බිලි පූජා - ii

Wikibooks වෙතින්

බිලි පූජා


පාත්ර වර්ගයා


ගුණවතී - රජ මෙහෙසිය රඝුපති - කාලි කෝවිලේ පුජකයා ගෝවින්ද - ත්රික පුරයේ රජු ජායිසිං - කෝවිලේ ආවතේවකාර තරුණයා අපර්ණා - දිළිඳු දැරියක් නක්ෂත්රජ - රජුගේ සොහොයුරා ඇමති - ගෝවින්ද රජුගේ ඇමතියෙක් නයන්රායි - සෙනෙවිරද් දාසිය - රජ වාසල සේවක ස්ත්රිෙයක් පුරවැස්සෝ - ත්රිස පුරයේ පුරවැසි කීප දෙනෙක් චාන්ද්පාල් - උප සෙනෙවි දුරුවා - රජුගේ දරු තන්හි ඇතිදැඩි වන බාලයෙක්




40


බිලි පූජා


ත්‍රි පුරයෙහි කෝවිලක්


(කාලි කෝවිල)


රජ මෙහෙසිය වන ගුණවති ඇතුළු වෙයි.


ගුණවතී

බිහිසුණු මාතාවෙනි, මගෙන් ඔබට කිසියම් වරදක් විණිද? ජීවිකා වෘත්තිය සඳහා දරුවන් විකුණන යාචක ස්ත්රීකන්ටත්, ලෝකාපවාදයෙන් හා අවනම්බුවෙන් වැළකෙනු සදහා නියම පුරුෂයෙකු නොමැති ව උපන් බිළිඳුන් මරා දමන ස්ත්රීනන්ටත් ඔබගෙන් දරු වරය ලැබෙයි. එහෙත් ....................

මුළු රාජ්යතයම දෙපා ළඟ ඇති මම, මගේ හදවතට දරුපහසක් ලැබෙන තෙක්— මාගේ ආත්මය තුළ තවත් ප්රේ,මණීය ආත්මයක් ජනිත වනතෙක්, ළතවෙමි. අහෝ! මාතාවෙනි, මාතාවරුන් ගේ ලෝකයෙන් පිටුවහල් කරනු ලැබීමට මම කිනම් පාපයක් කෙළෙම්ද?


රඝුපති නමැති කෝවිලේ පූජකයා පිවිසෙයි.


ගුණවතී

අහෝ! ස්වාමිනි! කවදා මම පුජාවෙන් වැළකී සිටියෙම්ද? මගේ ස්වාමියා ස්වකීය පරිශුද්ිධතාවයෙන් දෙවියන් සමාන ‍නොවන්නේද? එසේ නම් මාතාවෙනි, ලෝක මායාව නමැති මකුළු දැල ගොතන දේව මාතාව, වඳ භාවය නමැති මුඩු බිම්හි මගේ ආසනය තැබුවේ මක්නිසාද?


41

බිලි පූජා

රඝුපති

දියණිය, අපේ දේව මාතාව නීතියක්, රීතියක් තකන්නී නො වේ. අපගේ දුක- සැප දෙක ම, එතුමී සලකන්නේ සිත්හි මැවෙන නිකම් ඡායාවක් හැටියට. දියණිය ඉවසන්න! යුෂ්මතිගේ නාමයෙන් අද අපි විශෙෂ බිලි පුජාවක් පවත්වමු.

ගුණවතී

ස්වාමිනි, මගේ කෘතඥතා පූර්වක ගෞරව නමස්කාරය පිළිගනු මැනව. පූජාව සඳහා මල් ,සුවඳ දුම්, පලවැල එළුවන් දැනට ම දෙවොල වෙත එනවා ඇති.

දෙදෙනාම පිට වෙති.

ගෝවින්ද රජතුමා සහ කෝවිලෙහි සේවක ජායිසං ද, යාචක දැරියක් වන අපර්ණා ද ඇතුළු වෙති.

ජායිසිං

ඔබගේ අභිලාෂය කිමෙක් ද, දේවයන්වහන්සද?

ගෝවින්ද

මේ අහිංසක දැරිය විසින් ආදරයෙන් ඇති කරනලද එළු පැටවා බිලි පූජාව සඳහා බලහත්කාරයෙන් මෙහි ගෙනා බව සත්යඑයක්ද? එවැනි පූජාවක් කාලි මාතා පිළිගනිත්ද?

ජායිසිං

දේවයන් වහන්ස, අප‍ ගේ මෙහෙකරුවන් එදිනෙදා පූජා වස්තු එක් කරන්නේ කිනම් තැනකින් දැයි අපි කෙසේ දන්න මෝද?

(යාචක දැ‍රිය දෙසට හැරී) නමුත් දැරිය, නුඹ වැළපෙන්නේ ඇයි? මෑණියන් විසින් පිළිගන්නා ලද යම් දෙයක් වෙනුවෙන් කඳුළු සැලීම වටනේද?


42


බිලි පූජා

අපර්ණා

මෑණියනි! මා ඒ එළු පැටවා ගේ මව. මගේ පැල්පතට ඒමට මා ප්රළමාද වුවහොත්, ඌ ආහාර පවා නොගෙන, මහා මාර්ගය දෙස රැදවූ නෙත් ඇතිව, කදුළු සලමින් සිටී. මම වහා ඌ තුරුළු කරගෙන, මගේ බඳුනෙන් ම ඌට කවමි. මා හැර වෙනත් මාතාවක් ඌ නො හඳුනයි.

ජායිසිං

දේවයන් වහන්ස, මගේ සිරුරෙන් අඩක් වූවත් දී, මේ එළු පැටවා ට පණ දිය හැකි නම් ඇත්තෙන් ම මම එසේ කරමි. නමුත් කාලි මාතාවන් විසින් පිළිගන්නා ලද යම් දෙයක් මා ආපසු ගන්නේ කෙසේද?

අපර්ණා

කාලි මාතාවන් විසින්? එය අමූලික බොරුවක්...... කාලි මාතාවන් විසින් නොව යක්ෂසයා විසින්.......

ජායිසිං

ෂ්...! ෂ්...!

අපර්ණා

කාලි මාතාවනි, ඔබ සැරසි සිටින්නේ දුප්පත් කෙල්ලක ගේ ආදරය ඈ කෙරෙන් පැහැර ‍ගන්නටද? එසේ නම් ,ඔබේ ඒ වරදට දඬුවම් දෙන රාජාධිකරණය කොහිද? රජතුමාණනි, පිළිතුරු දෙනු මැනවි.

ගෝවින්ද

මගෙන් අසන්නට එපා දරුවා, එයට පිළිතුරු දෙන්නට මම නොදනිමි.


අපර්ණා

හා! මේ පියගැට පෙළෙහි ගලායන රුධිර ධාරාව මගේ සුරතල් එළු පැටවා ගේ ද? අහෝ! ආදරය නුඹ මර බියෙන් කෑ ගසනවිට ඒ මරහඬ මේ බිහිරි ලෝකය සිදුරුකරගෙන මාගේ‍ හදවතට ඇතුළු නොවූයේ ඇයි?

ජායිසිං

(පිළිරුව දෙසට හැරී)

කාලි මාතාවෙනි, බිළිඳු අවධියේ සිට මම ඔබට සේවය කෙළෙමි. එහෙත් මට ඔබ නො වැටහේ. අනුකම්පාව දෙවි වරුන්ට නො ව දුර්වල මිනිසුන්ට පමණක් හිමි දෙයක්ද? දැරිය, මා සමඟ එනු! මම නුඹ වෙනුවෙන් කළ හැකි උපකාරයක් කරන්නෙමි. දෙවියන්ගෙන් පිහිටි නො ලැබෙන විට එය මිනිසුන්ගෙන්වත් ලැබිය යුතුයි.

ජායසිං සහ අපර්ණා පිටව යෙති.

රඝුපති සහ රජ ගේ සොහොයුරාවන නෂක්ත්රු ඇතුළු රාජ සේවකයෝ පැමිණෙති.

සියල්ලෝම නරදේවයන්ට ජයවේවා!

ගෝවින්ද

මේ දේවාලය තුළ අද සිට බිලිපුජා තහනම් බව සියලු දෙනාම දැන ගත යුතුයි.

ඇමති

කාලි මාතාවට බිලිපුජා පැවැත්වීම ඔබ වහන්සේ තහනම් කරනසේක්ද?

නයන්රායි සෙනෙවි.

බිලි පූජා තහනම්!


නක්ෂත්රජ

කෙතරම් බිහිසුණුද? බිලිපූජා තහනම්?


රඝුපති

මේ සිහිනයක් ද?


ගෝවින්ද

පියාණනි, එය සිහිනයක් නොව සැබවක්. කාලි මාතාව ළදැරියක ගේ වේසයෙනි අවුත්, රුධිරයේ පීඩාව විඳ දරා ගත නොහැකි බව කීහ


රඝුපති

කාලාන්තරයක් මුළුල්ලේ රුධිර පානය කළ කාලි මාතාවට මේ හදිසි එපාවිම ඇතිවූයේ කවදා සිටද?


ගෝවින්ද

කාලි මාතාව කිසි කලෙකත් ප්රාිණඝාත කළේ නෑ.


රඝුපති

සිහි කල්පනාවෙන් කටයුතු කරන ලෙස මම ඔබගෙන් ඉල්ලමි. ආගමික පොත්වල සඳහන් නීති වෙනස් කිරීමට ඔබට බලයක් නැත.


ගෝවින්ද

දෙවියන් ගේ වචනය සියලුම නීති වලට වඩා ශ්රෙයෂ්ඨයි.


රඝුපති

අනුවණ කමට අහංකාර එකතු නො කරනු. මට නො ඇසුණු දෙවියන් ගේ වචන ඔබට පමණක් ඇසුණා යයි කීමට තරම් නිර්ලජ්ජි එඩිතර කමක් ඔබට තිබේද?



නක්ෂත්රජ

දෙවියන් ගේ වචන පූජකයාට නො ඇසී, රජතුමාට පමණක් ඇසුණා යයි කීම ඇත්තෙන් ම ලොකු පුදුමයක්?


ගෝවින්ද

දෙවියන් ගේ වචන සදා ලෙව්හි රැව් දේ. එය නො ඇසෙන්නේ වුවමනාවෙන් ම බිහිරි වූවන්ටයි.


රඝුපති

නිර්ආගමිකයා! අදේවදෘෂ්ටිකයා!


ගෝවින්ද

පියාණනි, අද පටන් කාලි මාතාව වෙනුවෙන් රුධිර පූජා කරන යමෙක් වෙත්ද, ඔහුට දඬුවම, රටින් පිටුවහල් කිරීම බව උදෑසන පූජාවට පැමිණෙන සියලු බැතිමතුන්ට දන්වනු මැනව.

රඝුපති

මේ ඔබගේ අන්තිම තීරණය ද?

ගෝවින්ද

ඔව්!

රඝුපති

එසේ නම් ඔබට ශාපවේවා! ඔබගේ රාජ්යිය වාසභවනය කොට ගත් කාලි මාතාව ඔබගේ යටතේ වැසියෙකු ලෙස ඔබ කල්පනා කරන්නෙහිද? එතුමී ගේ අයිතිවාසිකම් උදුරාගෙන, ඔබගේ නීති රීති වලින් එතුමී බැඳ තැබීමට ඔබ කල්පනා කරන්නෙහිද? කිසි කලෙකත් එය නො කළහැකි බව මම තරයේ කියමි. මේ කථා කරන්නේ එතුමී ගේ සේවකයා




46


බිලිපූජා

නයන්රායි

සමාවන්න දේවයන්වහන්ස, එසේ කිරීමට ඔබ වහන්සේට බලයක් තිබේ ද?

ඇමති

‍දේවයන් වහන්ස, දැන්වත් ඔබ වහන්සේ ගේ නීතිය වෙනස් කළ නො හැකිද?

ගෝවින්ද

අපගේ රාජ්ය යෙන් පාපය පහකිරීමට, අප කිසිසේත් පසුබට නො විය යුතුයි.

ඇමති

පාපයක් නම් එය දීර්ඝ කාලයක් ලෝකයෙහි නො පවතී. කාලිමාතාව ගේ දෙපා හමුවේ මේ තාක් කල් වැඩි වර්ධන ය වුණු ආගමික වත් පිළිවෙත් පාපයක් වන්නේ කෙසේ ද?

රජු නිශ්ශබ්දව සිටී

නක්ෂත්ර්

ඇත්තෙන්ම එය එසේ වන්නට බැහැ.

ඇමති.

අප ගේ මුතුන්මිත්තන් විසින් මේ කටයුතු ඉටුකරන ලද්දේ භක්ත්යාුදරයෙන්. ඔවුන් නිග්ර හ කිරීමට තරම් තද පරුෂ හිතක් ඔබට තිබේද?

රජු නිශ්ශබ්දව සිටී

නයන්රායි

යටගිය‍ාවෙන් අනුමතවූණු දෙයක් ඉවත් කිරීමට ඔබට බලය තිබේද?



