C හා C++ සිංහලෙන්/භාවිත

Wikibooks වෙතින්
Jump to navigation Jump to search

අචාර්ය ඇන්. ඇම්. පෙරේරා කියන්නෙ අපට හිටපු දක්ෂ මුදල් ඇමතිවරයෙක්. වරක් හැංගූ නෝට්ටු එළියට ගන්න ඒ නෝට්ටුව අවලංගු කළා. තමන් ගාව ඒ නෝට්ටුව තියෙනව නම් බැංකුවට දීල ඒ වෙනුවට අළුත් නෝට්ටුවක් ගන්න වුණා. මේ උපායෙන් හැංගිලා තිබුණු හුඟාක් සල්ලි එළියට ආවා.


මැති සබයෙ කිසි විටෙක කුණුහරුප නොදෙඩූ අනුන් අපහාසයට පත් නොකළ එතුමා මිය ගිය විට සිදු වූ වැදගත් සිදුවීමක් කියන්නයි මං බලාපොරොත්තු වෙන්නෙ.


එතුමා මිය ගිය දිනට පසු දේහය ආදාහන කිරීමට පෙර දිනයක ලංකාවේ තිබූ සියළු ටෙලෙක්ස් යන්ත්‍රවලින් පණිවිඩයක් මුද්‍රණය වෙන්න පටන් ගත්තා. ඒ ලිපිය මුළු A4 කොළයක් පුරාම එක එක අකුරු මුද්‍රණය වූ එකක් වූ අතර මුද්‍රණය සඳහා භාවිතා කර තිබුණේ N, M හා P යන ඉංග්‍රීසි අකුරු 3 ත් තිතත් පමණයි. මුද්‍රණය වී අවසන් වන තුරුත් එය කුමක් දැයි වටහා ගැනීමට බොහෝ අයට නුපුළුවන් වුණා.


මුද්‍රණය අවසන් වූ පසු කොළය ඈතට අල්ලා බැලූ විට එය ආචාර්ය ඇන්. ඇම්. පෙරේරාගේ මුහුණ බව කාටත් වැටහී ගියා. මුහුණෙහි ලා පාටැති හරියට තිතත් තද පාටැති හරියට තද කළු පැහැයක් ගත් M අකුරත් ඉතිරි හරියට N හා P අකුරුත් භාවිතා කර ඉතාමත්ම අලංකාර නිර්මාණයක් යමෙකු කර තිබුණා. එය ඒ උතුම් පුරුෂයාට කළ අති විශිෂ්ඨ ගෞරවයක්.


C ඉගෙන ගන්නා ඔබෙගෙනුත් මා යම් ඉල්ලීමක් කරන්නට කැමතියි. ග්‍රාෆ් කොළයක් ගෙන ඔබ කැමති රූපයක් එහි අඳින්න. එහි එක් එක් කොටුවක් පරිගණක යතුරු පුවරුවේ ඇති අකුරු හා සංකේත භාවිතා කර පුරවන්න. ඉන්පසු එම රූපය පරිගණක තිරයේ ලබා ගැනීම සඳහා Program එකක් නිර්මාණය කරන්න. මේ ඔබ මේ වන තෙක් ඉගෙන ගත් දේ යොදා ගැනීමට අපූරු අවස්ථාවක්. rgrrg


C සඳහා සයවන උදාහරණය · C සඳහා සත්වන උදාහරණය

"https://si.wikibooks.org/w/index.php?title=C_හා_C%2B%2B_සිංහලෙන්/භාවිත&oldid=9159" වෙතින් සම්ප්‍රවේශනය කෙරිණි