiVNnxM/SDWbgNPCPHI/AAAAAAAAANI/rytxRDzWCek/s400/GoddessAradia.jpg
යම් කිසි පූජකයෙක් ඔහුගේ දේශනයෙන් ඔබට යම් පීඩාවක් කරයිද, ඔහුට එම පීඩාව දෙගුණ කර දෙන්න; එය මාගේ නාමයෙන්, එනම් "සියලු මායාකාරීන්ගේ රැජින වන ඩයානා" ගේ නාමයෙන් කරන්න. යම් කිසි පූජකයෙක් හෝ ධනවතෙක් ඔබට ඔවුන් "ගේ පීතෘත් පුත්‍රයාත් සහ මාරියා ත් ගැන අදහාගනනුව"යි කියයි නම්, "තොපගේ දෙවියන් ද පීතෘ ද මාරියා ද යක්ශයින් තුන් දෙනෙකි" යි පිලිතුරු දෙන්න. "තොපගේ දෙවියන් සත්‍ය වූ දෙවියන් නොවේ, මා පැමිණියේ නපුරු වූ දුර්ජනයා අතුගා දැමීමටයි, විනාශ කිරීමටයි!"
Quando un prete ti fara del male, Del male colle sue bene di "Zioni, Tu le farei (sempre) un doppio male Col mio nome, col nome di /Diana/, Regina delle streghe..." Quando i nobili e prete vi diranno Dovete credere nel Padre, Figlio, E Maria, rispondete gli sempre, “Il, vostro dio Padre e Maria Sono tre diavoli... Il vero dio Padre non e il vostro - Il vostro dio - io sono venuta Per distruggere la gente cattiva E la distruggero....
දුක්පත් වූ ද සාගතයෙන් පීඩිත වූද පීඩා කරනු ලැබූ හා සිරකර තැබූ ද මිනිසුනි, තොපටද ආත්මයක් ඇත, ඒ ආත්මයට පරලොවදී යහපතක් ම වනු ඇත, ඔබට පීඩා කල සියල්ලන්ටම වන්නේ නපුරක් ම ය.
Voi altri poveri soffrite anche la fame, E lavorato malo e molte volte; Soffrite anche la prigione; Mapero avete una anima, Una anima più buona, e nell’altra, Nell’altra mondo voi starete bene, E gli altri male.”...
ඉදින් ඈ අරඩියාට සියලු මන්ත්‍ර ශාස්ත්‍ර ද නපුර විනාශ කරන ආකාරයද උඟන්වා දී ශිශ්‍ය ශිශ්‍යාවන්ට මෙසේද කියන්නැයි කීවාය...
මා මේ ලෝකයෙන් සමු ගත් දිනෙක, ඔබට යම් කිසි හෝ උවමනාවක් වේ ද, පුර සඳ පායා ඇති දිනෙක කාන්තාර (පාලු) භූමියක හෝ වනාන්තරයක සියලු දෙනා රැස් වන්න. මාගේ මව වූත් ඔබේ රැජිනිය වූත් ඩයානා ගේ බලවත් වූ ආත්මය වන්දනා කරන්න. මායා මන්ත්‍ර ශාස්ත්‍ර සියල්ල ඉගෙනුමට රිසි වූත් එහි ගැඹුරු රහස් නොදත් ඇයට මාගේ මව ඒ සියල්ල කියා දෙනු ඇත.
Quando io saro partita da questo mondo, Qualunque cosa che avrete bisogna, Una volta al mese quando la luna E piena... Dovete venire in luogo deserto, In una selva tutte insieme, E adorare lo spirito potente Di mia madre Diana, e chi vorra Imparare la stregonerie, Che non la sopra, Mia madre le insegnera, Tutte cose....
ඔබ සියලු දෙනාම සියලු බාධක වලින් නිදහස් වනු ඇත, එයට සංකේත වශයෙන් සියලු මිනිසුන් සහ ගැහැනුන් නිර්වස්ත්‍රව සිට වන්දනා කල යුතුය; ඔබට විරුද්ධ වන්නන්ගෙන් අන්තිමයාද මරණයට පත් වන තුරු මෙසේ කල යුතුය. ආලෝකය නිවා දමා ක්‍රීඩා කරන්න, ඉන් පසු ඔබේ භෝඡන උත්සවයද පවත්වන්න.
Sarete liberi della schiavitù! E cosi diverrete tutti liberi! Pero uomini e donne Sarete tutti nudi, per fino. Che non sara morto l’ultimo Degli oppressori e morto, Farete il giuoco della moccola Di Benevento, e farete poi Una cena cosi:
චන්ද්‍රාරාධනය (සහ පංචවිධ සිපාචාරය) - Drawing Down the Moon (and The Fivefold Kiss)
[සංස්කරණය]ප්‍රධාන පූජක වරිය දෑත් හරස් කර ගෙන දේවතාවියගේ ඉරියව්වෙන් අල්තාරය ඉදිරිපස සිටගෙන සිටී.
High Priestess stands in front of Altar, assumes Goddess position (arms crossed).
ප්‍රධාන පූජක වරයා ඈ ඉදිරිපිට දණ නමා යශ්ඨියෙන් ඇය මත පස් කොන් තරුව (pentacle) අඳී.
Magus, kneeling in front of her, draws pentacle on her body with Wand,
ඉන්පසු මෙසේ ආරාධනා කරයි, "සියලුම ජීවයේත්, ශශ්‍රීකත්වයේත් ඓශ්චර්යමත් මාතාවට මා ආරාධනා කරමි. බීජයෙන් ද මූලයෙන් ද, අරටුවෙන් ද කැකුළෙන් ද, පත්‍රයෙන් ද පුශ්පයෙන් ද ඵලයෙන් ද, ජීවයෙන් ද ප්‍රේමයෙන් ද මා ඔබට ආරාධනා කරමි, නුඹගේ සේවකයානන් වූ අපගේ ප්‍රධාන පූජක වරිය [නම] තුලට පැමිණෙන ලෙස.
invokes, "I Invoke and beseech Thee, O mighty Mother of all life and fertility. By seed and root, by stem and bud, by leaf and flower and fruit, by Life and Love, do I invoke Thee to descend into the body of thy servant and High Priestess [name]."
චන්ද්‍ර දේවතාවිය ප්‍රධාන පූජක වරිය තුලට ආරාධනා කිරීමෙන් පසුව ප්‍රධාන පූජක වරයා සහ අනෙකුත් පුරුශයින් ඇයට පංචවිධ සිපාචාරයෙන් ආචාර කරයි.
The Moon having been drawn down, i.e., link established, Magus and other men give Fivefold Kiss:
(දෙපා සිපගනිමින්) ආසිරි වේවා නුඹේ දෙපතුල්, නුඹ මේ මඟ ගෙන ආ;
(kissing feet) "Blessed be thy feet, that have brought thee in these ways";
(දෙදන සිපගනිමින්) ආසිරි වේවා නුඹේ දෙදණ, ශුද්ධවූ අල්තාරය අබියස දණ නමන;
(kissing knees) "Blessed be thy knees, that shall kneel at the sacred altar";
(ගර්භය සිප ගනිමින්) ආසිරි වේවා නුඹේ ගර්භය, අපට උපත දුන්;
(kissing womb) "Blessed be thy womb, without which we would not be";
(පියයුරු සිප ගනිමින්) ආසිරි වේවා නුඹේ පියයුරු, සුන්දරත්වයෙන් සහ ශක්තියෙන් සැදුම්ලත්;
(kissing breasts) "Blessed be thy breasts, formed in beauty and in strength";
(දෙතොල් සිප ගනිමින්) ආසිරි වේවා නුඹේ දෙතොල්, ශුද්ධ වූ නම් තෙපලන;
(kissing lips) "Blessed be thy lips, that shall speak the sacred names."