47

බිලි පූජාව

‍ගෝවින්ද

ඒ ගැන වැඩිදුර අටුවා ටීකා වුවමනා කරන්නේ නැහැ. මගේ නියෝගය රට පුරා පතළ කරව්!

ඇමති

නමුත් දේවයිනි, බිසොවුන් වහන්සේ උදෑසන බිලිපූජාවක් පැවැවීමට පොරොන්දු වී ඇත. සියලුම පූජාවස්තු දැන් අර ‍දොරටුව සමීපයටත් ගෙනැවිත්.

ගෝවින්ද

ඒ වා ආපසු පිටත් කරනු!

රජු ඉවත්ව යයි.

නක්ෂත්ර්

එසේනම්, අපත් බුද්ධයන්‍ ගේ තත්ත්වොයට පැමිණ තිරිසනුන්ටත් ජීවත්වී‍ෙම් අයිතිය හැටියට සලකන්නට ද? විපරීත!

සියල්ලෝම පිටවී යෙති.

රඝුපති ඇතුළු වෙයි. ඔහුගේ පා දෝවනයට දිය බඳුනක් රැගෙන ජායිසිං පසුපසැ එයි.

ජායිසිං

පියාණනි,

රඝුපති

ඉවත් වෙනු!

ජායිසිං

මෙන්න ඔබගේ පා සේදිමට දිය.



48

බිලි පූජා

රඝුපති

මට වුවමනා නැහැ

ජායිසිං

මෙන්න ඔබේ වස්ත්රද.

රඝුපති

කැමති දෙසක ගෙන යව!

ජායිසිං

පියාණනි, ඔබ කෝප ගන්වන යමක් මා අතින් සිදු විණිද?

රඝුපති

මට තනිව ඉන්ට හරිනු! නපුරේ සෙවනැලි දැන් ඝනවීගෙන එයි. රජතුමා ගේ දුෂ්ට නීති දැන් දෙවොලේ අල්තාරයටත් උඩින් යයි. මේ පරිහානි යුගයේ දෙවිවරුනි, රජු ගේ දාසයන් මෙන් ඔහු ගේ නීති වලට යටත් වීමට ඔබ සූදානම් ද? දෙවියන් ගේ තෙජෝබල පරාක්රහමය උදුරා ගැන්මට, මිනිස්සුත්, යක්ෂහයෝත් එක් වූවාහු ද? දෙවත්‍වයේ ගරුත්වහය රැක ගැනීමට දෙව්ලොව අපොහොසත් ද? එහෙත් ඒ සඳහා දෙවිවරු නැතත් බ්රාමහ්මණයෝ සිටිත්. ඔවුන්ගේ ක්රොිධාගතියට රජුගේ සිහසුනෙන් තෙල් සැපයෙයි. මගේ දරුව, අහෝ මගේ.......හිතට වේදනයි.

ජායිසිං

පියාණනි, කුමක් සිදුවිණි ද?

රඝුපති

එය විස්තර කරන්නට මට වචන නැත. අපහාස ලත් දේව මාතාවන්ගෙන් අසනු!




49

බිලි පූජා

ජායිසිං

මාතාව අවනම්බු වින්දා? කාගෙන් ද?

රඝුපති

ගෝවින්ද රජුගෙන්

ජායිසිං

ගෝවින්ද රජතුමා කාලිමාතාව නො තකා හැරියා?

රඝුපති

ඔව්, අර කුඩා සිංහාසනයේ අසුන් ගන්නා ගෝවින්ද නුඹටත් - මටත්, ත්රිුවෙදයට ත්, සියලුම දෙශයන්ට ත්- එසේම කාලිමාතාවට ත් නිග්ර්හ කළා.

ජායිසිං

ගෝවින් ද රජතුමා!

රඝුපති

ඔව් දරුවා, ඔව්, නුඹ ඉතාමත් ආදරය කරන ගොවින්ද රජතුමා; අහෝ අකෘතඥතාව! මම ඉතාමත් ආදරයෙන් නුඹ ඇති දැඩි කෙළෙමි. එහෙත් නුඹ මට වඩා ගෝවින්ද රජතුමාට ආදරෙයි.

ජායිසිං

පියාගේ උකුලේ සිටින සිඟිති බිළිඳා පූර්ණ චන්ර්ි කයා දෙසට අත දිගු කරයි. ඔබ මගේ පියා; ගෝවින්ද රජතුමා මගේ පූර්ණ චන්ර්ා යා; අප ගේ රජතුමා දෙවොල බිලිපූජා තහනම් කළේ යයි කියන්නේ සත්යුයක් ද? එහෙත් මෙහිදී නම් ඔහුට කීකරු වන්නට බැහැ!






50 බිලි පූජා

රඝුපති

එය නො පිළිපදින අයට දෙන දඬුවට රටින් පිටුවහල් කිරීමයි.

ජායිසිං

කාලිමාතාවන් වෙනුවෙන් අසම්පූර්ණ පුද පූජා පැවැත්වෙන පිටු වහල් කරනු ලැබීම එතරම් විපතක් නො වේ. නෑ! මා ජීවත්වන සිටින තුරා දේව මෙහෙය නො අඩුව ඉටු කළ යුතු යි.

ඔව්හු පිට වෙති.

ගුණවතී දාසියත් කැටුව ඇතුළු වෙයි.

ගුණවතී

තී කුමක් කියන්නීද? රජ මෙහෙසිය ගේ පූජාව ආපසු පිටත් කළා? එවැනි දෙයක් කිරීමට තරම් නිර්භීත පුද්ගලයෙක් මේ මිහි පිට සිටින්නේ ද? කව්ද ඒ කරුමක්කාරයා?

දාසිය

ඔහුගේ නම කීමට මම බියෙමි.

ගුණවතී

මා ප්රනශ්න කළ විටත් කීමට බියයි? තී මට වඩා බිය වන්නේ කාට ද?

දාසිය

කමාවනු මැනව!







51

බිලි පූජා

ගුණවතී

ඊයේ සන්යානවම වෙන් වාසල ගාන්ධාමර්වයන් මට ස්තොත්ර ගීතිකා ගායනා කළා, බ්රා හ්මණයෝ ආශිර්වාද කළා; සේවකයන් නිහඬව මගේ අණට කීකරු උනා; මේ අතර තුර සියල්ල කනපිට පෙරළන තවත් කුමක් සිදුවිය හැකිද? ත්රිඋ පුරය නිදි ලොවක් ද? වහාම ගොස් පූජකයාට එන්ට කියව!

දාසියා පිටවී යයි. ගෝවින්ද ඇතුළු වෙයි.

ගුණවතී

ස්වාමිනී, මාගේ පූජාව මතාවන් ගේ දෙවොලින් හරවා යවන ලද බව ඔබ දන්නෙහි ද?

ගෝවින්ද

මම දනිමි.

ගුණවතී

එසේ නම්, ඔබ එය දැනදැනත් ඒ නින්දා ව ඉවසා සිටින්නෙහි ද?

ගෝවින්ද

වරදකරුට සමාව දෙන ලෙස ඔබගෙන් ඉල්ලමි.

ගුණවතී

ඔබ ගේ හදවත දයාවෙන් පිරි ඇති බව මම දනිමි. එහෙත් මෙය දයාවක් නො වේ! දුර්වල කමක්. ඔබ ගේ කාරුණික භාවය නිසා ඔබ දුර්වල වන්නේ නම්, දඬුවම් පැමිණ වීමේ බලය මට පවරා වරද කළවුන් කවුරුත් දැයි කියනු මැනව!







52

බිලි පූජා

ගෝවින්ද

මගේ රැජන, ඒ අන්කිසිවෙක් නොව, මා යි. ඔබ ගේ සිත රිදවීම හැර අන්කිසි වරදක් මම නො කළෙමි.

ගුණවතී

ඔබ කියන දෑ මට නො තේ රේ.

ගෝවින්ද

අද සිට ම‍ෙග් රාජ්යකයයේ දෙවමන්දිරයන්හි ලේ සෙල්වීම තහනම්!

ගුණවතී

තහනම් කරන්නේ කවරෙක්ද?

ගෝවින්ද

කාලි මාතාවම යි.

ගුණවතී

එය ඇසුනේ කාට ද?

ගෝවින්ද

මටයි.

ගුණවතී

ඔබට! හරි, හරි, හා! සමස්ත ලෝකයට ම අරක්ගත් කාලිමාතාව අයදුම්පතක් රැගෙන ත්රිාපුරයෙහි රජතුමා වෙත පැමිණිම ඇත්තෙන් ම හාස්ය්ජනකයි.

ගෝවින්ද

අයදුම් පතක් නොව ශොක ප්ර්කාශයක් සමඟ.




53

බිලි පූජා

ගුණවතී

ඔබගේ රාජ්ය්ය දේවමන්දිරයේ සීමාවෙන් පිටතයි! ඔබගේ ආඥාවන් නො යැවීය යන මන්දියරයට ඒවා නො යවන්න!

ගෝවින්ද

ආඥාව මගේ නොව කාලිමතාවගෙයි.

ගුණවතී

ඔබ ගේ නිගමනය වෙනස් නො වන්නේ නම්, මගේ භක්ති පූජාවන්ට හරස් නො වන්න. මගේ පැහැදීමේ හැටියට මගේ පූජාවන් පවත්වන්නට මට ඉඩ දුන මැනව.

ගෝවින්ද

කාලිමාතාව ගේ වාසභවනය තුළ බිලිපූජා පැවැත්වීම, වළක්වා ලන බවට මම මන්දි රයේදී පොරොන්දු වීමි. ඒ පොරොන්දුව මා කෙසේ හෝ ඉෂ්ට කළ යුතුයි!

ගුණවතී

එළු පැටවන් තුන් සියයක ගේ හා මීහරකුන් සියයක ගේ රුධිර පූජාකිරීමට, මමද මාතාවට පොරොන්දු වීමි. මාද එය ඉටුකළ යුතුයි. ඔබ ඉවත් වන්න.

ගෝවින්ද

ඔබේ කැමැත්තත්.

රජු පිටවී යෙයි. රඝුපති ඇතුළු වෙයි.







54

බිලි පූජා

ගුණවතී

පියාණනි, මගේ පූජාවස්තුන් දෙවොලින් ආපසු හරවා යවා තිබේ.

රඝුපති

දේවිය, අතිශයින්ම දුකින් පරිපීඩිත යාචකයා විසින් කරනු ලබන පූජාව ඔබගේ පූජාව ට වඩා අගයෙන් අඩු නොවේ. එහෙත් අවාසනාවන්ත සිද්ධිය නම් මාතාවන්ට තම පූජෝපහාරයන් අහිමි කරනු ලැබීමයි. රජුගේ උදාරම් කම්, දේව භක්තියට බාධා පමුණුවමින්, සියලු බැති මතුන් දෙස අයාගත් රක්තාක්ෂී න් සහිත අද්භූත භයානක සතෙකු ගේ හැඩයෙන් පිම්බෙයි.

ගුණවතී

මේ හැම දෙයකින් ම කුමක් සිදුවේද පියාණනි? රඝුපති

ඒ දන්නේ, ස්වකීය සිහිනයන්ගෙන් මේ ලොව හැඩ ගස්සන ඒ උත්තමාව පමණයි. එහෙත් මාතාවන් ගේ ශුද්ධාවාසය මත එහි සෙවනැල්ල හෙළන සිංහාසනය දිය බුබුලක් මෙන් පිපිරී නැතිවී යනු නියතයි.

ගුණවතී

පියාණනි, අනුකම්පාකොට අප ගලවාගත මැනවි.

රඝුපති

හා! හා! මා ඔබ ගලවා ගැනීමට, පෘථිවියේ ත් එමෙන්ම දෙව්ලොව ත් ස්වකීය රාජධානිය ගැන පුරසාරම් කථා කරන, දෙවිවරුනුත් බ්රාවහ්මණයෝ ත් තමන් ඉදිරියේ ඒවාට ඇහුම්කන් දිය යුතු යයි කියන—ඔව්, රජෙකුගේ වල්ලභ ස්ත්රී ය . වු ඔබ ගලවා ගැනීමට.................... හා, ලැජ්ජයි! නපුරු කාලය, බ්‍රාහ්මණයාගේ නිස්සාර සාපය, ඔහු උම්මතකයෙකු බවට පැමිණවීමට පෙරළා ආපිට ආවිට— (ඔහු සිය පුන නූල කඩා දැමීමට සැරසේ.)






55

බිලි පූජා

ගුණවතී

(ඔහු වළකිමින්) මට අනුකම්පා කළ මැනව.

රඝුපති

එසේනම් යුක්ති සහගතව බ්රාදහ්මණයන් සතු දේ බ්රාැහ්මණයන්ට දෙනු.

ගුණවතී

ඔව්, මම දෙන්නෙමි. ස්වාමිනි, ඔබ පූජාවට යන්න. කිසිවෙක් ඔබ නොවලක්වනවා ඇති.

