Cookbook:බත් සෑදීම

Wikibooks වෙතින්
Jump to navigation Jump to search
බත් සෑදීම
විකිමීඩියා Cookbook හි කොටසකි.


සාදරයෙන් පිළිගනිමු!!


බත් ශ්‍රී ලාංකිකයන්ගේ ප්‍රධාන ආහාරයයි. එබැවින් බත් සහ එයට ගැලපෙන ව්‍යංජන පිස ගැනීම සූප ශාස්ත්‍රයේ වැදගත් කොටසකි. නමුත් අභාග්‍යයකට මෙන් නොසළකා හැරීම නිසා පුරාණයේ පැවති නොයෙකුත් අන්දමේ රසවත් බත් සහ ව්‍යංජන සෑදීමේ ක්‍රම වර්තමාන ජනයාට සම්පූර්ණයෙන් රහසක්ව පවතී.

බත් පිසීම[සංස්කරණය]

බත් පිසීම සඳහා වුවමනා කරන වතුර ප්‍රමාණය මෙපමණ යයි ස්ථිර වශයෙන් කිව නො හැකිය. විවිධ හාල් වර්ග වලට අනුව අවශ්‍ය වන වතුර ප්‍රමාණය ද විවිධ වේ. එසේම අලුත් හාල් වලට වඩා පරණ හාල් වලට වැඩිපුර වතුර වුවමනා කෙරේ. කෙසේ වෙතත් බත් පිසීම ලාංකික ආහාර පිසින්නන්ට නිදහස්ව කල හැක. මක් නිසාද යත් ඔවුන් එය පළපුරුද්දෙන් දන්නා බැවිනි. මුතුසම්බා හාල් සේරුවකට වතුර නැලි දෙකක් පමණ ප්‍රමාණවත් වෙතැයි දළ වශයෙන් කිව හැකිය.

සහල් ගැරීම අවශ්‍ය වන්නේ පිරිසිදු නොවන සහල් වලට යි. මක් නිසාද යත් ඒවායේ ගල්, වැලි සහ වෙනත් අපද්‍රව්‍ය අන්තර්ගත විය හැකි බැවිනි. නමුත් වර්තමානයේදී වෙළඳපොළේ ඇති බොහොමයක් සහල් පිරිසිදු කරන ලද ඒවා බැවින් එම සහල් පිරිසිදු ජලයෙන් සෝදා ගැනීම ප්‍රමාණවත් වේ.

බත් පිසීමට පහසුම උපකරණය වන්නේ විදුලි බත් පිසිනය (rice cooker)යි. එහෙත් මැටි හෝ ලෝහමය වෙනත් සුදුසු බඳුනක් වුවද ඒ සඳහා භාවිත කල හැකිය. එවැනි බඳුන් භාවිතයේදී ගෑස්, දර, භුමිතෙල් වැනි උඳුන් භාවිත කිරීමට සිදුවනු ඇත.

"https://si.wikibooks.org/w/index.php?title=Cookbook:බත්_සෑදීම&oldid=10215" වෙතින් සම්ප්‍රවේශනය කෙරිණි