ඉතිහාස කතාව
හැදින්වීම
ඕනෑ ම රටක දියුණුව ඇති වීමට නම් ඒ රටේ පාලකයා නැණවත් වීමත් ධාර්මික වීමත් අවශ්‍යය. අවුරුදු දෙදහසක පමණ දීර්ඝ ඉතිහාසයේ අපේ රට ලෝකයේ අන් රටවල් සමග සම තැන ගෙන කටයුතු කළේය. සිහලදීප, සිලෙදිබා, සෙයිලාන්, සෙරන්දිබ්, තැප්‍රෝබේන් යන නම්වලින් අපේ මෙම කුඩා දිවයින, ඉන්දියානු සාගරයේ නැව්වලින් ගමන් බොහෝ දෙන දැන සිටියහ. මේ රට සුන්දර දිවයිනක් වීමත්, ඉතා වටිනා දෑ පිටරටවලට වෙලදාම් කිරීමත් රටේ ප්‍රසිද්ධියට හේතු විය. රටවැසියන්ගේ යහපත සදහා නිරන්තරයෙන් ක්‍රියා කල බුද්ධිමත් අභීත රජවරුන් මේ රට පාලනය කල නිසා අපේ රට නිවහල් රටක් ලෙස කා අතරත් ප්‍රසිද්ධියට පත් විය. එවන් රජවරු කිහිපදෙනෙක් පිලිබදව අපි ඉගෙන ගමු.
පණ්ඩුකාභය රජතුමා
පණ්ඩුකාභය රජතුමාගේ පියා දීඝගාමිණී කුමරුය. මව චිත්‍රා කුමරියයි.පණ්ඩුකාභය කුමරු පණ්ඩුල නම් බ්‍රක්මනයෙකුගෙන් අධ්‍යාපනය ලැබීය. කුමාරට කුඩා කාලයේදීම මුහුණ දෙන්නට වූ විවිධාකාරයේ දුක් කම්කටොලු සහ බාධක රාශියක් ගැන ඉතිහාස පොත්වල විස්තර කර තිබේ. පණ්ඩුකාභය කුමරු අනාගතයේ රජු අකමැති වූ පිරිස් කුමරු රජවීම වලකනු පිණිස කටයුතු කළහ. එහෙත් සිය ඥානයෙන් ඒ සියලු බාධා ජයගත් පණ්ඩුකාභය කුමරු නිසි වයසට පත් වූ කල ස්වර්ණපාලි නම් කුමරියක සරණ පපාවා ගත්තේය.පසුව ඔහු රටේ රජු බවට පත් විය.