රඝුපති

සත්තකින් ම ඔබේ උපකාරයෙන් මා මැඬ පැවැත්වෙයි. ඔබ ගේ ඇස්වල අල්ප මාත්රප බැල්ම දෙවියන් අපකීර්තියෙන් බේරා ගනී. බ්රා.හ්මණයා ස්වකීය ශුද්ධ මෙහෙයෙහි යළිත් පිහිටුවයි. තීරණයේ දරුණු දිනය පැමිණෙන තෙක් ශක්ති සම්පන්න වෙනු. තරවෙනු. ඉච්ඡා සහගත වෙනු. (පිටවී යෙයි.)

ගෝවින්ද යළිත් ඇතුළු වෙයි.

ගෝවින්ද

මගේ බිසවුනි, ඔබේ ‍කෝපාවිෂට ඇසි බැමිවල සෙවනැල්ල මගේ හදවතේ ආලෝකය මුළුමනින් සඟවයි.

ගුණවතී

යන්න! මේ ගෙට ශාපයක් ගෙනෙන්ට එපා!

‍ගෝවින්ද

ස්ත්රිවය ගේ මඳහසින් හැම සාපයක් ම දුරු වෙයි. ඇගේ ආලය දෙවියන් ගේ දයාවයි.





56

බිලි පූජා

ගුණවතී

යන්න! ඔබේ මුහුණ නැවත කවදාවත් මට නො පෙන්වන්න.

ගෝවින්ද

ඔබට මා මතක් වනවිට, මම ආපසු එන්නෙමි, මගේ දේවීනි.

ගුණවතී

(රජුගේ පාමුළ වැටෙමින්) මට කමාවන්න රජතුමාණනි, ස්ත්රිේයක ගේ උදාරම්කම තැකීමට අමතක වන තරමට ඔබා ළය දැඩිවී ද? බිඳ වැටුණු ආලය කෝපයේ වෙස් ගන්නා බව ඔබ නො දන්නෙහි ද ආදරවන්තයාණනි?

ගෝවින්ද

ඔබ කෙරෙහි මගේ විශ්වාසය නැති වුවහොත් මා මැරේවි. මගේ ප්රේෙමිය, වලාකුල් ඒ අවස්ථාවලට පමණයි. එහෙත් සූර්යයා සදාකාලිකයි. එය මම දනිමි.

ගුණවතී

ඔව්, වලාකුල් පාවී යනවා ඇති. දෙවියන් ගේ අකුණ උන්වහන්සේ ගේ යුද්ධායුධ ගබඩාව කරා ආපසු යනවා ඇති. සදාකාලික චාරිත්රහ විධින් මත්තෙහි, සූර්යයා සැමදා බබලන්නේ ය. ඔව්, රජතුමාණනි, එසේ ආඥා කරනු මැනවි. පෙරවී බමුණණ් යළිත් ඔවුන් ගේ අයිතිවාසිකම් වලටත්, කාලි මාතාව එතුමිය ගේ පුද පූජාවන්හින්, එසේම රජුගේ බලය එහි භෞමික සීමාවන්හිත් යළි පිහිටවන සේ ආඥා කරනු මැනව.

ගෝවින්ද

සදාකාලික යහපත නැති කර දැමීම බ්රාරහ්මණයා ගේ අයිතිය නොවේ. සතුන් ‍ගේ රුධිරය දෙවියන් පිදීමේ පූජා වස්තුව නො වේ. සත්යසය ත්, ධර්මිෂ්ට භාවය ත් ආරක්ෂාරකර ගැනීම, රජුගේ මෙන් ම ගැමිය‍ාගේ ද අයිතියක්.






57

බිලි පූජා

ගුණවතී

මම ඔබ ඉදිරියේ මුනින් වැටෙමි; ඔබ දෙපා මත වැටී බැගෑපත්ව ඉල්ලා සිටීමි. කාලාන්තරයක් මුළුල්ලේ පැවත එන චාරිත්රබ රජුට පමණක් අයිති නොවේ. දෙව් ලොවින් හමන පවන මෙන් එය හැමටම අයත්. ඔබගේ රටවාසීන්ගේ නාමයෙන්, ඇඳිලි බැඳගත් අත් ඇතිව වැලිත් ඔබගේ බිසව ඔබගෙන් එය බැගෑපත්ව ඉල්ලා සිටියි. අඩමාන රාජකාරිය උසස්කොට සලකා ආලයේ බැගෑපත් ඉල්ලීම් ප්රයති‍ෙක්ෂජප කරමින් උඩගු පුරුෂය. තවත් ඔබට නිහඬව සිටිය හැකි ද? එසේ නම් යනු, යනු! යනු!! මා කෙරෙන් ඉවත් ව යනු!!

ඔව්හු යෙති.

රඝුපති, ජායිසිං සහ නයන්රායි ඇතුළු වෙති.

රඝුපති

සෙනෙවි රදුනි, මාතාවන් කෙරෙහි වූ ඔබගේ භක්තිය සුප්රඋකටයි.

නයන්රායි

එය මගේ මුතුන් මිත්තන්ගෙන් උරුම වූවක්

රඝුපති

මේ ශුවිශුද්ධ ප්රේ්මයෙන් ඔබට අප්ර තිහත ධෛර්යයක් ලැබේවා! දෙවියන්ගේ අකුණු සැරයට සමාන බලවේගයකින් ඔබේ කඩුපත ශක්තිසම්පන්නවී, එය මේ ලෝකයේ සියලු බලතල හා උසස් ඨානාන්තර ජය ගනීවි.

නයන්රායි

බ්රාරහ්මණ ආශිර්වාදය කිසිකලෙක නිෂ්ඵල නො වෙනවා ඇති.







58

බිලි පූජා

රඝුපති

එසේ නම් ඔබේ සියලු සොල්දාදුවන් රැස්කොට මාතාවන් ගේ සතුරා සුණුවිසුනු වී යන සේ පහර දෙන‍ු.

නයන්රායි

මට කියනු මැනව පියාණනි, සතුරා කවරෙක් ද?

රඝුපති

ගෝවින්ද

නයන්රායි

අපේ රජතුමා?

රඝුපති

ඔව්, ඔබේ මුළු බලයම යොදා ඔහුට පහර දෙනු.

නයන්රායි

එය නපුරු අවවාදයක්. පියාණනි, මෙය මා විචාරීම සඳහා කියන්නක් ද?

රඝුපති

ඔව්, ඔබ විචාරීමට, ඔබ කවරෙකු ගේ සේවකයෙකු දැයි නිශ්චය කොට දැනගැනීම සදහා දෙගිඩියාව අතහැර දමනු. කාලි මාතාවන් අමන්ත්රිණය කරන බව දැනගනු! සියලු ලෞකික බැමි කඩා බිඳ දැමිය යුතුයි.

නයන්රායි

මගේ සිත්හි කිසිම දෙගිඩියාවක් නෑ මගේ දේව මාතාවන් විසින් මා නවතන ලද තනතුරේ මම දැඩිව රැඳී සිටිමි.

රඝුපති

ඔබ නිර්භීතයි.


59

බිලි පූජා

නයන්රායි

මාතාවන් ගේ සේවකයන්ගෙන් අතිශයින්ම පහත් තැනැත්තා මා වද්දී ද්රොවහියකු වන්නට මට ආඥාවක් ලැබිය. යුතුද? එතුමීම මිනිසා ගේ හදවත භක්තියෙහි රඳවා සිටියි. එය කඩාදමන ලෙස මට කියන්නට එතුමීට පුළුන් ද? එසේ නම් අද එනම් රජතුමා නැසීමට ත්, හෙට තමා ම නසා ගැනීමටත් ඉදිරිපත් වනවා ඇති.

ජායිසිං

උදාර වදන්!

රඝුපති

මාතාවන්ට ද්රෝ හි වී සිටින රජු ඔබ ගේ පක්ෂතපාත භාවය පිළිබඳ සියලු හිමිකම් නැතිකර ගෙන සීටී.

නයන්රායි

විවාද වන මූකලානකට මා එලවා නො දමනු මැනව. පියාණනි, මම එක් මඟක් පමණක් දනිමි - ඔව්, භක්තියේ සහ සත්යසයේ සෘජු මාර්ගය. ගෞරවයේ ඒ මහ මාවතෙන් කාලි මාතාවන් ගේ මේ අඥාන සේවකයා කිසි කලෙක ඉවතට නොයනවා ඇති. (පිටතට යයි)

ජංයිසිං

ස්වාමිනි, ඔහුගෙන් අප ගේ භක්තියෙහි අපිත් දැඩිව සිටිමු. ඇයි අප සොල්දාදුවන් ගේ ආධාරය සොයන්නේ? දෙව්ලොවින් අප වෙත පැවැරුණු කාර්යය සඳහා අප තුළ ශක්තිය තිබේ. දෙවොලේ දොරටුව හොදීන් විවෘත කරන්න පියාණනි; බෙර පියවි කළ මැනව. නගරවාසීනි. එනු! එනු!! එතුමීට නමස්කාර කිරීමට එනු! අපේ හදවත් තුළින් සියලු බිය ඉවත් කරන මාතාවන් පිදීමට එනු! මාතාවන්ගේ ගේ දරුවනි එනු!

(නගර වාසීහු පැමිණෙති.)





60

බිලි පූජා

පළමුවන පුරවැස්සා

එනු, එනු; අපි කැඳවන ලද්දමෝ ය.

සියල්ලෝම

මාතාවට ජය වේවා!

(ඔව්හු ගීත ගයමින් නටති)

බිහිසුණු මාතා රණබිම වතැ’ර නටන්නේ ගිනිසිළු පරයා ඇගෙදිව එල්ල වැටෙන්නේ

ඉරතරු පිහිරා කෙහෙරැළි අඹරේ විසිරේ වැසිකළු කළු පෑ සිරුරෙති රතු ලේ බේරේ

ඈ පා තැබූ තැන මිහිකත නද දී පිපිරේ ඒ හා සමගම මුළුලොව බියෙනී වෙවිලේ

ජායිසිං

බිසවුන්‍ වහන්සේ ගේ සේවකයන් විසින් බිලි පූජාව පිණිස දක්කා ගෙනෙනු ලබන සතුන් කෝවිල කරා ළඟාවනු ඔබට පෙනේ ද?

ඔව්හු කෑ ගසති.

මාතාවන්ට ජයවේවා! අපේ බිසවුන් වහන්සේට ජයවේවා!

රඝුපති

පූජාව සඳහා ඉක්මනින් සූදානම් වෙනු, ජායිසිං.

ජායිසිං

සියල්ල සූදානම්, පියාණනි.





61

බිලි පූජා

රඝුපති

මාගේ නාමයෙන් නක්ෂත්ර, කුමාරයා කැඳවා ඒමට දූතයෙක් පිටත්කර හරිනු.

ජායිසිං යයි. පුරවැස්සෝ ගි කියමින් නටති.

ගෝවින්ද

රඝුපති නිශ්ශබ්ද වෙනු! තොප මගේ ආඥාවන්ට අකීකරු වන්ට තරම් එඩිතර වන්නේද?

රඝුපති

එසේය. මම අකීකරු වෙමි.

ගෝවින්ද

එසේනම් තොප මගේ රටේ විසිය යුතු නො වේ.

රඝුපති

නෑ. රජු ගේ කිරීටය පොළව ස්පර්ශ කරන තැනයි මගේ රට. නෑ! පුරවැසියනි! මාතාවන් සඳහා වූ පූජා වස්තුන් මෙහි ගෙනෙන්ට ඉඩ හරිනු.

ඔව්හු බෙර ගසති.

ගෝවින්ද

නිශ්ශබ්ද වෙනු. (සිය සේවකයන්ට) මගේ සෙනෙවිට එන්ට කියනු! රඝුපති, දෙවියන් ගේ අයිතිවාසිකම ආරක්ෂාග කිරීම සඳහා සොල්දාදුවන් කැඳවීමට තොප මා පොළඹවන්නෙහි ය. එහි ලජ්ජාව මට දැනේ; මිනිසා ගේ දුර්වලකම් හෙළි කෙරෙන්නේ යුද්ධායුධවල බලය විසිනි.






62

බිලි පූජා

රඝුපති

අශ්රතද්ධාවන්තයා, බ්රානහ්මණයන් සිය පරිශුද්ධ උදහසේ පෞරාණික අග්නියට අහිමි වූ බව ඔබට එතරම් නිශ්චිත ද? නෑ, එහි ගිනි සිළු, ඔබේ සිංහාසනය දවා භෂ්ම කරනු සඳහා මගේ හදවතින් බු‍රා නගිනවා ඇති. එසේ නොවිණ නම් වේද පුස්තක සහ මගේ බ්රාහහ්මණ ගර්වයත්, දෙවත්වනයේ නාමයෙන් අපේ දේව මන්දිේරයේ පිරවී ඇති සියලු දරුණු බොරුත් මම ගිනි බත් කරන්නෙමි.

නයන් රායි සෙනෙවි සහ යුද්ධහමුදාවේ අණදෙන උප නිලධාරී චාන්ද්පාල් ද ඇතුළු වෙති.