සියලුම කාන්තාවන් හිස නමා ආචාර කරයි.
Women all bow.
ආඥාව (The Charge) කියවන්නේ මෙයින් පසු ය.
යහපත් වන්දනාකාරිය සහ කුණාටු ගෙදර (La Bella Pellegrina della Casa al Vento)
[සංස්කරණය]මෙය "මායාකාරීන්ගේ-දේවවාක්‍ය" පොතට මූලික වශයෙන් අයිති නැති වුවද මැඩලේනා විසින් දීර්ඝ අත්පිටපතක් ලෙස ලද නිසා ලේලන්ඩ් විසින් Aradia පොතට ඇතුලත් කර තිබේ. මෙහි අඩංගු වන්නේ මධ්‍යකාලීන-යුගයේ අවසාන භාගයේ ඉතාලියේ සිදුවූ සත්‍ය සිදුවීම මාලවක් ඇසුරෙන් ගොඩනැගුනු කථාවකි.
ඉතාලියේ කඳුකර පෙදෙසක වොල්ටෙරා නමින් ඉතා රමණීය නගරයක් වෙයි. ඒ නගර සීමාසන්නයේ කන්දක් පාමුල කුඩා නිවසක් වෙයි. මේ නිවස අදටත් හඳුන්වන්නේ "කුණාටු ගෙදර" යන නමිනි. ඒ අසලම කලකට පෙර කුඩා මාලිගාවක් බඳු වූ මැදුරක් විය. ඒ නිවසේ විසූ යුවලට සිටියේ එකම දරුවෙකි, ඈ දැරියකි. ඇයට ඔවුන් බොහෝ ආදරය කලෝය. නමුත් ඇයට ඉතා දරුණු හිසේ රුදාවක් වැලඳෙමින් තිබූ නිසා ඔවුන්ට මහත් ගැටලුවක් විය.
දිනෙන් දින ඈ උස් මහත් වී වැඩෙන්නට විය, මේ අතර ඇගේ සුළුමවගේ දේව භක්තියද දිනෙන් දින වැඩෙන්නට විය. ඇගේ සුළුමවගේ වුවමනාව වූයේ කෙදිනක හෝ තම දුව මහණ කරවීමටය. මෙයට කොහෙත්ම කැමති නුවූ කුමරිය කියා සිටියේ ඇයට අවශ්‍ය අන් කුමරියන් සේ විවාහ වීමට බවයි.
දිනෙක ඈ කවුලුවෙන් පිටත බලා සිටින අතර තුරු ලිය ගොමුවක කුරුල්ලන් සෙල්ලම් කරනු දිටීය, ඒ දැක තම සුළුමවට කියා සිටියේ කෙදිනක හෝ ඇගේම දරු දැරියන්ට මැදිව සතුටින් ගයමින් සිටීමට ප්‍රිය කරන බවයි. මේ අසා ඇගේ සුළුමවට බොහෝ කෝප ඇති විය; ඉන්පසු ඇගේ දෑත් බැඳ තැබීය. බොහෝ සේ හැඩූ ඇය කියා සිටියේ කෙදිනක හෝ පලා යන බවත් තම සුළුමවගේ අදහසට කොහෙත්ම ඉඩ නොදෙන බවත් ය. කුඩා කල පටන් හිතුවක්කාර ගති තිබූ දැරියගේ මේ කථාවෙන් සුළුමවට බියක් ද ඇති විය. ඇයට තිබූ අනෙක් බිය නම් තම දැරියට දැනටමත් පෙම්වතෙක් ඇති ද යන්නයි; එසේ වූයේනම් බොහෝ කලහ ඇති විය හැක.
සුළුමවගේ මීලඟ උපාය වූයේ දියණිය ට කුලවත් ගුරුවරියකගේ ඇසුර ලබා දී සිත වෙනස් කරවීමටයි. ඉතා වියපත් වූත් බුද්ධිමත් බව නිසා ප්‍රසිද්ධ වූත් අසල්වැසි කාන්තාව ගැන අගේ මවට මතක් විය, ඇගේ දියණියගේ හදවත භක්තියෙන් පිරවීමටත් තමාගේ කීමට නම්මවාගැනීමටත් සුදුසුම වන්නේ තමාගේ අසල්වැසි නිවැසි වියපත් කාන්තාවම බව ඇය සිතුවය. එම වියපත් කාන්තාව කැඳවූ ඇය, බොහෝ මුදල් ද දී තම දැරිය දිවා රෑ බලා ගැනීමට එම පාලිකාවට පැවරීය. විරෝධය පා කලහ කිරීම වෙනුවට දැරියද පාලිකාව සමඟ මිතුරු විය. කෙසේ වුවද ලෝකයේ ඒ ඒ දේ අප කැමති ලෙසම සිදු නොවේ, ගංඟාවක වැලි ගල් අතර මොන ආකාරයේ මත්ස්‍යයින් සැඟව සිටිත්දැයි කවුරු දනිත් ද? ඒ ආකාරයටම මේ ගුරුවරියද, දැරියගේ සුළුමව සිතා සිටි ආකාරයේ භක්තියකින්, ඇදහීමකින් යුත් තැනැත්තියක් නුවූවාය. ඈ කිසි විටෙක දැරියගේ සුළුමවට අවැසි ආකාරයේ බලපෑමක් නොකලාය.
සඳ ඇති දින වල සඳලුතලයේ වැතිරී රෑ කොබෙයියන් ගේ හඩට සවන් දීම මේ දැරිය පුරුද්දක් කරගෙන සිටියාය. එසේ සිටි එක් දිනක ඇගේ පාලිකාව මහා සඳලුතලයේ සිටිනු විවෘත කර තුබූ දොරෙන් ඇයට ඇසින. මීලඟ දිනයේත් ඒ හඩ ඇසුන හෙයින් ඈ ඉතා සෙමෙන් සහ නිශ්ශබ්දව විවෘත කර තුබූ දොරෙන් මහ සඳලුතලයට පිවිසියාය. එතැනදී ඇය දුටුවේ ඇගේ පාලිකාව සඳ එලිය වැටී තුබූ තැනෙක දණ නමා යමක් මුමුනමින් සිටින බවයි. ඒ කිසිවක් ඇයගේ අවබෝධයට හසු නුවූයෙන් ඇගේ කුකුස තව තවත් වැඩි විය. මේ සියල්ලෙන්ම මදක් පමණ බියට පත්ව සිටි ඇය දුටු සියල්ලම තම පාලිකාවට පවසා සිටියාය.
ඉදින් දැරියගේ පෙරැත්තය නිසාම ඈ බන්ධනය කර රහස්‍ය භාවය පිලිබඳ දිව්රුමක් ද ගෙන මෙසේ කියා දුන්නාය. "මමද පෙර නුඹ මෙන්ම පූජකයන් විසින් උඟන්වනු ලදුව නොපෙනෙන දෙවි කෙනෙක් උදෙසා වන්දනා කලෙමි. නමුදු පසුව මට හමුවූ ඉතා හිතෛශී, විශ්වාසවන්ත මහලු ස්ත්‍රියක් කෙරෙන් මේ ඉඟෙනුමට ලැබුනි, 'මහත් වූ ශ්‍රීයෙන් ද යුක්තව පායා සිටින චන්ද්‍රයා පෙනෙන්නට සිටිද්දී, නොපෙනෙනාවූ දෙවි කෙනෙකු වන්දනා කරන්නේ කිමද. චන්ද්‍රාධිපති ඩයානා දේවතාවිය කැඳවන්න, ඈ ඔබගේ කැමැත්තද, ඉල්ලීමද ඉටු කරනු ඇත.'"
