C හා C++ සිංහලෙන්/C සඳහා දෙවන උදාහරණය

දැන් අපි දන්නවා යම්කිසි වචනයක් තිරයේ දිස්වීම සඳහා C වලින් පරිගණක වැඩ සටහනක් සකස් කරන්නෙ කොහොමද කියලා. දැන් අපි පහළ පරිගණක වැඩ සටහන ටයිප් කර යම් තැනක ගබඩා කර එය Compile කර Run කර බලමු.

#include<stdio.h>

void main()  {
    printf("Hello");
    printf("World");   }

ඔයගොල්ලො බලාපොරොත්තු වුණේ පේලි දෙකක මේ වචන දෙක දිස් වෙයි කියල වුණත් සිදු වුණේ එකම පේලියේ හිඩැසක්වත් නැතිව මේ වචන දෙක දිස් වීම නේද ? ඇයි ඒ ?

ඒකට හේතුව තමයි, printf() යන නියෝගයේදි අළුත් පේලියකට පනින්න ඕනෙ නම් ඒක "\n" යන Text එක පාවිච්චි කරල කියන්න ඕනෙ වීම. එහෙම නම් අපි ඒ කොටසත් ඇතුළු කරල අළුතින් පහළ අයුරින් Program එක ලියමු.

#include<stdio.h>

void main()  {
    printf("Hello\n");
    printf("World");   }

අවශ්‍ය නම් එකම පේලියේ මේ වැඩේ කරන්න පුළුවන්, වචන දෙක ප්‍රතිඵලයේදී පේලි දෙකක සිටින සේ දැක්වීමට.

#include<stdio.h>

void main()  {
    printf("Hello\nWorld");   }

මේ C ප්‍රොග්‍රෑම්ස් 3ම ටයිප් කර, ඒ එක එකක පහත ඇති නමින් ගබඩා කර Compile කර Run කරනු ඇතැයි මම උදක්ම බලාපොරොත්තු වෙනවා. ඒ විස්තර පළමු උදාහරණයේදී හොඳින් විස්තර කරන ලද හෙයින් නැවත විස්තර කිරීම අනවශ්‍ය ය කියලයි මම හිතන්නෙ.