ගෝවින්ද

කෝවිලේ බිලි පූජා වළක්වනු සඳහා තොප ගේ සියලු සෙබළුන් පිරිවරා මෙහි රැකවල් ගනු!

නයන්රායි

මට අවසර දේවයන්වහන්ස, දෙවියන් ගේ කොවිලේ රජතුමා ගේ සේවකයාට බලයක් නැත.

ගෝවින්ද

මගේ ආඥාව ගැන ප්රතශ්න කිරීමට බලයක් තොපට නැත. තොපට නැත. තොප සතු මගේ අණ පිළිපැදීමයි. ඒ වා යේ හොඳ නරක මට.

නයන්රායි.

මගේ රජතුමානි, මා ඔබගේ සේවකයා බව සැබවි. එහෙත් ඒ හැමට ම වඩා මම මිනිසෙක් මි. මම හොඳ හඳුනමි. මට ආගමක් තිබේ. මගේ රජතුමා මෙන් ම මගේ දෙවියන්ද මට අයිතියි.

ගෝවින්ද

එසේනම් තොපගේ කඩුව වාන්ද්පාල්ට දෙනු කෝවිල ලෙයින් අපවිත්රක වීමට නොදී ඔහු එය රැක ගන්නාව ඇති.




63

බිලි පූජා

නයන්රායි

ඇයි වාන්ද්පාල්ට? මේ කඩුපත ඔබ වහන්සේ ගේ රාජ පරම්පරාවෙන් මගේ මුතුන් මිත්තන්ට භාර කරන ලද්දක්. ඔබට එය වුවමණා නම්, මම එය භාරදෙන්නෙමි. වීරයන්ගේ පාරාදීසයේ වෙසෙන මගේ මුතුන් මිත්තෝ සාක්ෂිග දරත්වා! රාජ භක්තියෙන් හා වීරත්වවයෙන් හෙබවූ කඩුපත මම මගේ රජතුමාට භාර කරමි.

පිටවී යෙයි.

රඝුපති

බ්රාතහ්මණයාගේ ශාපය දැන්මම විපාක දෙන්නට වී තිබේ.

ජායිසිං ඇතුළු වෙයි.

ජායිසිං

සතුන් බිලී පූජාව සඳහා සූදානම් කොට අවසානයි

ගෝවින්ද

බිලි පූජාව?

ජායිසිං

රජතුමාණනි, මගේ බැගෑපත් යාඥාවන්ට සවන් දෙනු මැනව. මාතාවන්ගේ මඟ අවහිර නො කරනු මැනව.

රඝුපති

නින්දයි රායිසිං. නැගිට මගෙන් සමාව ලබාගනු තොපේ ස්වාමියා මා. තොපට හිමි ස්ථානය මගේ පාමුල මිස රජුගේ පා මුල නො වේ. අඥාණයා! කාලිමාතාවන් ගේ සේවය සඳහා තොප රජු ගේ අනුමතිය ඉල්ලා සිටින්නෙ හි ද? වන්දනාව සහ බිලිපූජාව එහි තිබුණා වේ. අවසාන යෙහි ඔහු ගේ‍ උඩගුව රැ‍ඳෙන්නේ කෙසේ දැයි අපි නතර වී බලා සිටිමු. ඉවත්ව එනු!

ඔව්හු යෙති. අපර්ණා ඇතුළු වෙයි.



64

බිලි පූජා

අපර්ණා

ජායිසිං කොහිද? ඔහු මෙහි නෑ, එහෙත්, කිසිවකට හෝ කිසිවෙකුට නො සෙල්විය හැකි ඔබ පමණක් මෙහි! වචනයක් කථා නොකර, ඔබ අප සතු ඉතා අගනා හැම දෙයක්ම අපෙන් පැහැර ගන්නෙහි ය. ප්රේ,මයට ‍බොහෝ ආශාකරන අපි එය ලබා ගත නො හැකිව යදින්ව මැරෙන්නෙමු. ඔබට නුවුවමනා වුවත්, නො ඉල්වා ම ඔබට එය ලැබෙයි. හිමිකර ගැන්මට මෙතරම් ආශාකරන ලෝකයට එය නොලැබෙන පරිද්දෙන්, සොහොනක් මෙන් ඔබ එය තමා ගේ මසුරු ගලයට රැස්කර තබාගන්නෙහි ය. ජායිසිං ඔබට එතුමිගෙන් කවර සතුටක් අත් වේද? ඔබට තමන් පවසන්නට එතුමිට පුළුවන් ද?

රඝුපති ඇතුළු වෙයි.

රඝුපති

තී කවරෙක් ද?

අපර්ණා

මම හිඟන කෙල්ලක්මි. ජායිසිං කොහිද?

රඝුපති

වහාම මෙතැනින් පිටවී යනු! ජායිසිං ගේ හදවත කාලිමාතාවන් කෙරෙන් පැහැරගැන්ම සඳහා තොප මේ දෙවොලේ ගැවසෙන බව මම දනිමි.

අපර්ණා

මා ගැන බියවීමට කාලිමාතාවන්ට යම්කිසි කාරණයක් තිබේද? එතුමී ගැන බියෙන් පසු වන්නේ මායි.

ඈ පිටවී යෙයි.

ජායිසිං සහ න ක්ෂ.ත්ර. කුමාරයා ඇතුළු වෙති.





65

බිලි පූජා

නක්ෂත්රජ

ඔබ මා කැදෙව්වේ?

රඝුපති

සතියක් ඇතුළත ඔබ රජවිය යුතු බව ඊයේ රාත්රීම සිහිනයෙන් කාලිමාතාව මට කීවා.

නක්ෂත්රා

හා, හා, එය සන්තකින්ම මා නො දත් ආරංචියක්.

රඝුපති

ඔව්, ඔබ රජවන්නෙහි ය.

නක්ෂත්රා

මට එය විශ්වාස කළ නො හැකියි.

රඝුපති

ඔබට මගේ වචන සැකයි?

නක්ෂත්ර

ඒවා සැක කිරීමට මට වුවමනා නෑ. නමුත් යම් විදියකින් එය කවදාවත් නො සිදු වේ නම්?

රඝුපති

නෑ. එය සැබෑ විය යුතුයි.

නක්ෂත්ර

එහෙත් එය කවදා හෝ සැබෑ වන්නේ කෙසේ දැයි මට කිව මැනව.

රඝුපති

කාලිමාතා රජ ලේ පවසින් පසුවෙති.

66

බිලි පූජා

නක්ෂත්රජ

රජු ගේ ලේ?

රඝුපති

ඔබ රජවන්නට නම් ඊට පෙර ඔබ එතුමිට එය පිරිනැමිය යුතුයි.

නක්ෂත්ර්

එය කොහින් ලබා ගන්න දැයි මම නො දනිමි.

රඝුපති

අර ඉන්නේ ගෝවින්ද රජු- ජායිසිං නො සැලී සිටුව! ඔබට තේරෙන්නේ ද? ඔහු රහසේ මරා දමනු! ඔහු ගේ රුධිරය එහි උණසුම යා නොදී පූජාසනය කරා ගෙන එනු! ජායිසිං, තොපට නොසැලී සිටිය නොහැකි නම් මෙතැනින් පිටවී යනු!

නක්ෂත්රැ

එහෙත් ඔහු මගේ සොහොයුරා මම ඔහුට ප්රේිම කරමි.

රඝුපති

ඔබ‍ ගේ බිලිපූජාව ඒ හැමට ම වඩා අගනා දෙයක් වෙනවා ඇති.

නක්ෂත්රහ

එහෙත් පියාණනි, දැන් සිටින තත්ත්ව යෙන් මම තෘප්ත වෙමි. රාජ්යආය මට වුවමනා නෑ.

රඝුපති

කාලිමාතාව අණකරන්නක් බැවින් තොපට ගැලවෙනු නොහැකියි. රජ මැදුරින් රුධිරය ලබාගැන්මට එතුමී පිපාසයෙන් පෙළෙයි. ඔබේ සො‍හොයුරා ජීවත් විය යුතු නම් තොප මිය යායුතුයි.




67 බිලි පූජා

නක්ෂත්රජ

පියාණනි, මට අනුකම්පා කරනු මැනව.

රඝුපති

එතුමී ගේ ආඥාව ඉටුකරනතුරු, ඔබ ජීවත් වුව ත්, මියගියත් කිසිකලෙක නිදහස් නොවෙනවා ඇති.

නක්ෂත්රක

එසේ නම්, එය කරන්නේ කෙසේ දැයි මට කියනු මැනව.

රඝුපති

නිශ්ශබ්ද ව සිටිනු. කුමක් කළ යුතු දැයි අවස්ථාව පැමිණි විට මම ඔබට කියන්නෙමි. දැන් යනු!

නක්ෂත්රම යයි.

ජායිසිං

කුමක් ද ඒ මට ඇසුනේ? දයාබර මාතාවනි, ඒ ඔබගේ ආඥාව ද? සහෝදයා මැරීමට සහෝදර‍යාට දෙන අණක්! ස්වාමිනි, එය මාතාවන් ගේ ම කැමැත්ත යයි ඔබ කියන්නේ කසේද?

රඝුපති

මගේ කාලිමාතාවන්ට සේවය කිරීමට මේ හැර වෙන මඟක් නෑ.

ජායිසිං

මඟක්? ඇයි මඟක්? තම අතේ ලෙලවීමට, මාතාවනි, ඔබට ඔබගේම කඩුපතක් නැද්ද? සොරකම් කිරීමට සැඟවී බලා සිටින සෙරක මෙන් ඔබේ අපේක්ෂා ව, පොළවේ බිලයකට ගැන්වී තිබිය යුතුද? ඕ පාපය!




68

බිලි පූජා

රඝුපති

පාපය ගැන තොප කුමක් දන්නෙහි ද?

ජායිසිං

මා ඔබෙන් උගත් දේ

රඝුපති

එසේ නම් මෙහි පැමිණ නැවතත් තොප ගේ පාඩම මගෙන් ඉගෙන ගනු! පාපයෙහි යථාර්ථයෙන් කිසි තේරුමක් නැත. මැරීම නිකම් මැරීමම විනා පවක් හෝ අන් කිසිවක් නො වේ. මේ පො‍ළවේ ධුලි සෑදී තිබෙන්නේ අප්ර මාණ මැරීම්වලින් බව තොප නො දන්නෙහිද? මහළු කාලය ප්රා ණීන් ගේ අනියත ජීවිතයේ පුරාවෘතය සදාකල්හි ලේවලින් ලියන්නේය. මැරීම, මනුෂ්යණ වාසයෙන් තොර වනාන්තරයේත්, මිනිස් පියසෙහිත්, කුරුලු කැදලි තුළත්, කුහුඹි බිලයන්හිත්, මුහුදේ හා අහසේත් වෙයි. ජීවිතය වෙනුවෙනුත්, ක්රී්ඩා සදහාත්, කිසිම කාරණයක් නැතුවත් මිනී මරනු ලැබේ. ලෝකය අතොරක් නැතුව මිනී මැරීමෙහි යෙදී සිටියි. සදාකල්හි වෙනස් වන කාලයේ ජීවය වූ මහා කාලිමාතාව මිරිකූ මිදිවල්ලක් යුෂමෙන් ලෝකයේ රක්ත ජීව රුධිරය වැස්සෙන තම බඳුන අතින් ගෙන, එල්ලා වැටෙන පිපාසිත දිව ඇතිවැ බලාසිටි.

ජායිසිං

නවතිනු ස්වාමිනි, එසේ නම්, ප්රේඑමය ව්යා්ජයක්? දයාව විගඩමක්? කාලයාගේ ආරම්භයේ සිට සත්ය වූ එකම දෙය විනාශයට යොමු වූ අධික තෘෂ්ණාවයි? එය දීර්ඝ කාලයකට පෙර එයින් ම විනාශ වූ වා විය නොහෝද? මගේ ස්වාමිනි, ඔබ මගේ හදවත සමග ක්රී්ඩා කරයි. අර බලන්න, සිය ඉමිහිරි දඟකාර සිනාවෙන් එතුමි මා දෙස බලාසිටී. රුධිර පිපාසිත මගේ මාතාවනි, ඔබ තුමි මගේ රුධිරය භාර ගන්නීද? සදහටම ඔබ දරුවා ලෙස මේ පිහියෙන් පපුව







69

බිලි පූජා

මගේ මේ නහර වැල් දිගේ දුවන ජීව රුධිරය, ඔබට එතරම් රසවත් ද? මගේ මාතාවනි, මගේ රුධිර පිපාසා ඇති මාතාවනි - ස්වාමිනි. ඔබ මා කැ‍ඳෙව්වෙහි ද? මගේ මාතාවන් ගේ පා වසා ගලායන වේදනාවෙන් මගේ හදවතේ සීමා බිඳ දැමීමට ඔබට වුවමනා කළ බව මම දනිමි. නියම බිලිපූජාව මෙයයි. එහෙත් රජුගේ රුධිරය! අප ප්රේ මයට සා පිපාසා ඇති මාතාව, රුධිර පිපාසයෙන් පෙළෙන්නේ යයි ඔබ චෝදනා කරයි.