තරුණ දැරියද මීට බොහෝ සේ කැමතිව චන්ද්‍ර දේවතාවිය වූ ඩයානා වන්දනාවට හැරවුනාය. ඉදින් ඇගේ මුලු හදවතින්ම තරුණයෙකුගේ ආලය පතා යැද නොබෝ කලකින්ම ධනවත් නිර්භීත කුමාරයෙකුගේ අවධානයද කැමැත්තද දිනාගත්තාය. ඇගේ සුළුමව මේ බව දැන ඇගේ අභිප්‍රාය ඉටුකිරීමට බාධාවක් හෙයින් බොහෝ සේ කෝප වූවාය. ඉදින් මේ තරුණයා ඇගේ නිවසට පැමිණ තරුණිය විවාහ කර ගැනීමේ තම අදහස ප්‍රකාශ කල විට ඇගේ සුළුමව ඔහුව එලවා දැමීය, තවද, තම දුව මහණ වීමට පොරොන්දු දී ඇති බවත් ඇය එසේ නොකලහොත් මරණයට පත් වනු ඇති බවද කියා සිටියාය.
ඉන්පසු සුළුමව විසින් මේ දැරිය එක් ටැම් කුළුනක සිර කර තබනු ලැබීය, ඇගේ පාලිකාව වූ මහලු ස්ත්‍රියට පවා ඈ දැකුමට ඉඩ නොදුන්නාය. සුළුමවගේ කැමැත්තට එකඟ වන තුරු කටුක වූත් ශීත වූත් ගල් පොලොවේ නිදීමටත් දිවි රැකුමට පමණක් වූ සුලු ආහාරයකුත් දෙනු ලැබීය. ඒ දුක් ඉවසනු නොහැකිව, ඈ නිදහස් කරනු පිණිස ඩයානා යැද සිටියාය. හෝ, එවිටම ඇගේ සිර කුටියේ අගුලු හැරිණි, ඈ පහසුවෙන්ම ගැලවී ගියාය. ඒ අසලම දමා ගොස් තිබූ වන්දනා කරුවෙකුගේ කබායක් හැඳගත් ඇය ඉතා ඈත පෙදෙස් බලා ගියාය.
ඈ ගිය ගමනේ හමුවූ පීඩා කරනු ලැබූ හා දුකට පත් වූ බොහෝ දෙනාට පුරාණ ඇදහීම වූ චන්ද්‍රයාගේත්, සුරදූතියන්ගේත් රැජින වූ ඩයානා ගැන කියා දුන්නාය. ඇගේ නුවණත් රූ සපුවත් ගැන දේශය පුරා පතල විය, බොහෝ ජනයා ඇයට ගෞරව කලහ, "යහපත් වන්දනාකාරිය" යන නමින් ඈ හැඳින්වින.
අවසානයේ ඈ පිළිබඳ පුවත ඇගේ සුළුමවගේ කණටද පැමිණියේය. මේ පුවත ඇයට පෙර නුවූ තරම් වූ කෝපාග්නියක් ගෙනාවේය. කෙසේ හෝ උත්සාහ ගෙන ඇය තම සුළුදියණිය අත්අඩංගුවට ගෙන සිර කර තැබිය. අවසාන වතාවටද ඇගේ සුළුමව ඇගෙන් මහණ වීමට කැමතිදයි ඉතා රෞද ලෙස අසා සිටියාය. ඈ එයට එකහෙලා විරුද්ධ විය.
ඒ අසා තම සුළුදියණිය කෙරෙහි තිබූ සියලු හැඟීම් අත් හැර, ඈ වධ දී මරා දමනු පිණිස පූජකයින්ට බාර කලාය. ඒ කාලයේ පූජකයින්ගේ අදහස් වලට එකඟ නුවූ හා ඔවුන්ගේ ඇදහීමෙන් ඉවත් වූ සියලු දෙනාටම අත් වූයේ එම ඉරණමමය. නමුත් මෙ අසා බොහෝ ජනයා දුක් වූහ, මක්නිසාදයත් ඔවුන් ඈගේ රූ සපුවත් යහපත් භාවයත් කෙරෙහි ඉතා ලැදි වූවෝහුය.
කෙසේ හෝ ඇයගේ ප්‍රේමවන්තයාගේ උදව්වෙන් ඔවුන් අන්තිම කැමැත්ත වශයෙන් ඇයට මරණ දණ්ඩනයට පෙර දින රාත්‍රියේ රකවලුන් මැද තම මන්දිරයේ උද්‍යානයේ ඇවිදීමට අවසර ලබා ගත්තෝය. එම පුර සඳ පායා තුබූ රාත්‍රියේ ඈ උද්‍යානය මැද සඳ එලියේ දණ නමා තම ජීවිතය ගලවන්නැයි ඩයානා දේවතාවිය යැද සිටියාය. මේ අතර ඇගේ සුළුමවද පූජක වරුද මන්දිරය තුල සිට ඈ ගැලවී පැනයාවීදෝ යි බලා සිටියහ.
හෝ, එවිටම හදිසියේ මින් පෙර මනුශ්‍යයින් නොදුටු තරමේ දැඩි කුණාටුවක් හටගත්තේය. එම සුලඟට මුලුමහත් මන්දිරයත් ඒ තුල සිටි සෙනඟ සමඟම ගසාගෙන ගියේ ය. ගලක් පිට තව ගලක් නොසිටින සේම, එහි සිටි කිසිවෙකුගේ ජීවිතයක් ඉතිරි නොවන සේම විනාශ වී ගියේය, ඈ සහ ඇගේ ප්‍රේමවන්තයා පමණක් ඉතිරි විය. ඔවුන් විවාහ වී බොහෝ කාලයක් සතුටින් ජීවත් වූහ.
Magick සහ චිත්ත බලය (Psychic powers)
[සංස්කරණය]Magick සහ චිත්ත බලය (Psychic powers) හැඳින්වීම
[සංස්කරණය]Magick යනු අධිශ්ඨාන බලය (Will), චිත්ත බලය (Psychic power) තුලින් ස්වාභාවික ලෝකයේ වෙනසක් සිදු කිරීම බව මීට පෙරත් අප සාකච්චා කලෙමු. එහි මූලධර්ම සම්පූර්ණයෙන්ම ස්වාභාවික සහ ප්‍රායෝගික වේ. නිවැරදි ක්‍රමයට අනුව නිතර පුහුණු වීමෙන් මින් බොහෝ ප්‍රයෝජන ගත හැක. මෙහි මූලිකම සිද්ධාන්ත වල සාරාංශය නම් විශ්වයේ පවතින ශක්තියත්, ජීව ශක්තියත් අපගේ චිත්ත රූප, අධිශ්ඨාන ශක්තිය හා මුසු කර මුදා හැරීමෙන් භෞතික ලෝක තලයේ වෙනස් කම් කල හැකි බවය.
මේ සඳහා අපට අවශ්‍ය වන වැදගත් ම උපකරණය වන්නේ අපගේ සිතයි. සිත දියුණු කිරීම තුලින් අප ජීව ශක්තියත් විශ්වයේ ශක්තියත් මනසේ පාලනයට නතු කර ගත හැක. මේ සඳහා වන භාවනා ක්‍රම ඉදිරි ලිපි වලින් පල වනු ඇත. මෙහිදී ශක්තිය යන වචනයෙන් අදහස් වන්නේ භෞතික විද්‍යාවේ හැඳින්වෙන ශක්තිය නොව අප සිරුරේ පවතින ජීවයයි. භෞතික ඉන්ද්‍රීයයන්ගේ සංවේදන මට්ටම ඉක්මවා මනස සුසර කල විට අප සිරුරේ ජීවය එය තුලින්ම සංවේදනය කල හැකි වේ. එය සංවේදනය වන්නේද අප ජීවයටමය. ඒ කෙසේද යත්, උදාහරණ වශයෙන් අප අත මිට මෙලවූ විට අත දැනෙන්නේ අතටමය.
