Jump to content

එජ ඉතිහාසය/පූර්ව-කොළොම්බසියානු

Wikibooks වෙතින්

ඇමරිකාවන්හී මිනිස් ශිෂ්ටාචාරය බොහෝ විට ඇරඹුනේ අවසන් අයිස් යුගයෙහි වන අතර, ප්‍රාග් ඓතිහාසික දඩයම්කරුවෝ එකල ආසියානු සහ උතුරු ඇමරිකානු මහාද්වීප අතර පැවැති භූමි පාලමක් තරණය කරන්නට ඇත . උතුරු ඇමරිකාවේ, මධ්‍යම ඇමරිකාවේ සහ දකුණු ඇමරිකාවේ ශිෂ්ටාචාරයන් වෙත, විවිධ මට්ටමෙහි සංකීර්ණභාවයන්, තාක්ෂණයන් සහ සංසක්තභාවයන් පැවතී ඇත.

මහත් බලගතු සහ ප්‍රවර්ධිත ශිෂ්ටාචාරයන් සමහරක් දකුණු සහ මධ්‍යම ඇමරිකාවෙහි ඇතිවිය. මෙම සංස්කෘතීන් විසින් ලිවීම ප්‍රවර්ධනය කළ අතර එමගින් පැතිරීමට සහ ආධිපත්‍යය පැතිරවීමට ඔවුනට හැකි විය. ඔවුන් විසින් පුරාතන ලෝකයෙහි විශාලතම නගර අතුරින් සමහරක් තනන ලදි.

උතුරු ඇමරිකානු සංස්කෘතීන් වඩාත් බිඳී සහ අඩුවෙන් ඒකාබද්ධව පැවතියහ. ප්‍රධාන සමාජ-දේශපාලනමය ඒකකය වූයේ ගෝත්‍රය වන අතර, ගෝත්‍ර අතර හුවමාරුවීම් නිසා මහත් භූමි ප්‍රදේශයන් අතරතුර එක්වැනි සංස්කෘතීන් ඇති විය. නිරිත දිග උතුරු ඇමරිකාවෙහි කර්කශ කාන්තාරයෙහි ශිෂ්ටාචාර අනුවර්තනයවී සමෘද්ධියට පත්වූහ.

මෙම සංස්කෘතීන් සියල්ලම, යුරෝපියානු ජනාවාසකරණයෙන් සහ යුරෝපියානු රෝගවලින් පීඩා වින්දහ. එවතුදු, දේශීය ඇමරිකානුවෝ අශ්වයන් වැනි යුරෝපියානු සතුන් ලදහ.

ඇමරිකාවන්හී ආදි වැසියෝ[සංස්කරණය]

ඇමරිකානු ඉතිහාසය ඇරඹෙනුයේ 1492 වසරෙහිදී කොළොම්බස්ගේ පැමිණීම හා සමග නොවේ. පළමු යුරෝපියානුයන්ගේ ආගමනයට බොහෝ කළකට පෙර ඇමරිකාවන් ජනාවාස වී තිබුණි. ශිෂ්ටාචාරය ඇරඹුනේ අවසන් අයිස් යුගය තුලදී, වසර 15 දහස් සිට 40 දහස් ගණනකට පෙරදීය. විශාල අයිස් තට්ටු විසින් උතුරු ප්‍ර‍දේශය වැසී තිබුණු අතර එනිසාම මුහුදු ජල මට්ටම වඩාත් පහළ වීම නිසා ආසියාව සහ උතුරු ඇමරිකාව අතර භූමි පාලමක් තැනී තිබුණි.