රඝුපති

එසේ නම් දෙවොලේ බිලිපූජාව නතර වූවා වේ.

ජායිසිං

ඔව්, එය නතර වූවා වේ. නෑ; නැ; ස්වාමිනි, කුමක් හරිද වැරිදි දැයි ඔබ දන්නෙහි ය. හදවතේ නීති දේවනීති නො වේ. ඇස්වලට ඒවායේම ආලෝකයෙන් දැකිය නො හැකියි. ආළෝකය පිටතින් පැමිණිය යුතුයි. කමාවනු මැනව! ස්වාමිනි, මගේ අඥාණකමට කමාවනු මැනව පියාණනි, කියනු මැනව! කාලිමාතාව රජු ගේ රුධිරය අපේක්ෂාා කරන බව සැබෑද?

රඝුපති

අ‍ඳෝමැයි, දරුව, තොප මා කෙරෙහි විශ්වාසය භංග කර ගත්තෙහි ද?

ජායිසිං

මගේ ලෝකය, ඔබ කෙරෙහි වූ මගේ විශ්වාසය පිට රැඳී තිබේ. කාලිමාතාවන්ට රජු ගේ රුධිරය ලැබිය යුතු නම් මට එය ගෙනෙන්නට ඉඩ දෙනු මැනව. සහෝදරයකුට ඔහු ගේ සහෝදරයා මැරීමට මම කිසිදිනක ඉඩ නො දෙන්නෙමි.








70

බිලි පූජා

රඝුපති

දෙවියන්ගේ අපේක්ෂාගවන් ක්රිගයා වේ යෙදෙවීමේ කිසි නපුරක් තිබිය හැකි නො වේ.

ජායිසිං

නෑ. එය හොඳ විය යුතුයි. මම එහි පිණත් රැස්කර ගත්තෙමි.

රඝුපති

එහෙත්, මගේ දරුවා, ළදරු අවදියේ සිට ම මම තොප ඇති දැඩි කළෙමි. තොප මගේ තුරුලෙහි වැඩුනෙහි ය. කොයි විධියකින් වත් තොප වියොව මට දැරිය නො හැකි යි.

ජායිසිං

මා කෙරෙහි වූ ඔබේ ප්රේිමය අපවිත්රි වීමට මම ඉඩ නො දෙන්නෙමි. නක්ෂෙත්ර කුමාරයා ඔහු ගේ පොරොන්දුවෙන් වෙන් කරනු මැනව.

රඝුපති

මම ඒ ගැන කල්පනාකොට, හෙට තීරණය කරන්නෙමි.

ජායිසිං

දිගින් දිගට කල්පනාකිරීම සහ අනුමාන කිරීමට වඩා කෙතරම් කෲර වූවද ක්රිගයාවන් හොඳයි මගේ ස්වාමිනී ඔබ නිවැරදීයි. ඔබ ගේ වචනවල සත්ය ය ගැබ් වී තිබේ. මැරීම පාපයක් නො වේ. සොහොයුරා මැරීම පාපයක් නොවේ. රජ මැරීම පාපයක් නො වේ. සොහොයුරනි, තොපි කොහි යන්නහුද? නිෂීපුර වෙළඳ පොළටද? එහි නැටීමට ස්ත්රීොහු සිටිති. මේ ලෝකය ප්රනසන්නයි! නැටුම් ගත් සුරූපී ගීතිකා හඬින් ගුවන්තලය උන්නාද කරවමින් සේනාව මා‍ර්ගයන් දිගේ ගමන් කරන්නේ කෙතරම් කෙළිදෙලෙන් ද? මම ඔවුන් පසු පස යන්නෙමි.






71

බිලි පූජා

රඝුපති ඇතුළු වෙයි.

රඝුපති

ජායිසිං!

ජායිසිං

මම ඔබ නොහඳුනමි. මම ජන සමුහයා අනුව ඔවුන් සමග යමි. ඇයි මට නතරවෙන්නට කියන්නේ? ඔබ‍ ‍ෙග් මග ඔබ ගමන් කරන්න.

රඝුපති

ජායිසිං!

ජායිසිං

මා ඉදිරියේ මාර්ගය සෘජුයි. පාත්රගයක් අතින් ගෙන මගේ පෙම්පතිය හැටියට හිඟන කෙල්ලක් කැටුව මම ගමන් කරන්නෙමි. ලෝකයේ මාර්ගවල ගමන් කිරීම දුෂ්කර යයි කියන්නේ කවරෙක් ද? කෙසේ හෝ අප කෙළවරට ළඟා වෙමු. ඔව්, නීති රීති කිසිවක් නො පවත් නා වැරදි සහ ජීවිතයේ රිදවීම් අමතක කරන ලද, විවේකය සහිත, සදා කාලික විවේකය සහිත, අන්තයට අපි ළඟ වෙමු. ධර්මව ග්රීන්ථසවල, ආචාර්යවරයා ගේ සහ එතුමාගේ උපදෙස්වල, ඇති ඵලය කුමක් ද? ස්වාමිනි, පියාණනි, මේ කවර විකාර කතාද? මම සිහිනයක වාසය කෙළෙමි. ක්රෲමර වූ ත්, සත්ය ය මෙන් නො සෙල්විය හැකි වූත්, දෙවොල අර පෙනෙන්නේ. ඔබ ගේ ආඥාව කුමක් විද? මා ආචාර්ය තුමනි, මට එය අමතක වූයේ නොවේ. (පිහිය එළියට ගනිමින්) මම ඔබගේ වචන මගේ සිත්හි මුවහත් කරමි. මේ පිහිය තරම් තියුණුවන තෙක් මම ඒවා මුවහත් කරමි. මට තවත් ආඥාවක් තිබේද?








72

බිලි පූජා

රඝුපති

මගේ දරුව, මගේ ප්රේවමය. තොප කෙරෙහි වූ මගේ ආදරය කෙතරම් ගැඹුරු දැයි මා කෙසේ කියන්ට ද?

ජායිසිං

එපා ස්වාමිනි, ආදරය ගැන මට කියන්නට එපා. මා විසින් නිමවිය යුතු මෙහෙය ගැන පමණක් සිතන්නට මට ඉඩ දෙනු මැනව. නිල් තණ, රුක් හා ජීවිතයේ සංගීතය මෙන් ආලයත් ලෝකයේ මතුපිට පමණක් රැ‍ඳෙන්නෙක්. එය සිහිනයක් මෙන් මතුව නැතිවී යන්නේ ය. එහෙත් එහි යට, තැන තැන ගොඩනගන ලද ගල්වැටියක් මෙන්, කිසිවකින් නොසෙල්විය හැකි මහ බරක් මෙන්, මෙහෙය රඳා තිබෙයි.

ඔව්හු යති

ගෝවින්ද සද චාන්දපාල් ඇතුළු වෙති.

චන්දපාල්

දේවයන් වහන්ස , පරිස්සම් වන ලෙස මම ඔබට අවවාද කරමි.

ගෝවින්ද

ඇයි? තොප කුමක් අදහස් කරන්නෙහිද?

චාන්ද්පාල්

ඔබ වහන්සේ ගේ දිවි තොරකිරීමේ කුමන්ත්ර්ණයක් මම ඇසීමි.

ගෝවින්ද

මගේ ජීවිතය වුවමනා කරන්නේ කාටද?






73

බිලි පූජා

චාන්ද්පාල්

ඒ ආරංචිය ආයුධයකට වඩා ඔබට රිදවන්නක් විය හැකි බැවින් එය හෙළි කිරීමට මම බියෙමි. නක්ෂත්රහ කුමාරයාටයි ඒ-

ගෝවින්ද

නක්ෂත්රර

චාන්ද්පාල්

ඔබ වහන්සේ ගේ රුධිරය කාලිමාතාවන් කරා ගෙන එන බවට ඔහු විසින් රඝුපතිට පොරොන්දු වී තිබේ.

ගෝවින්ද

කාලි මාතාවට? එසේ නම්, ඔහුට දොස් පවරන්නට මට පුළුවන් කමක් නෑ. දෙවියන් සම්බන්ධ කල්හි මිනිසෙකු ගේ මනුෂ්යුත්ව්ය ඔහුට අහිමි වෙයි. මට මෙහි ඉන්ට හැර තොප තොප ගේ වැඩට යනු.

චාන්ද්පාල් සිටවී යෙයි.

(පිළිරුව අමතමින්) කාලි මාතාවනි. මේ මල් භාරගෙන ඔබේ ප්රානණින්ට සාමදානෙන් ඉන්ට ඉඩහරිනු මැනවි. මාතාවනි, මේ ලෝකයේ දුර්වලයන්ට එතරම් ආධාරයක් නැත. ශක්ති සම්පන්න අය එතරම් ක්රෑුරයි. තෘෂ්ණාව අනුකම්පාවෙන් තොරවෙයි. අඥානකම් අන්ධමයි. කුඩා අය තම පයට මිරිකෙන කල්හි උඩගුකම ඒ ගැන කිසි සැලකිල්ලක් නොදක්වයි. මාතාවනි. ඔබේ කඩුව ඔසවමින රුධිර පිපාසයෙන් තොලකට ලෙවකන්ට එපා. සොහොයුරෙකුට විරුධව සොහොයුරෙක්, පුරුෂයෙකුට විරුඬව භාර්යාවක් යොදවන්නට එපා. මා ප්රේසම කරන තැනැත්තී ලවා මට පහර දෙවීම ඔබගේ ආශාවනම්. ඔබගේ ඒ අදහස මුදුන් පත් වූ වාවේ. පාපය පිපිරී භයානක මරණයකට ගොදුරුවීමට පෙර, එහි පිළිකුල්






74

බිලි පූජා

කටයුතු සීමා දක්වා බේරි යා යුතුයි. සොහොයුරෙකු විසින් රජුගේ ලේ සොල්වනු ලැබූ විට, රුධිර තෘෂ්ණාව එහි ව්යාරජවේශය කාලි මාතාවක් හැටියට රඳවා තමා යක්ෂය මුහුණ පෙන්වනවා ඇති. ඔබේ බලාපොරොත්තුව එසේනම් මම එයට මගේ හිස නමමි.

ජායිසිං දුව එයි

ජායිසිං

මට කියනු මැනව, කාලිමාතාවනි, ඔබට සැබවින්ම රජු ගේ රුධිරය වුවමානාද? එය ඔබගේ ම කට හඬින් ඉල්වනු මැනව. ඔබට එය ලැබෙනවා ඇති.

-හඬක්-

රජුගේ රුධිරය මට ඕනෑ.

ජායිසිං

රජතුමනි, ඔබගේ අන්තිම යාඥාව පවත්වන්න. ඔබේ කාලය පැමිණ තිබේ.

ගෝවින්ද

තොප එසේ කියන්ට කාරණය කුමක්ද?

ජායිසිං

කාලි මාතාව වදාළ දේ ඔබට නො ඇසුනේ ද?

ගෝවින්ද

ඒ කාලි මාතාව නොවෙයි. මට ඇසුණේ රඝුපති ගේ සුපුරුදු කටහඬයි.

ජායිසිං

රඝුපති ගේ කටහඬ? නෑ, නෑ! අඩමානයෙන් අඩමානයට මා එලවා නොදවනු මැනව ඒ හඬ කාලි මාතාව ගේ හෝ මගේ ස්වාමියා ගේ හෝ වේවා එහි අමුත්තක් නැත.



75

බිලි පූජා

ඔහු තම පිහිය කොපුවෙන් ඇද එළියට ගෙන ඉවතට විසි කරයි.


මාතාවනි, ඔබගේ දරුවන් ගේ හඬට ඇහැම්කන් දෙන්න. ඔබට කරන පුද පූජා සඳහා මල් පමණක් - ඔව් ලක්ෂදණ මල් පමණක් තිබුණා වේ. මීට පසු රුධිර පුජා නෑ. මේ වදමල් පොකුරුවල, ලේ මෙන් රතු පාටත් තිබේ. තම දරුවන් මරා දමනු දැක වේදනා වූ සිත් ඇති මහීකාන්තාව ගේ හදවත පැලී ඒවා මතු වී තිබේ. මෙය භාර ගන්න! ඔබ මෙය භාර ගත යුතුයි. ඔබ ගේ උදහසට මම අවනත නොවෙමි. රුධිරය ඔබට කිසිකලෙක නොලැබෙන්නේය. ඔබ ගේ ඇස් රතු කර ගනු. කඩුව ඔසවනු. ඔබ ගේ විනාශය- ‍කෝපය මවා ගනු. මම ඔබට බිය නොවෙමි. රජතුමනි, මේ දෙවොල එහි භාරකාරියට අතහැර ඔබගේ මිනිසුන් කරා යනු මැනව.

(ගෝවින්ද යෙයි)

අහෝ, අහෝ, මොහොතකින් මා සතු හැමදේම - මගේ ස්වාමියා, මගේ කාලි මාතාව - මම අතහැර දැමුවෙමි.