Magick වල සාමාන්‍ය ක්‍රියාවලිය නම් අවට පරිසරයෙන් ශක්තිය තමා තුල ජීව ශක්තියට ඇද ගැනීමත්, ඉන්පසු එය චිත්ත රූප (Visualization) සමඟ එක් කිරීමත් ය. (මීට අමතරව වෙනත් තාක්‍ෂණික ක්‍රම ද එකතු කල හැක). අවට පරිසරයෙන් ශක්තිය ඇද ගැනීමට භාවිතා වන ක්‍රමයත් පදනම් වන්නේ චිත්ත රූප වලට මනස අරමුණු කිරීමයි. නමුත් මෙම ක්‍රමය හුදෙක්ම චිත්ත රූප අරමුණු කිරීමක් පමණක් නොව, ක්‍රමවත්ව ශක්තිය මුදා හැරීමකි. ඒ සඳහා ක්‍රමවත් ව මනස පුහුණු කල යුතුය. මෙම ක්‍රමය තුලින් හුදෙක් චිත්ත රූප අරමුණු වලට වඩා ප්‍රබල ප්‍රතිඵල ලැබිය හැක. මෙය ඉතා ප්‍රායෝගික සහ පර්යේශනාත්මක (Practical and Experimental) විශයයකි. එම නිසා එක් නිවැරදි ක්‍රමයක් ලෙස හැඳින්විය හැකි මූලධර්මයක් පෙන්වා දිය නොහැක. බොහෝ දෙනා විසින් අත්හදා බලා සනාථ කර ගත් ක්‍රම වඩා ජනප්‍රිය වී ඇත. නමුත් පුද්ගලයාගෙන් පුද්ගලයාට සාර්ථක වන ක්‍රමවේදය හෝ තාක්ශණය වෙනස් විය හැක. එම නිසා විවිධ ක්‍රම සහ විකල්ප අධ්‍යයනය කර තමාට වඩා සාර්ථක වන ක්‍රමය සොයාගැනීම වැදගත් වේ.
මේ විශය සම්බන්ධව ගැඹුරට හැදෑරීමට කැමති කෙනෙක් වේ නම් ඒ සම්බන්ධව තමා විසින් සොයාගත් කරුණු, ප්‍රගතිය සහ අත්දැකීම් සටහන් කර තබාගැනීමට විෂේශ පොතක් (Journal) තබාගත යුතුය. එවිට තමාගේ ප්‍රගතියත් වඩා සාර්ථක වූ ක්‍රමත් හඳුනාගැනීමට හැකිවේ. සාමාන්‍යයෙන් මෙවැනි පොතක් හඳුන්වන්නේ බුක් ඔෆ් ෂැඩෝස් (Book Of Shadows - BOS) නමිනි. මෙය සාමාන්‍ය සටහන් පොතකට වඩා විශේෂ ලෙස සකසා ආරක්ශිතව තබා ගැනීම වැදගත් වේ.
>සෑම බලයකටම ප්‍රමාණයෙන් සමාන වූත් දිශාවෙන් ප්‍රතිවිරුද්ධ වූත් බලයක් ඇත යන්න භෞතික විද්‍යාවේ නියමයකි. එමෙන්ම අප විසින් කරන සියලුම ක්‍රියාවන්ට ප්‍රතිවිපාක ලැබෙන බව ලෝකයේ ස්වාභාවයයි. එය කර්මය නමින් ද හඳුන්වයි. විකා වල ඉඟැන්වීමට අනුව අපගේ ඕනෑම ක්‍රියාවක් තුන් ගුණයකින් වැඩිවී නැවත පැමිනේ. මෙය Theefold Law / Law of Three ලෙස හැඳින්වේ. ලෝකයේ කිසිම තැනක කර්මයේ ප්‍රතිවිපාක වලින් වැලකී සිටිය නොහැකි බවද කියැවේ. අප විසින් කුමන ක්‍රමයක් භාවිතා කලද ක්‍රියාවන්ට ප්‍රතිවිපාක ලැබේ. එම නිසා මෙම ක්‍රම භාවිතා කිරීමේදී එය තවත් පුද්ගලයෙකුට හානියක් කිරීමට භාවිතා කිරීමෙන් වැලකිය යුතුය. අනෙක් අයට යහපතක් කිරීමෙන් තමාටත් යහපතක් සැලසේ.
භෞතික ලෝකයේ වස්තුවක් චලනය කිරීමේදී කුඩා වස්තුවක් සඳහා අඩු බලයක් ප්‍රමාණවත් වුවද, වඩා විශාල වස්තුවක් සඳහා වැඩි බලයක් යෙදීමට අවශ්‍ය වේ. ඝර්ශණය සහ ප්‍රතිරෝධී බල ද මීට එකතු වේ. වස්තුවක් චලනය වීමට දක්වන ප්‍රතිරෝධය ගම්‍යතාවය (Momentum) ලෙස භෞතික විද්‍යාවේදී හැඳින්වේ. Magick වලද යම් කිසි ක්‍රියාවක් සඳහා යෙදිය යුතු ශක්ති ප්‍රමාණය ඒ ඒ ක්‍රියාවේ ස්වාභාවිකව සිදු වීමට ඇති සම්භාවිතාවය අනුව වෙනස් වේ. මෙය Magickal Momentum ලෙස හැඳින්වේ. තනි පුද්ගලයෙකුගේ භෞතික ශරීරයට දරාගත හැකි මට්ටමට වඩා ශක්තියක් භාවිතා වන ක්‍රියාවන් සිදු කිරීමෙන් නොයෙක් ආකාරයෙන් ආබාධ වලටද ගොදුරු විය හැකි නිසා මෙය ක්‍රමවත් ව සිදු කල යුතුය.
චිත්ත බලය 1 - මනස පාලනය (Mind Control)
[සංස්කරණය]http://bp1.blogger.com/_7knLhiVNnxM/SEo8680KgdI/AAAAAAAAANQ/xxdKbSxyvyk/s400/Seven_chakras.jpg
අපගේ සිතේ ඇති සම්පූර්ණ ශක්තියම අවදි කිරීමට එය ක්‍රමවත්ව පුහුණු කල යුතුයි. එහි පලමු පියවර ලෙස ඉහිල් කිරීම (Relaxation) පිලිබඳව මෙහිදී ලිවීමට අදහස් කරමි. මාංශ පේශියක ශක්තිය වැඩි කිරීමට දිගැදුම් අභ්‍යාස (Streaching) උදව් වන්නා සේම මේ අභ්‍යාස ඔබේ මනසේ ශක්තිය වැඩි කිරීමට හේතු වේ.
අපගේ සිත නිරතුරුවම පංචේන්ද්‍රයන් ගෙන් ලැබෙන සංවේදන බලාපොරොත්තුවෙන් සිටී මේ සංවේදන තුල ඇති තොරතුරු සකස් කිරීමට සහ අවබෝධ කරගැනීමට මනසේ ශක්තිය වැඩි වශයෙන්ම වැය වේ. මේ ශක්තිය ඉතිරි කර ගැනීමට නම් අපගේ සිත වහා හිස් කර ඉඩ ගැනීමට පුරුදු විය යුතුය. පැහැදිලිව සහ බුද්ධිමත්ව සිතීමේ හැකියාව දියුනු කරගැනීමටද මෙය උදවු වේ. තමා අවට ඇති දේ පාලනය කිරීමට සිතීමටත් පෙර තමාගේම සිත පාලනය කර ගැනීම අවශ්‍ය වේ.
