බුද්ධාගම සහ පාරම්පරික වෙදකම
බුද්ධාගම සහ පාරම්පරික වෙදකම ලාංකික ශිෂ්ටාචාරයේ මූලික අංග දෙකක් වන බුද්ධාගම සහ පාරම්පරික වෙදකම ගැන ජනතාවගේ අවධානය වරින්වර යොමුකිරීම වැදගත් කාර්‍යයකි.ඊට හේතුව බටහිරින් එන පහත් මට්ටමේ විලාසිතාවන් හා මතිමතාන්තර කෙරෙහි සමහර අය- විශේෂයෙන් ම තරුණ පරපුර-ඇදී යෑම දක්නට ලැබීමය දෙමව්පියන්ට,වැඩිහිටියන්ට ගරු කිරීම තරුණ පරම්පරාවේ ආධ්‍යාත්මික දියුණුවට හේතු වන්නක් බව තරුණ තරුණියන්ට පාසැල් අවධියේම අවබෝධ කිරීම වැදගත් ය විදේශීය භාෂාවන් සහ සංස්කෘතීන් හැදෑරීම ප්‍රයෝජනවත් වුවද තමන්ගේ මව් බස සහ දේශීය සංස්කෘතිය පහත් කොට සැලකීම අණුවන ක්‍රියාවක් බව තරුණ පරපුරට පාසැල් වියේදීම අවබෝධ කොට දියයුතුය ඉහත සඳහන් කළ බුද්ධාගම සහ පාරම්පරික වෙදකම ගැන උනන්දුවක් දැක්විය යුත්තේ එම හේතුව නිසාය නවීන අධ්යාපනය ප්‍රචලිත වීමට පෙර පැවති පිරිවෙන් අධ්යාපනය ප්‍රස්තුත විෂය දෙකටම වැදගත් තැනක් දුන්නේය.ලංකාවේ පැවති විශිෂ්ට අධ්‍යාපන ආයතන දෙකක් වූ විදේයාදය හා විද්‍යාලංකාර පිරිවෙන් දෙකට විශ්වවිද්‍යාල තත්තවය දීම එක් අතකින් සතුටට කාරණයක් වුවද ඉන් අනතුරු ව පැරණි සාම්ප්‍ර‍දායික අධ්යාපනය ඒ ආයතන දෙකින් තුරන් වීම කනගාටුවට හේතුවකි. ජිනදාස ලියනරත්න.