රඝුපති පැමිණෙයි

රඝුපති

මම සියල්ල ඇසීම්. ද්රෝාහියා, තා ත‍ගේ ස්වාමියාට ද්රෝාහි වූයෙහි ය.

ජායිසිං

මට දඬුවම් කරනු මැනව, පියාණනි.

රඝුපති

‍තොපට දිය හැක්කේ කවර දඬුවමක්ද?

ජායිසිං

මට මගේ ජීවිතයෙන් දඬුවම් කරනු මැනව.





76

බිලි පූජා

නෑ. එය තේරුමක් ඇති දෙයක් නොවෙයි.

කාලි මාතාවන් ගේ දෙපා වැළඳ දිවුරනු.

ජායිසිං

මම එතුමී ගේ පාද ස්පර්ශ කෙළෙමි.

රඝුපති

කියනු! මද්ධ්යළම රාත්රි.යට පෙර මම රජු‍ ගේ රුධිරය කාලි මාතාවන්ගේ පූජාසනය වෙත ගෙන එන්නෙමි. එසේ කියනු. (ඔව්හු පිටවී යෙති.)

ගුණවතී ඇතුළු වෙයි.

ගුණවතී

මම අසමර්ථ වීමි. මා දැඩි ගතියක් පා දින කීපයක් සිටි විට, ඔහු යටත් වේයයි මම බලාපොරොත්තු වීමි. මගේ බලය කෙරෙහි එබඳු විශ්වාසයක් මා තුළ විය. මා උඩඟු ස්ත්රිිය! මම මගේ මුරන්ඩු කෝපය පෙන්වීමි. ඔහු කෙරෙන් ඉවත් ව සිටියෙමි. එහෙත් එයින් පලක් නො වී ය. ස්ත්රීනයකගේ කෝපය දියමන්තිය බඳුයි. එය දිලිසෙනවා පමණක්මුත් පිළිස්සිය නොහැකියි. එය, රජ ගෙය මත පිපිරෙමින්, ඔහු නින්දෙන් බිය වද්දමින්, ඔහු ‍ෙග් උඩඟුකම සිඳ බිඳ දමන අකුණු සැරයක් වැනී වේ යයි මම සීතීමි.

දුරුවා නමැති දරුවා ඇතුළු වෙය.

ගුණවතී

තොප කොහි යන්නෙහි ද?

දුරුවා

රජතුමා මා කැඳෙව්වෙහිය.

පිටවී යෙයි.




77

බිලි පූජා

ගුණවතී

අර යන්නේ රජු ගේ ප්රේ මවන්තයා! මගේ නූපන් ළමයින්ගෙන් ඔවුන් ගේ පියා ගේ ආදරය පැහැර ගත්තේ ඔහුයි. රජු ගේ ළමැඳ වැළඳගැනීමේ අයිතිය මගේ නූපන් දරුවන්ගෙන් පැහැර ගත්තේ ඔහු. මාතාවනි. ඔබගේ මැවීම අපරිමිතයි. එය පුදුමවලින් පිරී තිබේ. හුදු හිතුමනාපයෙන් මගේ දෙ අත්වලට දරුවෙක් එවන මැනව. මගේ උකුල වසා ගැන්මට පණැති සිහින් කුඩා උණුසුම් මස් වැදැල්ලක් පමණක් එවනු මැනව. ඔබ බලාපොරොත්තු වන ඕනෑ දෙයක් මම ඔබට පූජා කරන්නෙමි.

නක්ෂත්රද ඇතුළු වෙයි.

නක්ෂතත්රර කුමාරයාණනි, ඇයි ඔබ පෙරළා ආවේ? මම, දුර්වල, ආයුධ නැති නිකම් ස්ත්රීෂයක්මි. එතරම් බියයි?

නක්ෂත්ර්

බෑ. මා නො කැඳවනු.

ගුණවතී

ඇයි? එහි කවර වරදක් තිබේද?

නක්ෂත්ර්

මට රජ වීමට වුවමනා නෑ.

ගුණවතී

එහෙනම්, ඇයි ඔබ ඔතරම් තැති ගත් ස්වභාවයකින්?

නක්ෂත්රී

රජුට දීර්ඝායු වේවා. මා දැන් සිටින තත්වියෙන් ම ඔව්, කුමාරයෙක් ලෙසට මිය ගියා වේ.





78

බිලි පූජා

ගුණවතී

ඔබට හැකිතාක් ඉක්මණින් මිය යනු! එයට පටහැනිව කිසි දිනෙක මා විසින් කිසිවක් කියා තිබේ ද?

නක්ෂත්රක

එසේ නම්, මගෙන් ඔබට වුවමනා කුමක්දැයි මට කියන්න.

ගුණවතී

ඔටුන්න සොරකම් කරන සොරා ඔබ ගැන බලාපොරොත්තුවෙන් සිටී. ඔහු ඉවත් කරනු. ඔබට තේරුණාද?

නක්ෂත්ර්

ඔව්, සොරා කවරෙක් ද?

ගුණවතී

අර දුරුවා දවසක ඔටුන්න ළගාවනතුරු ඔහු රජුගේ උකුලේ වැඩෙන සැටි ඔබට නො පෙනෙන්නේද?

නක්ෂත්රට

ඔව්, මම ත් ඒ ගැන නිතර කල්පනා කෙළෙමි. මගේ සොහොයුරා තමාගේ ඔටුන්න් ඒ ළමයාගේ හිසේ සෙල්ලමට පළඳිනවා ම‍ා දැක තිබේ.

ගුණවතී

ඔටුන්න සමඟ ක්රී ඩා කිරීම භයානකයි. ඔබ ඒ ක්රීේඩකයා ඉවත් නො කළහොත්, ඔහු ඔබ ද සෙල්ලමක් කර ගන්නවා ඇති.

නක්ෂත්රස

ඔව්, මාත් එයට කැමති නෑ.





79 බිලි පූජා

ගුණවතී

ඔහු කාලිමාතාවට පූජා කරන්න. මාතාව රුධිර පිපාසයෙන් පසුවන බව ඔබ අසා නැද්ද?

නක්ෂත්රන

ඒ වුනත් සොහොයුරිය, මෙය මා සතු කටයුත්තක් නො වේ.

ගුණවතී

මාතාව නො සැනසී සිටින තාක් ඔබ පරිස්සම් වේයයි ඔබට කල්පනා කළ හැකිද? රුධිරය එතුමිට ලැබිය යුතුයි. නැතිනම් ඔබගේ රුධිරය ආරක්ෂාෙ කරගනු.

නක්ෂත්රන

එතුමීට වුවමනා රජු ගේ රුධිරයයි.

ගුණවතී

ඔබට එය කීවේ කවරෙක් ද?

නක්ෂත්රක

කාලි මාතාව විසින් තමා ගේ සිහින එවනු ලබන්නේ කවරකු වෙත ද ඔහුගෙන් ම මම එය දැන ගතිමි.

ගුණවතී

එසේනම් ඒ ළමයා රජු වෙනුවෙන් මිය යා යුතුයි. ඔබගේ සොහොයුරාට ඒ ළමයා ගේ රුධිරය, තමාගේ ම රුධිරයට වඩා අගනේ වෙයි. රජු ආරක්ෂාඒ කළ හැක්කේ, ඔහුගේ ජීවිතයට වඩා අඟනා මිලක් ගෙවීමෙන් පමණකි.

නක්ෂත්ර්

මට තේරෙයි.




80

බිලි පූජා


ගුණවතී

එසේ නම් කාලය අපතේ නො හරිනු. ඔහු පසු පස එළවා යනු. ඔහු වැඩිදුර ගියේ නෑ. එහෙත් මතක තබා ගනු. ඔහු කාලිමාතාවන් ට ඔප්පු කළ යුත්තේ ම‍ා‍ෙග් නාමයෙනි.

නක්ෂත්රම

හොඳයි, මම එසේ කරන්නෙමි.

ගුණවතී

බිසව ගේ පුද පුජා මාතාවන් ගේ ද්වාරයෙන් පෙරළා යවන ලද්දේය. මට කමාවන ලෙස එතුමීට යාඥාකරනු.

ඔව්හු පිටවී යෙති.

ජායිසිං ඇතුළු වෙයි.

ජායිසිං

කාලිමාතාවනි, ඔබ ගේ සුන්බුන් අතර තවත් කිසියම් සුළු දෙයක්වත් ශේෂවී තිබේ ද? ඉතා දුර සැන්දෑ තාරකාවල ඔබේ ආ‍ලෝකයේ ගිනි පුළිඟක් හෝ වේ නම්, ඔබේ හඬ කෙතරම් බෙලහීන වූවත් මගේ හඬට පිළිතුරු දෙනු මැනව. “දරුවා මම මෙහි සිටිමි.” යි මට කියනු මැනව. නෑ එතුමී කොහිවත් නෑ. එතුමී ශුණ්යමයි. ජායිසිංට අනුකම්පා කරනු. මිථ්යාොව, ඔහු වෙනුවෙන් සත්යැ ගරුක වෙනු. ඔබ වන්දි ගෙවාවත් මුදාගත නො හැකි තරමට ව්යාඅජද? ඔබ‍ගේ ශුණ්යව භාවය තුළට අල්පමාත්රව ජීවන හුස්මක් පවා ඇතුළු කිරීමට ඔබ කෙරෙහි වූ මගේ ආදරය අපොහොසත් ද? අඥාණයා, ඔබගේ දිවි බඳුන එහි රැඳුණු අන්තිම බිඳුව දක්වා හිස්වී යනසේ මුනින් හැරවූයේ කා සඳහාද? මේ සත්යියෙන් තොර, අනුකම්පා විරහිත, මාතෘභාවයක් නැති, පිළිතුරක් නො දෙන ශුණ්යඳත්වරය සඳහා ද තොප එය මුනින් හැරවූයේ;

අපර්ණා ඇතුළු වෙයි.





81

බිලි පූජා


අපර්ණා ඔවුහු තොප දෙවොලෙන් පිටතට එලවා දමති ඒත් තොප නැවත නැවතත් ආපසු එන්නෙහිය. තොප අව්යා ජයි. සත්යැය රටින් පිටුවහල් කළ නොහැකියි. සියලු භක්තිප්රපමාණයන් සහිතව ව්යාතජත්විය අපි අප ගේ දෙවො‍ලේ නිදන් කරමු. එතුමී කිසි කලෙක එහි නැත. අපර්ණා මා අත් නොහරිනු. මෙහි මා ළඟින් හිඳගනු. මගේ ප්රේයමිය තොප ඔතරම් දුක්වන්නේ ඇයි? තොප කිසියම් දෙවියෙකුගෙන් දුරුවීද? දෙවියන් මින් මතු නෑ? මේ අපේ කුඩා ලෝකයේ දෙවියන්ගෙන් වුවමනාවක් වේද? අපි අභීත ලෙස දෙවියන්ගෙන් දුරුව එකිනෙක්කෙනාට තව තවත් ළං ළං වෙමු. ඔවුන්ට අපේ ලේ වුවමනා කරයි. ඒ සඳහා තමන් ගේ ඉසුරුමත් දෙව්ලොව අතහැර ඔවුහු පොළොවේ ධූවිල්ලට බැස සිටිති. ඔවුන්ගේ සුරපුර පීඩා විඳිය හැකි ප්රාොණීන් නැති නිසා විය යුතුයි. නෑ මගේ කෙල්ල, කාලි මාතාවක් එහි නෑ.

අපර්ණා

එසේ නම්, මේ දෙවොල අතහැර මා සමඟ යාමට එනු.

ජායිසිං

මේ කෝවිල අත්හරින්ට? ඔව්, මම ඉවත් වන්නෙමි. අදෝමැයි! අපර්ණා, මා මින් බැහැර යා යුතුයි. එහෙත් මා ගෙවිය යුතු මගේ ණය ගෙවා නිමවන තුරු මට මෙතැන අතහැර යා නොහැකියි. එය තිබුණාවේ. මගේ ප්රේනමිය මට තවත් ළං වෙනු. මේ ජීවිතය මිහිරි බවින් උතුරා යනසේ මරණය එයින්ම ගලා බස්නා ප්ර වාහයක් කරමින්. යම් කිසිවක් මගේ කන්වලට තෙපලනු.

අපර්ණා

හෘදය පිරි පවත්නා කල්හි වචන ගලා නො එයි.








82

බිලි පූජා

ජායිසිං

එසේනම්, තොප හිස මගේ ළමැද හොවාගනු. ජීවිතය සහ මරණය යන නිත්ය්තා දෙකේ නිශ්ශබ්දතාවය එකිනෙක ස්පර්ශ කළා වේ. එහෙත් මෙය තවත් නෑ. මා යා යුතුයි.

අපර්ණා

ජායිසිං ක්රෑ ර වන්නට එපා. මා පීඩා විඳි තරම් ඔබට කල්පනා නොවන්නේද?