භාවනා කිරීමට නිස්කලංක හුදකලා ස්ථානයක් තෝරාගන්න හැකිතරම් කෘතීම ශබ්ද වලින් තොර ස්ථානයක් සහ වේලාවක් තෝරා ගන්න. ස්වාභාවික ශබ්ද වන කුරුල්ලන්ගේ ශබ්ද, ජලය ගලා යන, සුලඟට අතු සෙලවෙන ශබ්ද කිසිවිටෙක ඔබට බාධාවක් නොවනු ඇත. ස්නානය කර පිරිසිදු වී අවශ්‍යනම් සැහැල්ලු ඇඳුමක් ද ඇඳගන්න. සැහැල්ලු ආහාරයක් ගෙන සිටීමද වැදගත් වේ. බර ආහාරයකින් කුස පිරී ඇති විට ශක්තිය බොහෝ වශයෙන් උදරයට ඇදගනී. එවිට හිසට අවශ්‍ය තරම් ශක්තියක් ලබා ගත නොහැකි වී විට නිදිමත ගතියක් ඇති විය හැක.
මුලින්ම, ඔබට ගත හැකි තරම් උපරිම හුස්මක් ඉහලට ඇද පුරවා ගන්න. ඉන් පසු ඉතා සෙමෙන් හුස්ම පිට කරන්න. පිට කරන හුස්ම සමඟ ශරීරයේ ඇති සියලුම වෙහෙස සහ ආතතිය සෙමෙන් පිට කරන්න. පිටවන හුස්ම පිලිබඳ සම්පූර්ණ අවධානය යොමු කරන්න. මෙය හැකි තරම් සෙමෙන් කරන්න. නමුත් ඉතා සෙමෙන් කිරීමට යාමෙන් සුලු වෙහෙසක් ඇති විය හැක. වෙහෙස ඇති වන්නේ පිටවන හුස්ම පිට වීමට නොදී තබා ගැනීමට යාමෙනි. හුස්ම නිදහසේ විට වෙන්නට හරින්න. වැදගත් වන්නේ එය තුල හැකි තරම් අවධානය රැඳවීමත් එය උපරිම අන්දමින් විඳගැනීමත් ය. දිගටම හුස්ම පිලිබඳ අවධානය රැඳවීම ඒ මත බැඳීමක් ඇති කර සිත හිස් කිරීමට බාධාවක් වීමට ඉඩ ඇත.
මීලඟට ඔබේ ශරීරය තුල අවධානය රඳවන්න. දෙපතුලේ සිට හිස් මුදුන දක්වාත් සම්පූර්ණ ශරීරයමත් අවධානයෙන් යුතුව විඳගන්න. දෙපතුලේ සිට හිස් මුදුන දක්වා ඉහලට ආලෝකයක් ගමන් කරන්නා සේ මනසින් දැකීම තවත් එක් ක්‍රමයකි.
මේ අවස්ථාවේදී ඔබේ ශරීරයේ සියලුම මාංශ පේශි හැකි තරම් ඉහිල් කරන්න. මනස පවතින්නේ මාංශමය ශරීරය තුලම නිසා ශරීරය ඉහිල් කිරීම මනස ඉහිල් කිරීමට පුහුණු වීමේදී ඉතා වැදගත් වේ. ඔබ සිටින ඉරියව්වෙන් සිටීමට අත්‍යාවශ්‍ය වන තරමට පමණක් පේශි වලට බලය සපයන්න. අනෙක් සියලුම පේශි ඉහිල් කරන්න. ඔබට පහසුම ඉරියව්වක් තෝරාගැනීම වැදගත් වන්නේ මේ නිසාය. සැතපෙන ඉරියව්ව හැර ඕනෑම ඉරියව්වක් සුදුසුයි. පාද වලට කිසියම් හෝ අපහසුවක් දැනේනම් පුටුවක වාඩි වී භාවනා කිරීම සුදුසුයි. පුටුවක් තෝරාගැනීමේදී හැකි තරම් ස්වාභාවික අමුද්‍රව්යයන්ගෙන් නිපදවූ ලෝහ කොටස් නොමැති පුටුවක් තෝරා ගන්න.
ඔබේ සිතේ ඇති සියලුම සිතිවිලි ඉවත් කරන්න. සිතට ඇතුලු වන කිසිම සංවේදනයක් බාරගැනීමෙන් වැලකී සිටීමට උත්සාහ ගන්න. සිත හිස් කිරීමෙන් ඇති වන විශාල හිස් ඉඩ (void) විඳගන්න. නමුත් ඒ තුල ඇති විඳගැනීම වචන වලට නැඟීම හෝ ඒ ගැන සිතීම සිත හිස් කිරීමට බාධා කරයි. "මෙය ඉතා පහසුයි" යැයි ඔබට සිතේ නම් එම සිතුවිල්ල ඇති වීමම ඔප්පු කරන්නේ සිත සම්පූර්ණයෙන් හිස් වී නොමැති බවයි.
සිත සම්පූර්ණයෙන්ම හිස් කිරීම ඉතා අපහසු සහ බොහෝ කාලයක් පුහුණු කල යුතු එහෙත් තත්පර කිහිපයකට වඩා පවත්වාගත නොහැකි මනසේ තත්වයකි. නමුත් ඒ සඳහා උත්සාහ ගෙන හැකි තරම් මනස හිස් කිරීමම්ම ජයග්‍රහනයක් ලෙස සලකන්න.
සිත සම්පූර්ණයෙන් හෝ බොහෝ වශයෙන් හිස් වූ විට ශුන්‍ය ගුරුත්වය තුල නිදහසේ පහලට වැටෙන ලෙස හෝ ඔන්චිල්ලාවක පහලට පැද්දෙන විට දැනෙන සංවේදනය ආකාරයේ සංවේදනයක් ඉතා කෙටි කාලයක් තුල දැනේ. සුරන්තයට (orgasm) පැමිනීමෙන් පසුව ඇති වන සංවේදනයද මීට බොහෝ සමානය.
චිත්ත බලය 2 - චිත්ත ඒකාග්‍රතාවය (Concentration)
[සංස්කරණය]අධිමානසික-අභ්‍යාස වල දෙවන-පියවර ලෙස අප සාකච්චා කිරීමට බලාපොරොත්තු වන්නේ සිත එක-අරමුණක තබාගැනීමේ හැකියාව වර්ධනය කරගැනීමයි. සිත එක්-අරමුණක තබාගැනීමේ හැකියාව වර්ධනය කරගැනීමෙන් (එදිනෙදා ජීවිතයේදී) අවබෝධ කරගැනීමේ හැකියාව සහ සිතුවිලි ගොඩනැඟීමේ හැකියාව වර්ධනයවේ. අධිමානසික-ක්‍රියාකාරකම් වලදීද මෙය ඉතාමත් ප්‍රයෝජනවත්වන මූලිකම දෙයකි.
තෙවන-ප්‍රවර්ගයේ ලිපිපෙල වන "Magick සහ චිත්ත-බලය (Psychic-powers)" අප වෙන්කරන්නේ අනුපිලිවෙලට සැකසූ ප්‍රායෝගික ක්‍රියාකාරකම් සඳහාය. මේවා අනුපිලිවෙලට පෙලගස්වා ඇත්තේ ඉහල මට්ටමේ ක්‍රියාකාරකම් සඳහා ඊට පහල මට්ටමේ ක්‍රියාකාරකම් වල නිපුණතාවය අත්‍යාවශ්‍ය වන නිසාය. ඉහල මට්ටමේ ක්‍රියාකාරකම් කිරීමට අපහසුනම් නැවත මූලික ක්‍රියාකාරකම් වලට පැමිණ ඒවායේ නිපුණතාවය ලැබියයුතු වේ. කෙසේවුවද ඉහල මට්ටමේ ක්‍රියාකාරකම් ඉඟෙනීමේදීද නිරන්තරයෙන් මූලික අභ්‍යාස වල නිරත වී හැකියාව "පවත්වාගත යුතු" වේ.
Magick සහ අධිමානසික ක්‍රියාකාරකම් සඳහා ඉතාමත් වැදගත් වන්නේ චිත්ත රූප (Visualization) පවත්වා ගැනීම සහ ශක්තිය පාලනය (Energy manipulation) කිරීමයි. ශක්තිය පාලනය කිරීමටද චිත්ත රූප මහෝපකාරී වේ. චිත්ත රූප සඳහා මානසික ඒකාග්‍රතාවය උපරිම අන්දමින් අවශ්‍ය වේ. ඒකාග්‍රතාවය සඳහා මනස ඉහිල් කිරීම උදවු වේ.
- මනස ඉහිල් කිරීම (Relaxation)
- චිත්ත ඒකාග්‍රතාවය (Concentration)
- චිත්ත රූප (Visualization)
- ශක්තිය පාලනය (Energy manipulation)
High Magick, Ceremonial, Ritual Magick, Elemental Magick, Chaos, Sigilization වැනි ඕනෑම ගුප්ත ශාස්ත්‍ර විශය ක්ෂේත්‍රයකට හෝ අවතීර්ණ වීමට මෙම දැනුම හා කුසලතා මූලික වේ.
චිත්ත ඒකාග්‍රතාවය සඳහා අප තෝරාගන්නේ අර්ථයක් රහිත, සරල සහ නිශ්ක්‍රීය අරමුණකි. පසුව චිත්ත රූප පිලිබඳ අභ්‍යාස වලදී මේ වෙනුවට (සංකීර්ණ) චිත්ත රූපයක් ආදේශ කල හැක.
මේ සඳහා මුලින්ම ඉහිල් කිරීමේ (Relaxation) අභ්‍යාස පුහුණු කර තිබිය යුතුය. ශරීරය සහ මනස හැකිතරම් ඉහිල් කිරීමෙන් පසුව මෙය ආරම්භ කල හැක. නමුත් සිත සම්පූර්ණයෙන්ම හිස් කිරීමට උත්සාහ ගැනීම අවශ්‍ය නොවේ. මුලින්ම භාවනා කිරීම සඳහා අරමුණක් (Object of concentration) තෝරා ගත යුතුය. මේ සඳහා ඉටිපන්දම් දැල්ලක්, බිත්තියක ඇඳි තිතක්, ජල බිඳුවක්, වර්ණ කඩදාසි වෘත්තයක් හෝ හුදෙක් සිතුවිල්ලක් හෝ ශබ්දයක් වුවද තෝරාගත හැක. වඩාත්ම වැදගත් වන්නේ ඔබ තෝරාගන්නා අරමුණ සමඟ ඔබට එක අරමුණක සිටීමට පහසු වීමයි.
බිත්තියක ඇඳි තිතක් අරමුණ ලෙස ගන්නේනම් තනි, ලා පැහැයක් ඇති පිරිසිදු සහ නිදහස් බිත්තියක (බොහෝ පින්තූර හෝ සැරසිලි එල්ලා නැති) ස්ථානයක් තෝරා ගන්න ඔබට පහසු ඉරියව්වක පුටුවක හෝ බිම ඉඳගත් විට ඇස් මට්ටමෙන් බිත්තියේ ගම්මිරිස් ඇටයක තරම් කලු තිතක් ඇඳගන්න. ඉන් පසු අතේ දුර මෙන් එකහමාරක් පමණ ඈතින් සිට, (මුලින් මනස ඉහිල් කර) ඒ දෙස හැකි පමණ වෙලා බලා සිටින්න. විනාඩි දහයකට පමණ වරක් ඇස් වලට විවේකයක් දීමටද අමතක නොකරන්න. තිත සෑම විටම දෘශ්ටි පථයේ මැද එකම ලක්ශ්‍යයක තබා ගැනීමට උත්සාහ ගන්න.
මද වේලාවකට පසු ඇස, දැකීමට වෙනත් අරමුණක් සොයනු අත් දැකිය හැකි වනු ඇත, තිත ඇසේ නාභියෙන් ඉවත් වීම හෝ සෙලවීම මෙහි ලක්ශණයකි. එය අවබෝධ වන්නේ තිත ඇසේ නාභියෙන් ඉවත් වී නැවත තිත වෙත නාභිගත වන විටය, නමුත් තිත ඇසේ නාභියෙන් ඉවත් වීමට උත්සාහ ගන්නා අවස්ථාවේදීම ඊට ප්‍රතිරෝධය දැක්විය යුතුය. ඇස ඉන් ඉවත් වී වෙනත් දෙයක් කෙරෙහි ඇලීමට ගැටිමට දක්වන සෑම උත්සාහයකටම ප්‍රතිරෝධය දක්වන්න.
මද වේලාවකට පසුව එක්වරම තිත අතුරුදහන් වී යාහැක, ඒ ගැන කලබල නොවන්න, මද විවේකයක් ගන්න. තිත ඉතා කුඩා වූවිට හෝ ඉන් බොහෝ ඈත් වී සිටි විට හෝ ආලෝකය ප්‍රමාණවත් නොවූ විටද මෙසේ තිත අතුරුදහන් වී යාම අත් දැකිය හැක. තිත අතුරුදහන් වන්නේ බොහෝ වේලාවක් තිත දෙසම පමණක් ඇස නාභිගත කරගෙන සිටීමට ඔබට හැකි වූ විටය.
ඉටිපන්දම් දැල්ලක්ද භාවනාව සඳහා අරමුණු කර ගත හැක. අඳුරු පරිසරයක තනි ඉටිපන්දමක් පමණක් දල්වාගෙන මෙය කිරීමෙන් ඇසට විඩාවක් ඇති විය හැකි නිසා ඉටිපන්දම් කිහිපයක් දල්වාගෙන එක් ඉටිපන්දමක දැල්ල දෙස බල සිටින්න. (නැතිනම් මද ආලෝකය ඇති විදුලි ආලෝකයක්ද යොදාගත හැක) ඉටිපන්දම් දැල්ලද ඇස් මට්ටමින් සහ අතේ දුරින් තබාගන්න. ඉටිපන්දම් දැල්ල දෙස බලා සිටීමේදී ඒ සමඟ ඒකාත්මික වීමට උත්සාහ ගන්න. එහි ඇති ආලෝකය සහ තාපය තුල සිත රඳවන්න. ඉටි පන්දමේ ඝන අවස්ථාවේ ඇති ඉටි ද්‍රව අවස්ථාවට පත් වී තිරය දිගේ ඉහලට පැමිණ වාතය සමඟ එකතු වී ගින්දර ඇති වේ, එවිට ආලෝකය සහ තාපය පිටවේ. අවසන් ප්‍රතිඵලය ලෙස කාබන් ඩයොක්සයිඩ් සහ ජලවාශ්පද පිට වේ. ඔබට මෙම ක්‍රියාවලිය තුලද සිත පිහිටුවිය හැක.
ඉටිපන්දම් දැල්ල වරින් වර සෙලවෙන නිසා ඇසට වෙනස් වන අරමුණක් ලැබේ. මෙය එක් අරමුණක සිටීම පහසු කරයි, නමුත් ඇසේ නාභිය පවත්වා ගැනීම මදක් අපහසු වේ. ඉටිපන්දම් දැල්ල දෙස බලා සිටින විට අවට ඇති වෙනත් දෑ ටිකින් ටික අඳුරු වී යන ලෙස දැනිය හැක. මෙය සාමාන්‍ය දෙයකි.
සිත එක් අරමුණක තැබීමෙන් එදිනෙදා ජීවිතයේ බොහෝ අරමුණු වලට හසුවී තිබෙන සිතට විශාල සැනසීමක් දැනේ. මේ ක්‍රියාකාරකම දිගටම කිරීමෙන් තමා තුල සාමකාමී වාතාවරනයක් ගොඩනැඟේ.