ජායිසිං

මා ක්රෑකර ද? මෙය මට ඔබ පවසන අවසන් වචනයද? මා කාලී මාතාව යයි අමතන අර ගල් කුට්ටිය මෙන් ක්රෑෙරද? අපර්ණා මගේ ප්රේාමිය, තොප කාලිමාතාව නම්, මගේ හදවත දවන මේ ගින්න කුමක්දැයි තොප දැන ගනීවි. එහෙත් තොප මගේ කාලි මාතාවයි. මා එය දන්නේ කෙසේ දැයි තොප දන්නෙහි ද?

අපර්ණා

මට කියනු මැනව.

ජායිසිං

මාතාවක් ඇගේ දරුවා කෙරෙහි ආත්මපූජා කරන්නා සේ තොප හැම මොහොතක ම මා වෙත ආත්ම පූජා කරන්නෙහි ය. දෙවියන් මුළුමනින් ම ස්වකීය ජීවිතය සියලු සත්වායන් කෙරෙහි යොමු කළ ආත්ම පූජාවක් විය යුතු යි.

අපර්ණා

ජායිසිං, එන්න, අපි මේ දෙවොලෙන් එක්ව පිටවී යමු.






83

බිලි පූජා

ජායිසිං

අපර්ණා මා රැක ගනු. මා කෙරෙහි ඇනුකම්පාකොට මා අතහැර යනු! මගේ ජීවිතයේ එක් පරමාර්ථයක් පමණක් මට තිබේ. එය සතු තැන පැහැර නො ගනු.

වහා පිටවෙයි.

අපර්ණා

නැවත නැවතත් මම පීඩා විඳින ලද්දෙමි. තවද මගේ ශක්තියත් නැතිවී ගියේ වෙයි. මගේ හදවත වේදනාවනේ දැවේ (ඈ පිටවෙයි)

රඝුපති සහ නක්ෂත්රඩ කුමාරයා ඇතුළු වෙති.

රඝුපති

කුමාරයාණනි, තොප අර ළමයා රැ‍ඳෙව්වේ කොහිද?

නක්ෂත්රණ

ඔහු පූජා භාජන සහිත කාමරයේ සිටී. ඔහු නින්දට වැටී සිටි. ඔහු නැවත අවදිවන විට ඔහු ගේ හඬ මට අසන්නට නුපුළුවන් වේ යයි මම සිතමි.

රඝුපති

මා වෙත එද්දී ජායිසිං ද සිටියේ ඔහු ගේ වයසේ. නිදාගන්නා තෙක් කාලි මාතාවන් ගේ දෙපා මුල වැටී ඔහු ඇඬූ සැටි - දෙවොලේ දුබල පහන් එළිය කඳුලින් තෙමුණු ඔහුගේ මුහුණට වැටී දිලිසුණු සැටි - මට මතකයි. එයත් මෙ වැනි කුණාටු සහිත සන්යාණට වක්.

නක්ෂත්ර

පියාණනි, පමා නොවන්න. ඔහු නිදා සිටියදී ඒ සියල්ල ඉවර කරවන්ට මම බලාපොරොත්තුවෙමි. ඔහු ගේ ඇඬීමෙන් මගේ හදවත. සැතකින් සිදුරු කරන්නාක් මෙන් ඉරිතැලෙයි.




84

බිලි පූජා


රඝුපති

ඔහු අවදිවේ නම්, මම ඔහුට නිදි ඖෂධයක් කවන්නෙමි.

නක්ෂත්රි

ඔබ යුහුසුළු නො වුවහොත් රජු එය වහා සොයා ගන්නවා ඇති. සධ්‍යා සමයේ මේ ළමයා කරා ඒම සඳහා රජු තමාගේ රාජ්යනයේ වගකීම් භාරය හැර දමයි.

රඝුපති

කාලි මාතාව කෙරෙහි වූ භක්තිය දැඩි කර ගනු. බිල්ල දැන් එතුමීගේ ග්රිහණයට ම අසු වී සිටී. ඉන් ඔහු කවදාවත් නො ගැළවෙනවා ඇති.

නක්ෂත්රත

එහෙත් චාන්ද්පාල් ඉතා සුපරීක්ෂාී කාරීය.

රඝුපති

අපේ මාතාව තරම් සුපරික්ෂාර කාරී නො වේ.

නක්ෂත්රා

ඡායාවක් පියමන් වෙන්නා මා දුටුවේ යයි මම සිතීමි.

රඝුපති

ඔබගේ නීතියේ ම ඡායාවයි ඒ

නක්ෂත්රත

හඬන ශබ්දයක් අපට නො ඇසෙන්නේ ද?

රඝුපති

ඔබේ ම හදවතේ හඬ. ඔබේ දොම්නස දුරහරින්න, කුමාරයාණනි, මේ මිදියුෂ වහා පූජාකොට අපි පානය කරමු. අභිප්රා ය සිත්හි රැඳෙනතාක්, එය භයානකලෙස වැඩෙයි. ක්රිනයාවේදී එය කුඩා වෙයි. වාෂ්පය අඳුරුයි.


85

බිලි පූජා

විසිරී යයි. එය දීප්තිමත් කුඩා දියබිඳු බවට පත්වන්නේ ය. කුමාරයාණනී, ඒ ඉතා සුළුයි. එයට ගත වන්නේ නිමේෂයයි. ඉටිපන්දම් දුමක් නාසයට උරාගන්නට ගතවන කාලයට වැඩි නොවේ. කුණාටු සහිත රාත්රිදයක විදුලි කෙටීමක් මෙන්, රජුගේ උඩගුකම තුළ රඟන පන්දුව සදාකාලයමට ගිල්වා ජීවිතයේ ආලෝකයද විදුලි සැරයක් සේ නැතිවී යනවා ඇති. කුමාරය, ඔබ ඔතරම් නිහඬ ඇයි?

නක්ෂත්රි

අප එතරම් ඉක්මන් නොවීය යුතු යයි මම සිතමි. හෙට රාත්රිමය තෙක් මේ වැඩය කල් තබමු.

රඝුපති

අද රාත්රිතයත්, හෙට රාත්රිාය මෙන් ම එයට යොග්යරයි. ඇතැම්විට අද වඩාත් හොදවිය හැකියි.

නක්ෂත්රො

පියවර හඬට ඇහුම්කන් දෙන්න

රඝුපති

මට නො ඇසේ.

නක්ෂත්රස

අර බලන්න - එළිය.

රඝුපති

රජු පැමිණෙයි. අප වුවමනාවාට වඩා ප්ර‍මාද වී යයි මට බිය සිතේ

සේවකයන් සහිතව රජු පැමිණෙයි

ගෝවින්ද

මොවුන් සිරභාරයට ගනු

(රඝුපතිට) තොපට කීමට කිසිවක් තිබේ ද?


86

බිලි පූජා


රඝුපති

කිසිවක් නැත.

ගෝවින්ද

තොපගේ අපරාධය තොප පිළිගන්නෙහි ද?

රඝුපති

අප‍රාධය? ඔව්. එයයි මා කළ අපරාධය; මගේ දුර්වල කමින් මාතාවන් වෙනුවෙන් කළ යුතු සේවය මම පමා කෙළෙමි. කාලිමාතාවන්ගෙන් දඬුවම් ලැබෙනවා ඇති. ඔබ නිකම් එතුමි ගේ ආයුධ යයි.

ගෝවින්ද

රඝුපති, රටින් පිටුවහල් කරනු ලබන තොප, තොපගේ ජීවිතකාලයෙන් අට අවුරුද්දක් ගෙවන ස්ථානය කරා මගේ සොල්දාදුවන් විසින් මගේ නීතිය අනුව ආරක්ෂාක සහිත ගෙන යනවා ඇති.

රඝුපති

රජ තුමනි, අමරණීය නොවු කිසිවකුට මම කිසි දිනෙක මගේ දනහිස් නො නැමුවෙමි. මම බ්රා හ්මණයෙක් මි ඔබේ කුලයෙන් ඔබ මට වඩා පහත්. එහෙත්, මට එක් දිනක් පමණක් කල්දෙන ලෙස මම ඔබගෙන් ඉතා බැගෑපත්ව ඉල්ලා සිටිමි.

ගෝවින්ද

මම එය ප්රඉදානය කරමි.

රඝුපති

(සෝපහාස ලෙස) ඔබ වහන්සේ සියලු රජුන්ගේ රජුයි. ඔබගේ රාජ තෙජස සහ අනුකම්පා ව යන දෙකම එකසේ නොමිනිය හැකියි. මම පසේ සැගවීගත් පණුවක් මි. ඔහු යයි.



87

බිලි පූජා

ගෝවින්ද

නක්ෂත්රජ, තොපගේ වරද පිළිගනු

නක්ෂත්රජ

මම වැරදිකාරයා වෙමි. ස්වාමිනි, මම ඔබවහන්සේගෙන් කමාවක් යදිමි.

ගෝවින්ද

කුමාරය, තොප ළා බාල සිතැත්තෙක් බව මම දනිමි. නපුරු උපදෙස් දීමෙන් තොප රැවටුවේ කවරෙක් දැයි මට කියනු.

නක්ෂත්රත

රජතුමාණනි, මම වෙන නම් සඳහන් නොකරන්නෙමි. මගේ වරද මගේ මයි. ඔබ වහන්සේ විසින් ඔබ ගේ මෝඩ සහෝදරයාට එක් වරකට වඩා කමාව දී තිබේ. යළිත් වරක් කමාව දෙන ලෙස ඔහු අයැද සිටී.

ගෝවින්ද

නක්ෂත්ර , මගේ දෙපා කෙරෙන් ඉවත් වෙනු. විනිශ්චයකරු චෝදිතයාට වඩා තමාගේනීති වලින් බඳනා ලද්දේ වෙයි.

සේවකයෝ

දෙවියන් වහන්ස, එතුමා ඔබවහන්සේ ගේ සොහොයුරා බව සිහිකොට කමාව දෙනු මැනව.

ගෝවින්ද

මා ‍රජෙක් බව සිහියේ තබාගැනීමට ඉඩ දෙනු නක්ෂත්රක රටින් බැහැරව ත්රිනපුරයේ සීමාවන්ගෙන් පිටත, ශුද්ධ නදී තීරයෙහි අපවිසින් සාදවනු ලද ගෘහයෙහි අට අවුරුද්දක් විසිය යුතුයි. (නක්ෂත්රදගේ දෙ අත් අල්වා




88


බිලි පූජා


ගනිමින්) සොහොයුර, දඬුවම ඔබගේ පමණක් නො වෙයි. ශාරීරික වශයෙන් ඒ දඬුවම විඳීමෙහි දී තොපට හවුල් විය හැකි බැවින් එය මාත් සතුයි. රජ මාලිගයෙහි තොපගෙන් ඇතිවන පුරප්පාඩුව, ඉදිකටු දාහකින් අනින කලක්මෙන්, මගේ හදවතට දිනපතා වේදනාකාර වෙනවා ඇති. තොප අපගෙන් ඉවත් ව වෙසෙන කල දෙවියෝ අපට වඩා තොප හා මිත්රා වෙත්වා!

ඔව්හු පිටව යෙති.

රඝුපති සහ ජාසිං ඇතුළු වෙති.

රඝුපති

මගේ උඬගුකම මඩෙහි එරෙයි. මම මගේ බ්රා හ්මණ කුලයට නින්දාෙ කළෙමි වෙමි. මම මින්මතු තොපගේ ස්වාමියා නොවෙමි; මගේ දරුවා තොපට අණ කිරීමේ බලය ඊයේ මා හිමිවිය. අද මට කළ හැක්කේ තොප ගේ උපකාරය ඉල්ලා සිටීම පමණකි. රජු ගේ බලය නොතකා හැරීමේ අයිතිය මට හිමිකළ ඒ ආළෝකය දැන් මා තුළ නිවී ගියේ වෙයි. මැටි පහන නැවත තෙලින් පුවා නැවත නැවතත් දැල්විය හැකි නමුත්, වරක් අන්ධපකාර වී ගිය තාරකාව සදහටම නැති වී ගියා වේ. ම‍ා, ඒ නැති වූ තාරකාවයි. ජීවිත කාලය පුහු විභූෂණයෙන් පිරීගිය නිකම් නො වටිනා දෙයකි. දෙවියන්ගේ පරිත්යාභගයන්ගේන් අතිශයින්ම නො වටිනා ඉතාම සුළු දෙයද එයයි. දතින් වැටී ජීවිතයේ ඒ දවස්වලින් එකක් බැගෑපත්ව ඉල්ලා සිටීමට මට සිදුවිය. ඒ එක දවස අපතේ යාමට ඉඩ නොදෙනු. එය ගෙවී යාමට පෙර, එහි අපකීර්තිමත් කළු ඇස් බැමි. රජුගේ රුධිරයෙන් රක්තවර්ණ, වන්නට දෙනු. මගේ දරුව, තොප කථා නොකරන්නේ මක් නිසා ද? තොප ගේ ස්වාමිය‍ා හැටියට මට හිමි තැන මා අතහැර දමතත්, තොගේ පියා හැටියට - ඔව්, අනාථයෙකුට පියවූ









89


බිලි පූජා

බැවින් තොපට පියෙකුටත් වඩා වැඩිවූ නිසා, තොපගේ කීකරුකම අපේක්ෂාතකිරීමේ අයිතිය මට අහිමිද? ආදරය ලබාගැනීම සඳහා යාඥාකළ යුතු ඒ මිනිසා සියලුම යාචකයන්ගෙන් අනාත කාලකණ්ණියා. මගේ දරුවා, තොප තවමත් මුවෙන් නො බැණ සි‍ටී. මුලින් මගේ දෙ අත් කරා ළඟා වෙද්දී මගේ දනහිස් වලටත් මිටිවූ තොප හමුවේ, එසේ නම්, මගේ දන තමන්ට ඉඩ දෙනු.