චිත්ත බලය 3 - චිත්ත රූප (Visualization)
[සංස්කරණය]අධිමානසික අභ්‍යාස වල තෙවන-පියවර ලෙස අප සාකච්ඡා කිරීමට බලාපොරොත්තු වන්නේ චිත්ත-රූප ගොඩනැඟීමයි (Visualization). චිත්ත-රූප ගොඩනැඟීම අධි-මානසික අභ්‍යාස සඳහා බෙහෙවින් උපකාරී වන මෙවලමකි. මෙය මූලික මට්ටමේ ක්‍රියාකාරකම් තුනෙන් වඩාත්ම වැදගත් අධිමානසික ක්‍රියාකාරකම ලෙස හැඳින්විය හැක. මේ තුලින් නිර්මාණශීලීත්වයද දියුණු කර ගත හැක.
චිත්ත-රූප ගොඩනැඟීමේදී අප බලාපොරොත්තු වන්නේ මනැස මත රූපයක් ගොඩනඟා එය ඒකාකාරව පවත්වා ගැනීමයි. චිත්ත රූපයක් ගොඩනඟාගත් විට අපගේ මනසේ චිත්ත තරංග එම චිත්ත රූපයට අනුව සකස් වේ. එම චිත්ත තරඟ වලට තව දුරටත් ශක්තිය එකතු කර විශ්වයට මුදා හැරීමෙන් අප බලාපොරොත්තු වන දේ ලඟා කරගත හැක. අධි මානසික අභ්‍යාස වලදී අපි එම මට්ටමෙන් ඔබ්බට ගොස් චිත්ත රූප හරහා ශක්තිය පාලනය කිරීම වෙතද අවධානය යොමු කරමු. චිත්ත-රූප වලට පසුව වැදගත් වන ශක්තිය පාලනය කිරීම සඳහාද අපට ප්‍රධාන වශයෙන්ම අවශ්‍ය වන්නේ මෙම චිත්ත-රූපයි.
http://2.bp.blogspot.com/_7knLhiVNnxM/SM0mYLgCviI/AAAAAAAAAOM/G4mTsvzpz3g/s400/Phrenology1.jpg
මෙහිදී අප සාකච්ඡා කරන්නේ මනැස (මනසේ ඇස - Mind's Eye) පිලිබඳවයි. අපගේ පංචේන්ද්‍රින් වන පෙනීම, ඇසීම, ආග්‍රහනය, ස්පර්ශය සහ රසය දැනීමට අමතරව සය වන ඉන්දියයක්ද පවතී (Sixth Sense). අප නිදාගත් විට පංචේන්දීන්ගේ ක්‍රියාකාරීත්වය අඩු වී මනැස ක්‍රියාත්මක වේ, සිහින දකින්නේ එවිටයි. මෙම මනැසේ ක්‍රියාකාරී ස්වරූප (Operational Modes)දෙකක් පවතී. මේවා සංග්‍රාහක ක්‍රියාකාරීත්වය (Passive mode) සහ විමෝචක ක්‍රියාකාරීත්වය (Active mode) ලෙස හැඳින්විය හැක. සංග්‍රාහක ක්‍රියාකාරීත්වයේදී පුද්ගලයෙකුට අනාගතය දැකීම, දුර සිදු වන දේ දැකීම වැනි හැකියාවන් ලැබේ. විමෝචක ක්‍රියාකාරීත්වයේදී පුද්ගලයකුට යම් සිදුවීමක් පාලනය කිරීමේ හැකියාව ලැබේ. උදාහරන ඇසුරෙන් පැහැදිලි කලහොත් ඔබේ අතෙන් යමක් අතගා එහි හැඩය හඳුනාගත හැකිය. එමෙන්ම එම අතම භාවිතා කර යම් වස්තුවක (මැටි පිඩක) හැඩය වෙනස් කල හැක.
චිත්ත-රූප යන වචනය සමඟම අපට සිහි වන්නේ ඇසට පෙනෙන ආකාරයේ රූපයකි. නමුත් අපගේ මනැස දැකීම පමණක් නොව පංචේන්දියන්ටත් වඩා විස්තරාත්මකව තොරතුරු සැකසීමේ හැකියාව ඇති ඉන්ද්‍රියකි. දැකීම මෙන්ම සුවඳ, ස්පර්ශය ශබ්දය සහ රසයද මනැසට සකස් කල හැක. වඩා සාර්ථක ප්‍රතිඵල ලබා ගැනීමට මනැසේ මෙම සියලුම ආකාරයන් ව්‍යායාමයට ලක් කල යුතුය. මනැස ව්‍යායාමයට ලක් කිරීමෙන් එහි හැකියාවන් වර්ධනය කල හැක. කායවර්ධන ශිල්පීන් ශාරීරික අභ්‍යාස තුලින් භෞතික ශරීරයේ මාංශ පේශීන් ආදිය වර්ධනය කරන්නා සේ ම මනැස වර්ධනය කිරීමෙන් අධි මානසික හැකියාවන් වර්ධනය කල හැක.
මීට පෙර අප මනස ඉහිල් කිරීම සහ ඒකාග්‍ර කිරීම සම්බන්ධ ක්‍රියාකාරකම් සාකච්ඡා කලෙමු එම අභ්‍යාස වල යම් නිපුණතාවයක් ඇතිනම් තෙවන අදියර ලෙස චිත්ත රූප ආශ්‍රිත ක්‍රියාකාරකම් ආරම්භ කල හැක. චිත්ත ඒකග්‍රතාවය සඳහා අප ඉටිපන්දම් දැල්ලක් හෝ යම් වස්තුවක් තුල අවධානය රැඳවූවා ඔබට මතක ඇති. දැන් අප අවධානය රැඳවීමට යන්නේ අපගේ මනැස තුල ගොඩනඟාගත් වස්තුවක් මතයි. මනැසේ නිපදවන වස්තුව මත තබන අවධානය වැඩි කරන තරමට එම වස්තුව වඩා විස්තරාත්මකව ගොඩනැඟේ. වඩා විස්තරාත්මකව ගොඩනැඟෙන චිත්ත-රූපයක් වඩාත් ප්‍රභල වේ.
මේ සඳහා ඔබට කැමති වස්තුවක් තෝරා ගත හැක. බොහෝ විස්තර සහිත හෙයින් අපි උදාහරණයක් ලෙස දොඩම් ගෙඩියක් ගනිමු. මේ ක්‍රියාකාරකම පුහුණු වීම සඳහා නිස්කලංක නිෂ්ශබ්ද ස්ථානයක් තෝරාගන්න. ඉන් පසුව ඇස් පියාගෙන ඔබේ අතේ දොඩම් ගෙඩියක් ඇතැයි සිතින් මවා ගන්න. ඉන් පසුව එහි හැඩය අතට දැනෙන ආකාරය, බර සහ මතුපිට ස්වාභාවයද සිතින් මවාගන්න. එහි වර්නය සහ දීප්තියද එකතු කර ගන්න. දොඩම් ගෙඩියේ එබෙන ස්වාභාවය සිහි කරගන්න. සම්පූර්න දොඩම් ගෙඩියක් හැකි තරම් විස්තර සහිතව චිත්ත රූපයක් ලෙස මනැසේ රඳවා ගන්න. ඉන් පසුව එහි පොත්ත ගලවන්න. පොත්ත ගලවන විට දැනෙන සුවඳ සිතින් මවා ගන්න. දැන් ඒ තුල ඇති රේණු ආදිය ද එම චිත්ත රූපය තුල දකින්න. ඔබ දොඩම් කෙරෙහි කැමැත්තක් දක්වන්නේ නම් මේ අවස්ථාවේදී කටට කෙල ඉනීම සාමාන්‍ය දෙයකි.