ජායිසිං

දැනටම වේදනා වීතිබෙන මගේ හදවතට වද දෙන්ට එපා, පියාණනි; කාලිමාතාව රාජකිය රුධිරපානය සඳහා සා පිපාසාවෙන් සිටි නම් අද රාත්රිඩයට පෙර මම එය එතුමී වෙත ගෙන එන්නෙමි. මගේ ණය සියල්ලක්ම, ඔව්, සෑම තුට්ටුවක් ම, මම ගෙවන්නෙමි. මා පෙරළා එනතුරු සූදානම්ව සිටින්න. මම පමා නො වන්නෙමි.

පිට වී යෙයි.

පිටත මහත් ඝොෂාවෙකි.

රඝුපති

අන්තිමේ එතුමී අවදිවී. භීතිය, එතුමී ගේ ශාපය ගොර බිරම් හඬින් නගරය මැදින් ‍දිවෙයි. සාගින්දරින් වියරු වැටුණු එතුමි ගේ ක්රොිධය, අහසේ තරු කඩා හැලෙන පරිදි, එහි උපරිම බල වේගයෙන්, ජගත් වෘක්ෂකයේ කඩාබිඳ වැටෙන ශාඛාවන් ඒ මේ අත දමා ගසන්නේ ය. මගේ මාතාවනි, ඔබතුමී ස්වකීය ජනතාවට මේ තාක් අඩමානයෙන් හා අගෞරවයෙන් සිටින්නට අවකාශ තබන්නේ ඇයි? ඔබතුමී ගේ කඩුපත එසවීම්, සේවකයා ගෙන් කෙරෙන්නට ඉඩ නො තබනු මැනව. ඔබතුමී ගේ වික්රිමාන්විත හස්තයෙන් ම එය සතු කාර්යය කෙරෙන්නට ඉඩ දෙන්න!

මට පියවර හඬක් ඇසේ.








90

බිලි පූජා

අපර්ණා ඇතුළු වෙයි.

අපර්ණා

ජායිසිං කොහි ද?

රඝුපති

ඉවත් වෙනු, අශුභ නිමිත්ත, (අපර්ණා පිටය යෙයි) එහෙත් ජායිසිං කිසිදිනෙක නො ආවොත්? නෑ. ඔහු තමාගේ පොරොන්දුව කඩ නො කරනවා ඇති. සියලු අභිමතාර්ථ මුදුන් පත් කර දෙන මහා කාලි මාතාවනි. ඔබ තුමිට ජය වේවා! එහෙත් ඔහුට බාධාවකට මුහුණ පෑමට වුවහොත්? ඔහු මුරකාවලට අසූවී, මුරභටයන් අතින් ඔහු ගේ ජීවිතයට අනතුරු වුවහොත්? සුපරීක්ෂාඅ කාරී කාලිමාතාව, ඔබ තුමීට ජය වේවා! අනභිභවනීය මාතාවනි! ඔබතුමි ගේ සතුරෝ ඔබට සිනාසීමට බලා සිටිති. ඔබ තුමීගේ කීර්තිය නැතිවන්නට ඉඩ නො දෙනු මැනව. ඔබගේ දරුවන් ගේ අභිමානය සහ මාතාවන් කෙරෙහි වූ ඔවුන්ගේ භක්තියත්නැතිව ගොස්, කැරලි කරුවන් ඉදිරියේ විලියෙන් තම හිස් නමන්නට ඔවුන්ට සිදු වුව හොත්, ඔබ තුමී ගේ ධජය රැගෙන යාමට මේ අනාථ ‍ලෝකයේ ඉතිරි වන්නේ කවරෙක් ද? ඔහු ගේ පා ශබ්දය මට ඇසේ. ඒත් මෙතරම් ඉක්මනින්? තම අභිමතාර්ථය ව්යාවර්ථ වී වත් ඔහු එන්නේ ද? නෑ. එය විය නො හැකියි. ඔබ‍ගේ ප්රා්තිහාර්යයට කාලය අනවශ්යඑයි. එකිනෙක ඇවිණූ මිනිස් හිස් කබලින් සැදුණු මාලයක් පැළඳ භීති ජනක දර්ශනයකින් පෙනී සිටින සදාකාලික ස්වාමි දුවනි.

ජායිසිං දුව එයි.

ජායිසිං රුධිරය කොහිද?









91

බිලි පූජා


ජායිසිං

එය මා‍ ළඟ තිබේ. මගේ දෙ අත් අත හරිනු. එය මට ම පූජා කිරීමට ඉඩදෙනු. (දෙවොලට වැදෙමින්) රජු‍ ගේ රුධිරය ඔබට ලැබිය යුතු ද? ප්රායණය සහිත තම ළයෙහි ලෝකය පොෂ්යලකරන ශ්රෙ ෂ්ඨ මාතාවනි? මම රාජකීය ක්ෂතත්රියය වංශයෙන් පැවතෙන්නෙක්මි. මගේ මුතුන් මිත්තෝ සිංහාසනවල හිඳගත්තාහු ය. මාතා පක්‍ෂයේ ජන පාලකයෝ සිටිති. මගේ නහරවැල්වල රජ ලේ තිබේ. එය පානය කොට ඔබ ගේ පිපාසය සදා කාලයටම සංසිදුවා ගන්න.

පිහියෙන් ඇනගෙන ඇද වැටේ.

රඝුපති

ජායිසිං.........! ක්රෑ රයි, අකෘතඥයි! තොප විසින් කරන ලද්දේ ඉතාම අපරාධ යයි. තොප ගේ පියා මරා දමනු! ජායිසිං මගේ ප්රේ!මය, මට කමාවෙනු. මගේ හදවතට නැවතත් එනු මගේ හදවතේ එකම වස්තුව! තොප වෙන‍ුවෙන් මැරෙන්නට මට ඉඩ දෙනු.

අපර්ණා ඇතුළු වෙයි.

අපර්ණා

එය මා පිස්සු වටවයි. ජායිසිං කොහිද? ඔහු කෝ?

රඝුපති

එනු, අපර්ණා එනු; මගේ දරුවා, තො ප ගේ මුළු ආලයෙන් ම ඔහු කැඳවනු. ඔහු ආපසු ජීවිතයට කැඳවනු මගෙන් බැහැරකොට, තොප වෙත කැඳවා ‍ගනු ඔහුට ජීවත්වන්නට පමණක් සලස්වනු.







92

බිලි පූජා


(දෙවොලට ඇතුළුවන අපර්ණ මුර්ජා වී වැටෙයි. රඝුපති සිය ලලාටය දෙවොලේ බිම හපමින්) ඔහු දෙනු! ඔහු දෙනු! ඔහු ආපසු මට දෙනු!! (දෙව්රුවට අමතමින් නැගිට සිටී) අර ඈ සිටින සැටි බලනු, මුග්ධ පාෂාණය, ගොළු බිහිරි, අන්ධ- දුක්වන මුළු ‍ලොව ම ඇගේ දොර ළඟ වැළපෙයි. ඉතා උතුම් හදවත් ඇගේ පාෂාණමය පා හමුවේ බිඳ හැලෙයි. මගේ ජායිසිං මට ආපසු දෙනු! ඒ සියල්ල නිශ්ඵලයි. අපේ ශෝක විලාප වලින් ගුවණ පිරී යයි. අපේ ශෝක විලාප වලින් ගුවන පිරී යයි. ඔව්, අපේ හැඬීම්, වැළපීම් මේ ව්යාආජ ශෛල ප්ර තිමාව වලින් පිරවීමට නිෂ්කාරණයේ අප දරන උස්තාහ ගුවනේ නැති වෙයි. ඒවායින් තුරන් වෙමු! අපේ ලෝකයට බරක් වීමට ගල්වන අපේ මේ බෙල හීන සිහිනවලින් තුරන් වෙමු!

ඔහු කාලප්ර තිමාව ඉවත විසි කරයි. විසිකොට රජ මාලිගා භූමියට පිවිසෙයි.

ගුණවතී ඇතුළු වෙයි.

ගුණවතී

ශ්රෙතෂ්ඨ කාලිමාතාවනි, ඔබට ජයවේවා. ඒත් කෝ කාලී මාතාව?

රඝුපති

එහි ඇති කාලිමාතාවක් නෑ.

ගුණවතී

එතුමී ආපසු ගෙනෙන්න පියාණනි, මම එතුමී වෙත මගේ පූජා භාණ්ඩ ගෙනාවෙමි. මගේ හදවතේ ලෙයින් එතුමී ගේ කෝපය සන්සිඳවීම සඳහා මෙතෙක් බලා සිට මම පැමිණියෙමි. රජ බිසව තමා ගේ පොරොන්දුව බොරු නොකරන බව එතුමී දැන ගත්තා වේ. මා කෙරෙහි අනුකම්පා කොට මේ රාත්රිබය සඳහා පමණක් වත් කාලිමාතාව ආපසු ගෙනෙනු මැනව. එතුමී කොහි දැයි මට කියන්න.





93

බිලි පූජා

රඝුපති

ඈ උඩත් නෑ; බිමත් නෑ; කොහිවත් නෑ.

ගුණවතී

ස්වාමිනි, කාලිමාතාව මෙහි මේ දෙවොලේ නැද්ද?

රඝුපති

කාලිමාතාව? ලෝකයේ සැබෑ කාලිමාතාවක් කොහිවත් සිටීනම්. ඇයට මේ දේ දැරිය හැකි වේවිද?

ගුණවතී

මට වධ දෙන්ට එපා. මට ඇත්ත කියනු මැනව. කාලිමාතාව එහි නැද්ද?

රඝුපති

නෑ එහි කිසිවෙක් නෑ.

ගුණවතී

එසේ නම්, මෙහි කවරෙක් සිටීයේද?

රඝුපති

කිසිවක් නෑ. කිසිවක් නෑ.

අපර්ණා දෙවොලෙන් පිටතට එයි.

අපර්ණා

පියාණනි!

රඝුපති

මගේ ප්රිෙයතම දරුවා! “පියාණනි” යි තොප කී වෙහි ද? තොප ඒ නමින් මට චෝදනා කරන්නීද? මා විසින් මරා දමනු ලැබූ මගේ පුත්රායා විසින් ඒ ආදරණීය ආමන්ත්රීණය තොප‍ෙග් මිහිරි කට හඬේ ඉතිරි කොට තිබේ.


94

බිලි පූජා

අපර්ණා

පියාණනි, මේ දෙවොල අතහැර යන්න. අපි මෙතැනින් පිටවී යමු.

රජු ඇතුළු වෙයි.

ගෝවින්ද

කාලිමාතාව කොහිද?

රඝුපති

කාලිමාතාව කොහිව ත් නෑ

ගෝවින්ද

මොනවා? මේ ලේ පාර කුමක්ද?

රඝුපති

රජතුමාණනි, ඔබට එතරම් කිංකර ලෙස ආදරය කළ ජායිසිං දිවි නසාගෙන තිබේ.

ගෝවින්ද

දිවිනසා ගත්තා ? අයි?

රඝුපති

ජීව රුධිරය උරාබොන ව්යාටජ ත්ව ය නැතිකර දැමීම සඳහා

ගෝවින්ද

ජායිසිං ශ්රෙ ෂ්ඨයි. ඔහු විසින් මරණය අභිභවනය කරන ලද්දේය. මගේ මේ පුෂ්පයන් ඔහුට පූජා වේවා.

ගුණවතී

මගේ රජතුමනි.

ගෝවින්ද

ඔව් මගේ ප්රේ මිය. 95 බිලි පූජා

කාලිමාතාව ඉතින් ඉවරයි.

ගෝවින්ද

ඈ තම ශෛලමය සිපිරි ගෙය බිඳගෙන ස්ත්රි යගේ හදට ආපසු පැමිණ තිබේ.

අපර්ණා

එන්න පියාණනි.

රඝුපති

එනු දරුවා, එන්න මාතාව, මට තී සම්භවිය. ජායිසිං ගේ අන්තිම පරිත්යාවගය තොපයි.


නිමි

"https://si.wikibooks.org/w/index.php?title=බිලි_පූජා_-_ii&oldid=5900" වෙතින් සම්ප්‍රවේශනය කෙරිණි