ඉහත උදාහරණය ස්වාභාවික වස්තුවක් පදනම් කරගත් ක්‍රියාකාරකමක් වුවත් බොහෝ විස්තර සහිත වස්තුවකි. නමුත් චිත්ත රූපය මත ඒකාකාරව අවධානය රැඳවීමේ අපහසු තාවයක් ඇතිනම් ඊට වඩා සරල උදාහරණයකින් පටන් ගත යුතුය. අවධානය රැඳවීමේ හැකියාවද දියුනු කල හැකි සරල ජ්‍යාමිතික හැඩ උපයෝගී කරගත් උදාහරණයක් ගෙන බලමු.
ඇස් පියාගෙන ඔබ ඉදිරිපස "හිස්" අවකාශයක් සිතින් මවාගන්න. ඉන් පසුව ඒ තුල තිරස් අතට සුදු රේඛාවක් සිතින් මවාගන්න. මෙම රේඛාව ඉතා පැහැදිලිව සහ සෘජුව මනසේ රඳවා ගන්න. දැන් එම රේඛාව අවකාශය තුල නොයෙක් අතට හරවන්න, දිග වෙනස් කරන්න. රේඛාවට පසුව රේඛා තුනකින් යුත් ත්‍රිකෝනයක් චතුරශ්‍රයක් ආදිය සිතින් මවාගෙන ද්විමානවද, ත්‍රිමානවද නොයෙක් අතට හරවන්න. මීලඟට ඝනකය, පිරමිඩය ආදී ත්‍රිමාන වස්තූන් ද චිත්ත රූප ලෙස මවාගෙන ව්‍යායාමයෙහි යෙදෙන්න. ත්‍රිමාන වස්තූන්ගේ රේඛාගනන, දාර ගනන සහ පැති ගනන ගනින්න. මේවා නැවත නැවත ගැනීමෙන් චිත්ත රූපය පැහැදිලිව මනසේ රැඳේ.
ඉතා සරල ලෙස පෙනුනද මෙම ක්‍රියාකාරකම හරහා මනැස ඉතා හොඳින් දියුනු කල හැක. චිත්ත රූපයක් ඇසින් දකින වස්තුවක් ලෙස දැකීමට බලාපොරොත්තු නොවන්න. එය ඇසට වඩා වෙනස්ම ඉන්ද්‍රියකි, වෙනස්ම සංවේදනයකි. දිගින් දිගටම ව්‍යායාම කිරීමෙන් වඩා පැහැදිලිව සහ ස්ථාවරව චිත්ත රූප ගොඩනැගීමටත් පාලනය කිරීමටත් හැකියාව ලැබේ.
උප ග්‍රන්ථය
[සංස්කරණය]Wicca සහ Witchcraft ගැන ලියවුනු හොඳ පොත් මොනවාද!
[සංස්කරණය]විකා සහ Witchcraft ගැන interest එකක් ඇති අය කිහිපදෙනෙක්ම මේ ලඟකදී හමු වුනා. බොහෝදෙනෙකුට ඇති ගැටලුවක් තමයි මේ විශය සම්බන්ධ හොඳ පොත් මොනවාද කියන එක. මේ විශය සම්බන්ධ පොත් කිසිවක් ලංකාවේ කිසිම පුස්තකාලයකින්වත් පොත් සාප්පුවකින්වත් සොයාගැනීමට බැරි වූ නිසා අන්තර්ජාලයෙන් ඇනවුම් කර (amazon, llewellyn ආදී අඩවි වලින්) ගෙන්වාගන්නට සිදු වුනා. ඊට පෙර මට කියවන්නට ලැබුනේ අන්තර්ජාලයෙන් බාගත කරගත් pdf (e-book).
මේ විශය සම්බන්ධයෙන් මා මුලින්ම කියවූ පොත තමයි Raymond Buckland ගේ Complete Book of Witchcraft. එය ඉතා හොඳ පොතක් නමුත් මුලින්ම කියවිය යුතු පොතක් ලෙස මා සිතන්නේ නැහැ; විශය ගැන යම් අවබෝධයක් ලබාගත් පසු කියවීමට සුදුසුයි.
http://2.bp.blogspot.com/_7knLhiVNnxM/STk_YXodv-I/AAAAAAAAATU/ak2hV0ZUJMM/s400/1492-1.jpg
මට හමුවූ හොඳම පොත ලෙස Scott Cunningham ගේ Wicca a guide for the solitary practitioner හඳුන්වා දිය හැක. එම පොත කියවීමෙන් පසු Scott Cunnigham මගේ ප්‍රියතම ලේකඛයා බව මට සිතුනා. එහි දෙවන කොටස වන Living Wicca A further guide for the solitary practitioner ද ඉතා හොඳ පොතක්.
ඒ සමඟම Silver RavenWolf ගේ To Ride a Silver Broomstick පොතත් මා ගෙන්වා ගත්තා. මා සිතා සිටියාටත් වඩා Silver RavenWolf හොඳින් ඒ පොත ලියා තිබෙනවා.
http://2.bp.blogspot.com/_7knLhiVNnxM/STk_Xe2tpTI/AAAAAAAAAS0/G7C3-b2K5VU/s400/3f.jpg
මේ දම් පාටින් ඇති පොත් කවරය Silver RavenWolf ගේ පොතේ මුල්ම සංස්කරණයයි. ඒත් පිටකවරයේ තිබෙන විදිහට අහසින් යන හැටි ගැන නම් පොතේ සඳහන් වෙන්නේ නැහැ. මුල් සංස්කරනයේ තිබූ සමහර සුලු කරුනු කිහිපයක් ගැන කිහිපදෙනෙක් කර තිබූ දෝශ දර්ශන නිසා මේ පොත ගැන මුලින් එතරම් පැහැදීමක් නොතිබුනත් ටිකක් කියවූ පසු ඉතා හොඳ පොතක් බව පෙනී ගියා.
ඉතා පැරණිම මූලාශ්‍ර සෙවීමට කැමැත්තක් ඇතිනම් Gardnerian Book Of Shadows, Alexandrian Book Of Shadows සොයාගත යුතු වනවා. මේවා Public Doman එනම් හිමිකම් නො ඇවිරුනු පොත් නිසා ඔනෑම කෙනෙකුට පිටපත් කර ගත හැකියි. මේ පොත් දෙකේම අන්තර්ගතය බොහෝ දුරට සමානයි. නමුත් මේ පොත් දෙකම මුලින්ම කියවිය යුතු පොත් ලෙස මා සිතන්නේ නැහැ. විශය ගැන යම් අවබෝධයක් ලබාගත් පසු කියවීමට සුදුසුයි. Charles Godfery Layland ගේ Aradia පොත කියවා ඇති කෙනෙකුට එහි සමහර කොටස් සහ Gardnerian Book Of Shadows හි ඇති සමහර කොටස් සමපාත වන ආකාරය අධ්‍යයනය කල හැකියි. නමුත් Aradia කෙලින්ම Wicca වලට සම්බන්ධ නැති පොතක්. එහෙත් Wicca ගැන උද්යෝගයක් ඇති අයෙකුට කියවීමට සුදුසු පොතක්.
ඒත් Scott Cunnigham ගේ පොත් පෙල තරම් වටිනා පොත් පෙලක් තවත් නැහැ. නමුත් Cunningham කියන ආකාරයටම මේ විශය සම්බන්ධව එක් ලේකඛයෙකු දෙදෙනෙකු ලියූ පොත් කිහිපයක් කියවීම ප්‍රමානවත් වන්නේ නැහැ. හැකි තරම් විවිධ දෘශ්ටි කෝන වලින් ඇති පොත් කියවිය යුතුයි.